မတ်မလီု၊ နိုဝမ်ပါ ၇
အလုံဍုၚ်မွဲ စနူဂိတုဂျာန်နဝါရဳ ဒဵုကဵုအံက်တဝ်ပါ ပ္ဍဲကဵုသၞာံဏံ ပွိုၚ် ၁၀ ဂိတုဂှ် ကောန်ဒပ်ကဝ်မယှေန် ၂၂၀၀ ပြၚ်ဖျေံလဝ်လွဟ် နွံမံၚ်ရောၚ်ဂှ် ဂကောံတိုၚ်ပ္ကဴညးဍုၚ်ကွာန် ပတိတ်လဝ်ပရိုၚ် ပ္ဍဲနဝ်ဝမ်ပါ ၇ ဂှ်ရ။
အတိုၚ် ဂကောံတိုၚ်ပ္ကဴညးဍုၚ်ကွာန် ကံက်လဝ်တၚ်နၚ်မ္ဂး ပ္ဍဲကဵုပွိုၚ် ၁၀ ဂိတုဏံ နူကဵုလပါ်ဒပ်ကဝ်မယှေန် ကၠုၚ်ဖျေံလွဟ်ကီု လုပ်ကၠုၚ်ပံၚ်ကီု နဒဒှ်ဂၠုဲပၞာန် ရပ်ဂွံလဝ် ၂၂၄၆ တၠ နွံမံၚ်ရ။
တုဲကၠုၚ် ပ္ဍဲကဵုဂိတုအံက်တဝ်ပါဏံ ညးကၠုၚ်ဖျေံလွဟ်ကီု လုပ်ကၠုၚ်ပံၚ်ကီု ဒဵုကဵု ၁၅ တၠနွံမံၚ်တုဲ နူကဵုရးမာန္တလေဝ် ၉ တၠ ဂၠိုၚ်အိုတ်ပါလုပ်ရ။
အနာဂတ် ကောန်ပၞာန်သ္ဇိုၚ်သၟဝ်တံဂှ် သီုကဵုပေါဲဗတိုက် ကၠက်ကၠေံမံၚ်ဏီတုဲ ဂၠံၚ်ဍာန်ဖျေံလွဟ်ဂှ်ဟေၚ် သွက်ပရေၚ်ၜိုဟ်လလမ်ဇကု ဒးဗက်ဂၠာဲရဂှ် ဂကောံတိုၚ်ပ္ကဴညးဍုၚ်ကွာန် သ္ဂးရ။
ဟိုတ်ဂှ်တုဲ ဒပ်ကဝ်မယှေန်ပၞာန်၊ ဒပ်ဗၠာဲသၟိၚ်ကဵု ဒပ်ပၞာန်မၚ်ကွာန်တံဂှ် ဇရေၚ်ဂကောံပၠန်ဂတးမဆေၚ်စပ်တံ နဲဂွံမာန် ဂၠာဲဂၠံၚ်ဍာန်တုဲ ကေတ်အဆက်ကၠုၚ်ဖျေံလွဟ်ညိ ဗတိုက်ဖအောဝ်လဝ်ရ။
လပါ်ကဝ်မယှေန်ပၞာန်ဂှ်တှ်ေ ကၠာဟွံစိုပ်ပေါဲရုဲမာဲဏံ ရဲဂကောံဇြဟတ်ပၠန်ဂတးတံ ကၠုၚ်ဖျေံလွဟ်နွံမံၚ်ရောၚ် ခြာဟွံလံဟွံလံ တြးမံၚ်ဝါဒနွံရ။
ပရိုၚ်-သြၚ်လောန်တိုင်မ်
Photo – တနင်္သာရီပကဖ