ကျံက်တဝ်၊ ဖေဖဝ်ဝါရဳ ၁၆
တွဵုရးရခေၚ် ပ္ဍဲပွိုၚ်ဍုၚ်ကျံက်တဝ်ကဵု မျံက်ဥူ ဟိုတ်နူဒပ်ပၞာန်ဗမာကြဳဖျေံဗုမ်ဂှ်ရ ညးဍုၚ်ကွာန် ၇ တၠချိုတ်အာလဝ်ရောၚ် ဒပ်ပၞာန်အာရက္ခ AA လလောၚ်တြးရ။
ဒၞာဲရဲဗ္ဒိုပ်ဒဴပၞာန်တံနွံမံၚ် ပ္ဍဲကဵုဍုၚ်ကျံက်တဝ်ကဵု အရာပ်အဒေါဝ်ဍုၚ်မျံက်ဥူတံဂှ် နူကဵုဒပ်ပၞာန်ကျာ ကြဳဖျေံဗုမ် ပံၚ် ၅၀၀ ၜါၜါမ ပ္ဍဲဖေဖဝ်ဝါရဳ ၁၂ ၜိုတ်အခိၚ်ဗတံ ၉ နာဍဳတုဲ ဗတိုက်လဝ်ရ။
အတိုၚ်ဒပ်ပၞာန်ဗမာ ရန်တၟံနွံနွံကြဳဗုမ်ဗတိုက်ဏာဂှ် ပ္ဍဲဍုၚ်ကျံက်တဝ် ကောန်ဍုၚ်ကွာန် ၄ တၠချိုတ်အာတုဲ ၉ တၠ ဒးလဝ်ဝပ်ရောၚ် AA သ္ဂးရ။
ပ္ဍဲဍုၚ်မျံက်ဥူ ကောန်ၚာ်ကဵုမိ သီုၜါတၠမွဲဒၞာဲဓဝ်ချိုတ်အာတုဲ ညးဍုၚ်ကွာန် ၇ တၠဒးဝပ် သ္ၚိဌာန်ဗွဲမဂၠိုၚ် လီုလာ်စာ်ထောၚ် အာအိုတ်ရ။
ပ္ဍဲတ္ၚဲအကြာတံဏံပၠန် နူကဵုဒပ်ပၞာန်ဗမာ စကာၜၚ်ကျာ ဂျက်ဖိုက်တာကဵု ၜၚ်ကျာကၚ်ပၞာန်တံတုဲ နူကဵုဒပ်ပၞာန်ကျာ သၠုၚ်အသိၚ်ဗတိုက်ကၠုၚ်မံၚ် ပ္ဍဲကဵုတွဵုရးရခေၚ်ဂှ် ညးဍုၚ်ကွာန်ရခေၚ်တံ သၞပၞာန်ကျာကဵု သၞပၞာန်ဍာ်တံ ပဵုတုဲညံၚ်ဂွံစွံအာသတိညိ နူကဵု AA လလောၚ်တြးလဝ်ရ။
ပ္ဍဲဖေဖဝ်ဝါရဳ ၈ တေံလေဝ် လ္တူဍုၚ်တာန်တောဲ အရာပ် ၃ ဂှ် ဟိုတ်နူဒပ်ပၞာန်ဗမာကြဳဗုမ်ဂှ်ရ ကောန်ဍုၚ်ကွာန် ၂ တၠဒးဝပ်တုဲ သ္ၚိ ၉ မ လီုလာ် ဆောံလေၚ်အာနွံ ဂွံတီရ။
ပရိုၚ်-သြၚ်လောန်တိုၚ်မ်
Photo – AA