sanlontai သွက်ဂွံကလေၚ်ကဵု ဓာတ်လလဳ ညးဍုၚ်ကွာန်ကျူဘာတံ ထ္ၜးဆန္ဒ
ဟာဗာဏာ၊ ဂျူလာၚ် ၈ ဟိုတ်နူ ပရေၚ်ကၟာတ်ဆိုအ်ကၠေၚ်ဍေၚ်အမေရိကာန် လံကၠုၚ်ပွိုၚ် ၆ ဂိတုတုဲ ညးဍုၚ်ကွာန်ကျူဘာ ပြကောဋိကိုတ်ပြၚ်တံ အခိၚ်ဟွံဂွံ ဓာတ်လလဳက္တဵုဒှ်မံၚ်ဏံ ကၠောန်ပေါဲထ္ၜးဆန္ဒ ပ္ဍဲကဵုဍုၚ်ဟာဗာဏာ သဝ်တ္ၚဲ ဂျူလာၚ် ၇ ဂှ် ညးဒေသတံ တက်ၜုၚ်ထၟာဲဒါန်တံ ဍဵုဟန်ကွဳစက်တံတုဲ ကရေဲကညာၚ်အာတ်မံၚ် ညံၚ်ဂွံကလေၚ်ကဵုပၟတ်ရ။ အပ္ဍဲသၞာံဏံ ဂျူလာၚ် ၆ ဂှ် ပ္ဍဲဍုၚ်ကျူဘာ ဓာတ်လလဳအလုံမွဲဍုၚ် ပိုတ်အာလဝ်…
သွက်ဂွံပလေဝ်သ္ဇိုၚ်သၞောဝ်ဥပဒေ ပ္ဍဲစၠတ်ထဝ်အလဵုအသဳပၞာန် စကၠုၚ်လဂါံဇိုၚ်
နေပျဳဒဝ်၊ ဂျူလာၚ် ၉ နူသမ္မတသီအဝဵု ပလံၚ်ဗ္စိုပ်လဝ် သွက်ဂွံချူခၞံပတိုန် ဆေၚ်စပ်ကဵု ပလေဝ်သ္ဇိုၚ်သၞောဝ်ဥပဒေ ၂၀၀၈ ဂှ် ဆက်ဖန်ဖက်ရေၚ်တၠုၚ် အာရောၚ် ပ္ဍဲကောံဓရီုစၠတ်ထဝ်ကၟိန်ဍုၚ် အလန်တတိယ ကၠောန်ဗဒှ်လဝ် ဂိတုဂျူလာၚ် ၇ ဂှ် နာယကစၠတ်ထဝ် လလောၚ်တြးလဝ်ရ။ နကဵုစၟတ်တ္ၚဲ ၁ ဂိတုဂျူလာၚ်ဏံ နူရုၚ်သမ္မတ အလဵုအသဳဒပ်ပၞာန် ပလံၚ်ဗ္စိုပ်ကဵုလဝ် လိက်သဝဏ် ကုဇရေၚ်နာယကစၠတ်ထဝ်ကၟိန်ဍုၚ် ဆေၚ်စပ်ကဵုပရေၚ်ထေက်ကဵုဒးပလေဝ်ထပ်ဗပေၚ်အာ တၚ်နၚ်…
ပရေၚ်ၚုဟ်မးကပေါတ်သၠုၚ်တိုန်ဂှ် ဒှ်တင်ကော်ဆောဇၞော်အိုတ် သမ္မတပြံၚ်လဝ်ဗီုပြၚ် ဒုၚ်ဝန်
နေပျဳဒဝ်၊ ဂျူလာၚ် ၉ အပ္ဍဲအရာပရေၚ်ဖောအ်ဗြဳ ရးဍုၚ်နိဂီုဟီုဂှ် ပရေၚ်ဇၞော်မောဝ် တောတက်ပိုန်ဒြပ်တံဂှ် ပရေၚ်တင်ကော်ဆောကိစ္စဇၞော်အိုတ်ဂှ်တှ်ေ ဒှ်ပရေၚ်ၚုဟ်မးကပေါတ်သၠုၚ်တံရ သမ္မတ ဥူမေန်အံၚ်လှိုၚ် ဒုၚ်ဝန်လဝ်ရောၚ်။ ကောံဓရီု ဂကောံအလဵုအသဳကၟိန်ဍုၚ် ကၠောန်လဝ်ပ္ဍဲရုၚ်သမ္မတ နေပျဳဒဝ် ဂိတုဂျူလာၚ် ၇ တုဲကၠုၚ်ဏံဂှ် ညးဒုၚ်ဝန်ဟီုကၠုၚ်လဝ်ကဵု ညးတာလျိုၚ်ဌာန သၟဝ်တဲညးတံ အတိုၚ်ဏံရ။ တုဲပၠန် ပရေၚ်ၚုဟ်မးကပေါတ်တံသၠုၚ်တိုန်တုဲ ဒှ်ကၠုၚ် တင်ကော်ဆောဇၞော်အိုတ်ဂှ်တှ်ေ ဟိုတ်နူကဵုဇြဟတ်ပရေၚ်သွံ/ရာန် ဟွံတုပ်သၟဟ်ညးသ္ကံတံကီု ဟိုတ်နူစရိတ်သြန်အိုတ်…
အပ္ဍဲသဓီု ဒပ်ပၞာန်ဗမာ ရပ်ထိၚ်လဝ်မၞိဟ်တြုံ ၄ တၠတံဂှ် ပရိုၚ်ကၠေံမံၚ်
သဓီု၊ ဂျူလာၚ် ၉ အပ္ဍဲတွဵုရးမန် မ္ၚးဍုၚ်သဓီု ညးဒေသရဲကွာန်ဝင်စိၚ် ၈ တၠ ဒပ်ပၞာန်ဗမာရပ်ဏာလဝ်တံဂှ် ၄ တၠ ကလေၚ်ဗၠးကၠုၚ်ကီုလေဝ် ၄ တၠ သှ်ေမံၚ်တံဂှ်ပရိုၚ်ကၠေံမံၚ်ဖိုဟ်ရောၚ် ရဲကွာန်တံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ ပ္ဍဲဂျောန် ၂၃ တုဲကၠုၚ်တေံဂှ် ဒပ်ပၞာန်သီအဝဵုတံ ဍိုက်လဝ်ကဵုဇြဟတ်လုပ်သလိပ်လဝ် ကွာန်ဝင်စိၚ်ဂှ် စောဲစပ်လဝ် ဆက်ဆောံကဵု PDF တံတုဲ ရပ်ကော်ဏာလဝ်ညးဒေသ ၈…
သွက်ဂွံကလေၚ်သီကေတ် မေန်လက်ပါန်ကဵု ဖလူဂှ် ဒပ်ပၞာန်ဍိုက်ကဵုဇြဟတ်တုဲ ပြေၚ်ဇန်ထပက်ပၞာန်
ဗြဝတဳ၊ ဂျူလာၚ် ၉ အပ္ဍဲတွဵုရးကရေၚ် လပါ်သၠုၚ်ကျာ ဍုၚ်ဗြဝတဳ သွက်ဂွံကလေၚ်သီကေတ် ဒေသမေန်လက်ပါန်ကဵုဖလူတံဂှ် ဒပ်ပၞာန်သီအဝဵုပံၚ်တောဲလဝ်ကဵု ဒပ် BGF၊ DKBA ပါ်တိတ်တံတုဲ စထပက်ပၞာန် ပ္ဍဲဂျူလာၚ် ၈ ဂှ် ပေါဲဗတိုက်က္တဵုဒှ်မံၚ်ကုဇြဟတ်ပၠန်ဂတး မဟာဒပ် ၆ KNLA သ္ကိုပ်သ္ကလဝ်တံဇၞော်ကဵုဇြဟတ်ရောၚ် ရိုဟ်ကၞက်ပရိုၚ် အပ္ဍဲဒေသတံသ္ဂးရ။ နူကဵုတွဵုရးမန် ဒပ်ပၞာန်ဗၟာ ထပ်ဗပေၚ်လဝ်ဇြဟတ် ပ္ဍဲသတ္တဟတုဲကၠုၚ်တေံဂှ် ပလံၚ်ဗ္စိုပ်လဝ် ပွိုၚ်ဍုၚ်ဗြဝတဳ…
ဟိုတ်နူပရေၚ်ပိုန်ဒြပ် ဍုၚ်ကြုက် အိင်ဇိင်အာ ကေုာံ ပရေၚ်ဗတိုက်သရိုဟ်ကမၠောန်ကျာဖျတုဲ ၚုဟ်မးမတ်တၟအ်ဗၟာ ယအ်စှ်ေ
မာန္တလေဝ်၊ ဂျူလာၚ် ၈ အပ္ဍဲဗွဝ်ဖျာမတ်တၟအ် မာန္တလေဝ် ရးဒေသအဒေါဝ်ဍုၚ်ဗၟာဂှ် ၚုဟ်မးမတ်တၟအ်တံ ယအ်စှ်ေမံၚ်တုဲ ဒှ်ကၠုၚ်ဗီုပြၚ်တၠုၚ်လအာ ဆေၚ်စပ်မံၚ်ကဵု ပရေၚ်ပိုန်ဒြပ်ဍုၚ်ကြုက် အိင်ဇိင်အာမံၚ် ကေုာံ ပရေၚ်ဗတိုက်သရိုဟ်ကမၠောန်ကျာဖျတံရောၚ် သၟာဗၞိက်တံ ဟီုရ။ ကြဴနူပရေၚ်ဗတိုက်သရိုဟ်ကမၠောန်ကျာဖျတံ မံက်ကၠုၚ်တုဲ သၞောတ်ဗ္ၜတ် ပရေၚ်ဗုတ်သ္အးသြန် ဂကောံဒုဟ်စရိုဟ်ဂၠးကဝ် ဆေၚ်စပ်မံၚ်ကဵုကြုက်တံ ယအ်စှ်ေအာတုဲ မွဲဒမြိပ်ဓဝ်ဂှ်ဟေၚ် ဇြဟတ်ရာန်မတ်တၟအ် ညးတံလေဝ် ယအ်စှ်ေအာကီုရ။ ဟိုတ်နူ ပရေၚ်ဇြဟတ်ရာန် နူဍုၚ်သအာၚ်ခိုဟ်တုဲ…
သွက်ဂွံထိၚ်ကြာပ်ဗော်ပရေၚ်ဍုၚ်ကွာန် ကဝ်မယှေန်ပေါဲရုဲမာဲ ချူခၞံနဲကဲဥပဒေ လ္ၚဵု
နေပျဳဒဝ်၊ ဂျူလာၚ် ၈ ကဝ်မယှေန်ပေါဲရုဲမာဲကၟိန်ဍုၚ် သၟဝ်အလဵုအသဳဒပ်ပၞာန်သီအဝဵု စချူခၞံပလေဝ်ကၠုၚ်ၝောံပိုဒ်နဲကဲဥပဒေလ္ၚဵုဂှ် သွက်ဂွံထိၚ်ကြာပ်အာဗော်ပရေၚ်ဍုၚ်ကွာန်တံရောၚ် သ္ဂးရ။ နကဵုအလန်စတုတ္ထ သွက်ဂွံပလေဝ်အာနဲကဲဥပဒေပတိုန်စရၚ်စၟတ်သမ္တီ ဗော်ပရေၚ်ဍုၚ်ကွာန်တံဂးတုဲ ပ္ဍဲဂိတုဂျူလာၚ် ၂ ဂှ် နကဵုလိက်အမိၚ် ဥက္ကဌကဝ်မယှေန် ဥူတာန်သိုဝ် ထပက်စၟတ်တဲလလောၚ်တြးလဝ် ထပက်ဏာအဇာ နဲကဲဥပဒေ ၂၄ ကေုာံ နဲကဲဥပဒေ ၂၅ (စ) တံဂှ်ရောၚ်။ အပ္ဍဲတင်နၚ်တံဏံမ္ဂး နဲကဲဥပဒေၝောံပိုဒ် ၂၄ ဂှ်…
သွက်ဂွံသီကေတ် ဒေသမေန်လက်ပါန်ကဵု ဖလူမာန် နူကဵုဗြဝတဳ ဒပ်ပၞာန်သီအဝဵု ပလံၚ်ဇြဟတ်ပၞာန်
ဗြဝတဳ၊ ဂျူလာၚ် ၈ အပ္ဍဲတွဵုရးကရေၚ် လပါ်သၠုၚ်ကျာဍုၚ်ဗြဝတဳ သွက်ဂွံသီကေတ် ဒေသမေန်လက်ပါန်ကဵုဖလူဂှ် ဒပ်ပၞာန်သီအဝဵု ပံၚ်တောဲကဵု ဒပ်မၚ်ပယျဵု ကရေၚ် BGF ကေုာံ ဒပ် DKBA ပါ်တိတ်တံတုဲ ပ္ဍဲဂိတုဂျူလာၚ် ၇ ဂှ် နူကဵုဍုၚ်ဗြဝတဳမွဲကဆံၚ် ထပေၚ်စုတ်ဇြဟတ်ဗွဲမဂၠိုၚ်တုဲ လုပ်အာလဝ်ပ္ဍဲလပါ်ဍုၚ်တၟိလေဝ်ကေကဝ်ရဂှ် ရိုဟ်ကၞက်ပရိုၚ်အပ္ဍဲဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ ပ္ဍဲသတ္တဟတုဲကၠုၚ်တေံ နူကဵုတွဵုရးမန်မွဲကဆံၚ် ဒပ်ပၞာန်သီအဝဵုထပ်ပလံၚ်ဗ္စိုပ်လဝ်ဇြဟတ်ပၞာန် အပ္ဍဲပွိုၚ်ဍုၚ်ဗြဝတဳ တွဵုရးကရေၚ်တုဲ ဂိတုဂျူလာၚ်…
အပ္ဍဲမတ်မလီု ဟိုတ်နူကော်ကေတ်မံၚ်ယိုက်ဝန်ပၞာန်တုဲ သၟတ်ဗွဲမဂၠိုၚ် ဂြိပ်ပါဲမံၚ်
မတ်မလီု၊ ဂျူလာၚ် ၈ အပ္ဍဲတွဵုရးမန် ဍုၚ်မတ်မလီု သွက်ဂွံပၠုပ်စရၚ်ယၟုယိုက်ဝန်ပၞာန် ဟိုတ်နူကော်ကေတ်မံၚ်တုဲ သၟတ်ဗွဲမဂၠိုၚ် ဂြိပ်ပါဲဒဴအာနွံမံၚ် ညးဍုၚ်ကွာန်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ တုဲကၠုၚ် ဂိတုဂျောန် စနူသတ္တဟလက္ကရဴအိုတ်တေံတုဲ သၟတ်အဝဲလုပ်အဝေါင်ယိုက်ဝန်ပၞာန် နွံပ္ဍဲအရာပ်တံဂှ် ဒပ်ပၞာန်ပြံၚ်လဝ်ဗီုပြၚ်ဂကောံအလဵုအသဳတွဵုရးမန် ဗက်ပလံၚ်ဗ္စိုပ်မံၚ်လိက်ရုၚ်ကော်တံ စဵုကဵုစိုပ်သ္ၚိဌာန်ညးတံရောၚ်။ သၟတ်လ္ၚဵု ရဲဒးဒုၚ်ပလံၚ်လဝ်လိက်ရုၚ်ကော် သွက်ယိုက်ဝန်ပၞာန်တံဂှ် ဂြိပ်ပါဲတိတ်အာလပါ်ဍုၚ်သေံကဵု ဍုၚ်မလေယှာ နကဵုဂၠံၚ်ဟွံလုပ်သၞောဝ်နွံမံၚ်တုဲ သၟတ်လ္ၚဵုတံပၠန် ဆုဲပြံၚ်စဴအာဌာန်ဒၞာဲဝါဲတြေံတံလေဝ် နွံမံၚ်ကီုရောၚ် သ္ဂးရ။ သၟတ်ဒးဒုၚ်ကော်လဝ်…
အပ္ဍဲၜဳကလေၚ် ပေါဲဗတိုက်ဒှ်တုဲ လပါ်ဒပ်ပၞာန် ဟွံအောန်နူ ၃ တၠချိုတ်အာ
ၜဳကလေၚ်၊ ဂျူလာၚ် ၈ အပ္ဍဲတွဵုရးမန် ပွိုၚ်ဍုၚ်ၜဳကလေၚ် ပေါဲဗတိုက်ဒှ်လဝ်ဒၞာဲကွာန်တိတ်တူကုန်ဂှ် လပါ်ဒပ်ပၞာန်သီအဝဵု သီုညးတာလျိုၚ် ပါလုပ် ဟွံအောန်နူ ၃ တၠချိုတ်အာနွံတုဲ သ္ၚိဌာန်ညးဍုၚ်ကွာန်တံဒးဒုၚ်စံၚ်ပလီုလဝ်ရောၚ် ဂွံတီကေတ် နူရိုဟ်ကၞက်ပရိုၚ်ပၞာန် အပ္ဍဲဒေသတံရ။ စနူဂိတုဂျူလာၚ် ၅ အခိၚ်ဂယးၜိုတ် ၄ နာဍဳ နူကဵုဒပ်ပၞာန် ဇြဟတ် ၂၀၀ ပြၚ်ထပက်ကရောၚ်ပၞာန်တုဲ လုပ်ကၠုၚ်ကွာန်တိတ်တူကုန် အခိၚ်စိုပ်ကၠုၚ်လပါ်ကုန်ကျာ်ဂှ် ပေါဲဗတိုက်ဒှ်လဝ်ကဵုဒပ်ပံၚ်တောဲ KNLA တံ…