ဘာအၚ်၊ နိုဝမ်ပါ ၇
သွက်ပေါဲသဘၚ် တ္ၚဲတွဵုရးကရေၚ် ပေၚ် ၇၀ သၞာံဂှ် လ္တူဍုၚ်ဘာအၚ် ကဝ်မယှေန်ပၞာန်သၠုၚ်လဝ်ပရေၚ်ဂီုကၠီုတုဲ ကၠောန်မံၚ်ပေါဲသဘၚ် မိပ်ဇြိပ်ရာၚ်ဆာဲကွေံရောၚ် ညးဒေသဘာအၚ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲသၞာံဏံဂိတုနိုဝမ်ပါ ၇ ပေါဲသဘၚ်တ္ၚဲတွဵုရးကရေၚ် ပေၚ် ၇၀ သၞာံ ကၠောန်ဗ္ဒျ်အာ ပ္ဍဲကဵုဗလးသၠာတ်ဇၞော်သဳရိ လ္တူဍုၚ်ဘာအၚ်ဂှ် စနူ နိုဝမ်ပါ ၂ ဂှ် ပေါဲပြိုၚ်ကွဳလိုန်၊ နိုဝမ်ပါ ၅ ဂှ် ကၠောန်ပေါဲပြိုၚ် ဒုၚ်ကရေၚ်တံရ။
ပ္ဍဲသဘၚ်ပေါဲ တ္ၚဲတွဵုရးကရေၚ်ဏံ ပေါဲပြိုၚ်ဒုၚ်ကရေၚ်၊ ပြိုၚ်ကွဳလိုန်၊ လက်ပၠုဲ၊ ပြိုၚ်တက်ဂံက်၊ ပေါဲပြိုၚ်ဒုန်ဂၠုၚ် မပ္တံကဵုပေါဲမိပ်ဇြိပ်ဂမၠိုၚ် စနူနဝ်ဝမ်ပါ ၅ ဒဵုကဵု ၁၀ စဳဇန်လဝ် သွက်ဂွံကၠောန်အာရ။
ပ္ဍဲကဵုနဝ်ဝမ်ပါ ၇ ကၠောန်လဝ်သဘၚ်ကၞာ တ္ၚဲတွဵုရးကရေၚ် ပေၚ် ၇၀ သၞာံဂှ်တှ်ေ နူကဵုနေပျဳတဝ် က္ဍိုပ်သ္ကိုပ်ကဝ်မယှေန်ပၞာန်အဆံၚ်သၠုၚ်၊ ဝန်ဇၞော်ကၟိုန်ဍုၚ်လ္ၚဵုကဵု ညးတာလျိုၚ်ဂကောံဒေါအ်ပန်ပှော် ကရေၚ်တံ တိုန်စိုပ်လဝ်ရ။
ပြဟ်ပြဟ်ဏံမ္ဂး သွက်သဘၚ်တ္ၚဲတွဵုရးကရေၚ်ဂှ် ဒပ်ပၞာန်၊ ဗၠာဲသၟိၚ်ကဵုဒပ်ပၞာန်မၚ်ကွာန်တံ ဂၠိုက်ဂၠာဲစၟဳစၟတ်မံၚ် ပ္ဍဲကဵုဒၞာဲလုပ်တိတ်ဍုၚ်ဘာအၚ်ကီု အခိၚ်ဗ္တံမ္ဂး ဗက်စၟဳစၟတ်ပရေၚ်ဂီုကၠီု၊ ဂေတ်ကၚ်တံကီုကၠောန်မံၚ်တုဲ ဒၞာဲဗလးသၠာတ် ပေါဲသဘၚ်တ္ၚဲတွဵုရးဂှ် သၠုၚ်လဝ်ဇြဟတ် ဂီုကၠီုပေၚ်ၚ် ရောၚ် ဂွံတီနူ ညးဒေသဘာအၚ်တံရ။
လိက်သဝဏ် ဗော်ဓယံက်ပၞာန်ဂကောံပျဳခိုၚ်ဖျိုဝ်ဝွံ ပလံၚ်ဗစိုပ် ကဵုလဝ် အသေအဟာန် တ္ၚဲတွဵုရးကရေၚ် ပေၚ် ၇၀ သၞာံ ပ္ဍဲကဵုနဝ်ဝမ်ပါ ၆ ဂှ်ကီုရ။
နကဵုကောန်ဂကူကရေၚ်တံဂှ် သီုကဵုကောန်ဍုၚ်အရၚ်ၜံၚ်လဝ် နူကၟိန်ဍုၚ်တံ သွက်လၟေၚ်ကမၠောန်ပေါဲရုဲမာဲ ဂွံအံၚ်ဇၞးကီု အတိုၚ်ညးဍုၚ်ကွာန်တံအာတ်မိက်လဝ် ညံၚ်ဂွံကွာ်အာဂၠံၚ်တရဴ သၞောတ်ဒဳမဝ်ကရေသဳဗော်ဇဳ ဗွဲမအံၚ်ဇၞးမာန်ဂှ် ပံၚ်တောဲရေၚ်တၠုၚ် အာညိဂှ် ပ္ဍဲလိက်သဝဏ် ဗတိုက်ဖအောဝ်လဝ်ရ။
ပရိုၚ်-သြၚ်လောန်တိုင်မ်
Photo – MOI