ၜဳကလေၚ်၊ မေ(၂၈) တွဵုရးဍုၚ်မန်၊ ပ္ဍဲပွိုၚ်ဍုၚ်ၜဳကလေၚ်ဂှ် ဟိုတ်နူပရေၚ်ပန်ပှော်ၜါလ္ပာ်တုဲ ကောန်ၚာ် (၂)တၠဒးချိုတ်လဝ်တုဲ ဒးလဝ်ဘဲဝပ် (၅)တၠရဂှ် ဂွံတီကေတ် နူညးဒေသကီု သီုသ္ကိုပ်ကောပ်ကာဲကေၚ်ကာမိတ် KNU ခရိုၚ်သဓီုတအ်ရ။ ဂိတုမေ စၟတ်တ္ၚဲ (၂၇) အခိၚ်နူဂယးဂှ် ကောန်ဒပ်ကံၚ်ဇြဳပၞာန် ဖျေံလဝ်ဗဒိုပ် ဗ္ဒာဲကွာန်ဒံၚ်ယွာ(ဒေါင်းရွာ) ပွိုၚ်ဍုၚ်ၜဳကလေၚ်ဂှ် ဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA ၊ PDF တအ် အာဗတိုက်လဝ် နကဵုဒရုမ်ရ။…
ပံၚ်၊ မေ(၂၈) တွဵုရးဍုၚ်မန်၊ ပွိုၚ်ဍုၚ်ပံၚ်၊ ပ္ဍဲကွာန်တခေါန်ဒိုၚ် ဂိတုမေ စၟတ်တ္ၚဲ (၂၆) အခိၚ်ဗ္တံ ၜိုတ်(၈)နာဍဳဂှ် သ္ကိုပ်ပရေၚ်အုပ်ဓုပ် ကံၚ်ဇြဳပၞာန်ခါန်ကၞက်မွဲတၠ ဟိုတ်နူဒးဒုၚ်ပန်ကဵုလွဟ်တုဲ ဒးချိုတ်လဝ်ရဂှ် ညးဒေသဂမၠိုၚ် ဟီုကဵုဌာန်ပရိုၚ်သြၚ်လောန်တိုၚ်(မ်)ရ။ သ္ကိုပ်ပရေၚ်အုပ်ဓုပ် ကွာန်အေန်ဗျောၚ် ဥူသိုဝ်မိ ဒၟံၚ်ကွာန်တခေါန်ဒိုၚ်ဂှ် သၟာလွဟ်ဂမၠိုၚ် ကၠုၚ်ကဵုကွဳလိုန်ဓာတ်(၂)ဖ္ဍိုက် တိုန်လ္တူသ္ၚိတုဲ ပန်လဝ် နကဵုလွဟ်ရ။ ဃောပန်ကဵုလွဟ်ဂှ် ၜိုန်ရဥူသိုဝ်မိ ပ္တိတ်ဇြဟတ် သွက်ဂွံဂြိပ်ကီုလေဝ် ဒးချိုတ်အာ…
မဝ်သကိုဝ်၊ မေ (၂၇) သမ္မတရုယှာတြေံ ဒဳမဳထရဳ မက်ဗဳဒက် မွဲဏှမွဲဏှ မလေပ်ကဵုတဴစၟတ်သမ္တီ ပိုတ်တ်သ္ကုတ်တ် စပ်ကဵုပေါဲပၞာန်ကရေမ္မလေန် မၞုံယူကရုၚ်ဂှ် ပဋိပက္ခတံဏံဝွံ သ္ဇက်ဂွံလအ်အာ သၞာံဗွဲမဂၠိုၚ်ဂၠေၚ်နွံရောၚ် ပ္ဍဲဂိတုမေ (၂၆) တေံ ဟီုဂးလဝ်ရ။ “ပဋိပက္ခတံဏံဝွံ လအ်အာသၞာံဗွဲမဂၠိုၚ်ဂၠေၚ်မာန်ဏောၚ်၊ ကဵုစှော်သၞာံလေဝ် လအ်မာန်ရောၚ်” သာ်ဝွံ မက်ဗဳဒက် မဒှ်အထံက်ဇၞော်သ္ကိုပ် ကံၚ်ဇြဳဂီုကၠီုရုယှာ မၞုံသၟဝ်တဲ သမ္မတရုယှာ ဗလာဒဳမာပူတေန် အဃောမအာစိုပ်ဂေတ်ဝေၚ်…
ဒပ်ပၠန်ဂတးသၟဝ်တိ ချဳဒရာၚ်ဒၟံၚ် လ္တူဍုၚ်ဇၞော် အလုံမွဲဍုၚ်တအ်ဂှ် ပ္ဍဲကာလပၠန်ဂတးက္ညၚ် ပွိုၚ် (၂)သၞာံဏံ မ္ၚးနူဒးဒုၚ်ရပ်တုဲ ဟိုတ်နူက္လိဂွံ အရီုဗၚ်အောန်ကၠုၚ်ဒၟံၚ်ဂှ်ရ သွက်ဂွံဒတူလာၚ် သာတုဲခက်ခုဲကၠုၚ် ဒပ်ပရေၚ်ပၠန်ဂတး ဂမၠိုၚ် ဟီုကၠုၚ် မွဲရမျာၚ်အိုတ်ရ။ ညးလုပ်ဂကောံဒပ်ဒမၠုက်ဍုၚ်ဇၞော်တအ်ဂှ် ပ္ဍဲသၞာံ ၂၀၂၂ တုဲကၠုၚ်ဏံ ဟိုတ်နူဟွံက္လိဂွံပရေၚ်ထံက်ပၚ်တုဲ ဒၟာနူဆုဲ ပြံၚ် ဗွဲမဂတာပ်အခိၚ် ဟွံဂတာပ်ဂှ်ရ ဂကောံဒးဒုၚ် ရပ်လဝ်ကီု ဟိုတ်နူဟွံက္လိဂွံပရေၚ်ထံက်ပၚ်တုဲ ကၠောန်သ္ပလဝ်ပရေၚ်ချဳဒရာၚ်ပၞာန်ဟွံမာန်တုဲ ဂကောံ…
ကအ်ကြိက်၊ မေ(၂၇) ပ္ဍဲဒေသမဝ်ခဳ တိဍာ်ဗော်သွးကောန်ဂကူကရေၚ် KNU ဒပ်မဟာ (၆)ဂှ် ဟိုတ်နူဒပ်ကံၚ်ဇြဳပၞာန် ဗတိုက်လဝ်ကဵုပၞာန်ကျာတုဲ သွက်ညးဍုၚ်ကွာန် ဒးဂြိပ်ဒဴပါဲဓလေတ်ဒၟံၚ်တအ် နွံဒၟံၚ်ပၟိက်ကဵု အရီုဗၚ်ထံက်ပၚ် ဇွောံမစၞစ ကေုာံကၟဳဗ္ဒၚ် နဒဒှ်ကာတၟေၚ်ရဂှ် ဂကောံအခေါၚ်အရာမၞိဟ်ကရေၚ် KHRG လလောၚ်တြးလဝ် ပ္ဍဲဂိတုမေ စၟတ်တ္ၚဲ(၂၆)ဏံရ။ ပ္ဍဲဂိတုမေ စၟတ်တ္ၚဲ (၂၃) တုဲကၠုၚ် အခိၚ်သ္ဂာဗ္တံဂှ် ကံၚ်ဇြဳပၞာန်ကၠောန်သ္ပကၠုၚ်လဝ် ပရေၚ်ဗတိုက်ပန် ဂြာတ်ထောံဖျေံဗုမ် ကဵုက္ၜၚ်ကျာ…
မတ်မလီု၊ မေ (၂၇) ထၜိုတ်တိတ်နူတွဵုရးဍုၚ်မန်တံဝွံ ကြဴနူဒပ်ပၞာန်သီအဝဵုတုဲ မ္ၚးနူသၞောဝ်အစာံမစၟတ်လဝ်တံ ဟွံပေၚ်ဂှ် သီုကဵုဍာ်ဒကေဝ် စှ်ေကၠုၚ်ဂှ်ရ ဍုၚ်သ္အာၚ်လ္ၚဵုတံ ဒေါအ်ရာန်ကၠုၚ် နွံဂှ် တၠကမၠောန်ပရေၚ်သွံရာန်ရဝ်ဗာတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ညးတဵုလွဳထၜိုတ်ရဝ်ဗာတံဝွံ အပ္ဍဲကာလဒပ်ပၞာန်သီအဝဵုဂှ် ဟိုတ်နူၚုဟ်ကပေါတ်တမ်ဂမၠိုၚ် မပ္တံကဵုဝါဲဓာတ်၊ အက်သေတ် ကေုာံ သီုကဵုခရိတ်အိုတ်နာနာ သၠုၚ်ဒၟံၚ် ဂၠိုၚ်ကဵုဆဂှ်ရ ပရေၚ်ထိၚ်ဒဝ် လ္တူဍာ်ဒကေဝ်ရဝ်ဗာတံဂှ် ဇြဟတ်ဍိုန်လျကၠုၚ်လဝ်ရ။ မွဲလ္ပာ်ပၠန်ဂှ် ညးတဵုလွဳရဝ်ဗာဂမၠိုၚ်ဝွံ…
မတ်မလီု၊ မေ(၂၇) ပ္ဍဲမွဲကာလဒပ်ပၞာန်သီအဝဵုဏံ ပ္ဍဲတွဵုရးဍုၚ် မ္ၚးနူဒပ်ကံၚ်ဇြဳပၞာန် ရပ်ဒက်ပြိုက်ဂစိုတ်ဂှ် ဟိုတ်နူပန်ပှ်ော လဝ်တုဲ ကောန်အရာပ်ညးဍုၚ်ကွာန် ဒးချိုတ်လဝ် စဵုကဵု (၆၀)တၠနွံကၠုၚ်ရဂှ် ဂွံတီကေတ် အတိုၚ်တၚ်ဂၞၚ် ဂကောံမၚ်မွဲရံၚ်စံၚ်ကောန်ထံၚ်ပရေၚ်ဍုၚ်ကွာန် AAPP ရ။ အတိုၚ် AAPP ဟီုသ္ဂးလဝ်မ္ဂး ပ္ဍဲမွဲကာလဒပ်ပၞာန်သီအဝဵု ပွိုၚ်(၂)သၞာံဏံ ကောန်အရာပ်ညးဍုၚ်ကွာန် ဒးဒုၚ်ပြိုက်ဂစိုတ်လဝ် ဗ္ဒာဲ ၃၆၀၀ တၠ နွံကၠုၚ်တုဲ ပ္ဍဲကဵုဂှ် ကောန်အရာပ်…
လဂုၚ် -မေ (၂၇) ရးဒေသလဂုၚ်၊ ပ္ဍဲပွိုၚ်ဍုၚ်ဒဂုၚ်သၟဝ်ကျာဂှ် ညးထံက်ဂလာန်ကံၚ်ဇြဳပၞာန် ညးမၞုံဝါဒကောန်ဂကူတၞုၚ်တၞး ဥက္ကဋ္ဌ Myanmar National Organization(MNO) မၞုံယၟု ဥူတေအ်လွေန် ဒးဒုၚ်ပန်ပသောၚ် လဝ်ရဂှ် ညးစုက်လုက်ဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ပရေၚ်ဒဒှ်ဂှ် တ္ၚဲဏံ ဂိတုမေ စၟတ်တ္ၚဲ(၂၆) အခိၚ်ဒေါဝ်တ္ၚဲ(၁၂)နာဍဳပြၚ်ဂှ် ဒးဒုၚ်ပန်လဝ် ပ္ဍဲဆေၚ်ဍာ်လက်ဖက်ယှိုဲကောၚ်ကျွာ မၞုံဂၠံၚ်ဗထူ၊ ပွိုၚ်ဍုၚ်ဒဂုၚ်သၟဝ်ကျာရ။ ဟိုတ်နူပန်ပှော်လဝ်တုဲ မကမ်ဖံက်လုပ်ဂွံလဝ် ပ္ဍဲလကြဴဂၞာက္ဍဟ်တုဲ…
လံၚ်လုၚ်၊ မေ (၂၇) ကြဴနူဗ္ဒိုပ်ဗၠာဲသၟိၚ်၊ ရုၚ်(စရဖ) ကေုာံ ရုၚ်လဝက လ္တူဍုၚ်လံၚ်လုၚ်၊ ရးဒေသဇၞော်တၞၚ်သဳတံ ဒးဒုၚ်ဗ္တိုက် အပ္ဍဲမွဲတ္ၚဲဓဝ်တုဲဂှ် ကံၚ်ဇြဳပၞာန် ရပ်ဒက်ဏာ ညးဒေသ ဟွံအောန်နူကဵု (၅၀) တၠတုဲ ကၠောန်သ္ပစၟဳစၟတ် သၟာန်သၟုက်ဒၟံၚ်ရောၚ် ညးလ္တူဍုၚ်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ တုဲကၠုၚ် ပ္ဍဲဂိတုမေ (၂၃) အခိၚ်လဒေါဝ်တ္ၚဲဂှ် ဂကောံဒပ်ဒမၠုက်ထဝါဲ ကေုာံ ဂကောံဒပ်ပံၚ်ကောံတံ…
ဇြေတုတ္တရာ – မေ (၂၇) ရးဒေသမဂွေ၊ ထ္ပက်လုပ်ကရောၚ်ပၞာန် ပ္ဍဲကွာန် မၞုံပွိုၚ်ဍုၚ်ဇြေတုတ္တရာတုဲ ကေတ်ဏာဒၟံၚ် ကပေါတ်ကပေါတ်ညးဍုၚ်ကွာန်တအ်ကီု၊ ၜုက်တၚ်ပျဲပျာံဒၟံၚ် ညးဍုၚ်ကွာန်တအ်ကီုရဂှ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ သ္ပတမ်နူ ဂိတုမေ စၟတ်တ္ၚဲ (၂၃)တုဲ ကောန်ဒပ်ကံၚ်ဇြဳပၞာန် လုပ်စိုပ်ကၠုၚ် ပ္ဍဲကွာန်မၞုံသ္ကုတ်ဂၠံၚ် သလေန်-ဇြေတုတ္တရာကဵု မွဲဒမြိပ်မုမ်ချောၚ်ဂှ်တုဲ ကၠောန်သ္ပကၠုၚ်ဒၟံၚ်သာ်ဏံရ။ “ရပ်ကေတ်ဒၟံၚ်သီု မွဲကွာန်။ စဲပ္ဍဲတ္ၚဲ ထ္ပက်ကဵုလ္ၚပၟတ်ရ။ စတမ်နူကောန်ၚာ်ၜါသၞာံ…
sanlontai