ကအ်ကြိက်၊ နိုဝမ်ပါ ၇
တွဵုရးကရေၚ် ဒပ်ကဝ်မယှေန်ပၞာန် ထပက်မံၚ်ကရောၚ်ပၞာန် လပါ်ကွာန် သ္ကုတ်သၟဝ်ကျာကအ်ကြိက်တံဂှ် ဒးဝပ်ချိုတ်ဂၠိုၚ်မံၚ်ရောၚ် တမ်ရိုဟ်ကၞက်ဗလးတိတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
ဒပ်ကဝ်မယှေန်ပၞာန်သီအဝဵု သွက်ဂွံကလေၚ်ထိၚ်ချုက်ကေတ် ဂၠံၚ်တြေံကအ်ကြိက်-ဗြဝတဳ လ္တူဒဵုဒဝ်နမာန်ဂှ် စနူဂိတုအံက်တဝ်ပါတုဲ နကဵုဇြဟတ်ပေၚ်ၚ် ထပက်မံၚ်ကရောၚ်ပၞာန်ရ။
ဟိုတ်နူဒပ်ကဝ်မယှေန်ပၞာန် ထပက်မံၚ်ကရောၚ်ပၞာန်ဂှ်ရ ပ္ဍဲကဵုဂကောံကွာန်ထဳဖိုဝ်သာန်ကဵု ပွဳပွူတံဝွံ ဒဵုကဵုနဝ်ဝမ်ပါ ၅ ဏံ အကြာၜါလပါ် ပေါဲဗတိုက်သ္ကာတ်မြဟ် ဆက်ဒှ်မၚ်တုဲ လပါ် ကဝ်မယှေန်ပၞာန် ဒပ်ဝပ်ချိုတ်ဂၠိုၚ်မံၚ်ရ။
နူကဵုဂိတုနဝ်ဝမ်ပါ ၁ ဒဵုကဵု ၅ အကြာၜါ်လပါ် ဒှ်ကၠုၚ်လဝ် ပေါဲဗတိုက် ဂှ် ရဲလပါကဝ်မယှေန်ပၞာန် ဟွံအောန်နူကဵု ၄၀ ဒးဝပ်ချိုတ်အာလဝ် နွံရဂှ် ညးတာလျိုၚ် ဒပ်ပၠန်ဂတးတံ ဟီုရ။
ဒပ်ကဝ်မယှေန်ပၞာန် ဒးလဝ်ဘဲဂိလဝ်တံဝွံ ထပ်ထပက်အဇာ ကောန်ပၞာန်ယိုက်ဝန်ပၞာန် နူကဵုတမ်ဒပ် ဖျေံသ္ဇိုၚ်ကြုၚ်ဒဵုတုဲ ထပ်ထပက်ကၠုၚ်ကရောၚ်ပၞာန်ပၠန် သ္ဂးရ။
ပြဟ်ဟ်ဏံ ဒပ်ကဝ်မယှေန်ပၞာန် သွက်ဂွံကလေၚ်ထိၚ်ချုက် ဂၠံၚ်တြေံကအ်ကြိက်-ဗြဝတဳ လ္တူဒဵုဒဝ်နမာန်ဂှ် နူကဵုမုက်ပၞာန်ၜါဒၞာဲ ထပက်ကရောၚ်ပၞာန်တုဲ သီုကဵုပၞာန်ကျာ ပဵုတုဲဍိုက်ဗတိုက်မံၚ်ကီုရ။
ဟိုတ်နူကရောၚ်ပၞာန် ဒပ်ကဝ်မယှေန်ပၞာန်ထပက်မံၚ်ဂှ် ညးဒေသပွိုၚ်ဍုၚ်ကအ်ကြိက်သၟဝ်ကျာ ရဲကွာန်မျပတိုၚ်၊ ထဳဖိုဝ်သာန်၊ နံၚ်မဳ၊ ကအ်ဖာန်ယာတ်၊ မိဖာလေဝ် ဗွဲမဂၠိုၚ်တံဂှ် ဒၞာဲဗၠးဘဲဒးဂြိပ်ပါဲဒဴအာ ညးဒေသတံဟီုတုဲ ဂွံတီရ။
ပရိုၚ်-သြၚ်လောန်တိုင်မ်
Photo – CJ