sanlontai သွက်သၟာကမၠောန်ဍုၚ်သ္အာၚ် စီုသကီု အဆံၚ် ၂ တံဂှ် ဂျပါန် ထပ်ကဵု အခိၚ်မံၚ်စံၚ် စဵုကဵု ၅ သၞာံ
တိုကျို၊ အဝ်ဂတ် ၆ စတမ်နူ ဂိတုဂျာန်နဝါရဳ သၞာံ ၂၀၂၇ ဂတဏံမ္ဂး ညးရပ်လဝ်ဗဳသာ SSW2 ဒှ်သၟာကမၠောန် စီုသကီုတၟေၚ် အဆံၚ် ၂ တံဂှ် သွက်ဂွံပတိတ်ကဵု အခေါၚ်မံၚ်စံၚ် အာယုက် ၅ သၞာံ ဖန်ဇန်မံၚ်ရောၚ် အေဂျေန်သဳ လဝက ဂျပါန် လလောၚ်တြးလဝ်ရ။ ပြဟ်ဟ်ဏံမ္ဂး ညးရပ်လဝ်ဗဳသာ SSW2 တံ ဆၜိုတ်အာယုက်…
လတူ ဒဝ်အံၚ်သာန်သုကျဳ ကဵုဆဵုဂဗကု ICRC ညံၚ်ဟွံဒးဒုၚ် ဗဂေတ်မတ် NUG, NLD ကဵုသတိ
နေပျဳဒဝ်၊ အဝ်ဂတ် ၆ ညးကဵုကသပ်ရးနိဂီုဍုၚ် ဒဝ်အံၚ်သာန်သုကျဳ ဆဵုဂဗကဵု ညးစၞးဌာနဳ ICRC ဂှ်တုဲ ဂကောံပၞာန်သီအဝဵုတံကၠောန်ကဵုမံၚ် ပရေၚ်အပြံၚ်အလှာဲ သွက်အခက်အခုဲဍုၚ်ဗမာဂးတုဲ ညံၚ်ဟွံဒးဒုၚ်ဗဂေတ်လဝ်မတ်ဂှ် နူကဵု NUG ကဵု NLD လလောၚ်တြးပရိုၚ် ကဵုလဝ်သတိရ။ ဒဝ်အံၚ်သာန်သုကျဳ ဒးဒုၚ်ရပ်ထိၚ်ဒဝ်လဝ်ဂှ် ပ္ဍဲဂိတုအဝ်ဂတ် ၃ တေံ ညးစၞးဌာနဳ ရးနိဂီုဍုၚ်ဗၟာ နူကမ္မတဳဇိုၚ်ခရက်ဂၠးကဝ် ICRC အာဆဵုဂဗလဝ်တုဲ နူကဵုဂကောံပၞာန်လလောၚ်တြးပရိုၚ်…
အပ္ဍဲတွဵုရးမန် လတူအလဵုအသဳပၞာန် စဳရေၚ်ပရေၚ်ကၠေၚ်ဍေၚ် ဒှ်မံၚ်အခက်အခုဲဂှ် ညးဒေသတံပါ်ပါဲ
မတ်မလီု၊ အဝ်ဂတ် ၆ အပ္ဍဲတွဵုရးမန် ပရေၚ်ကၠေၚ်စက်ပိုတ်တံ ဆက်တုဲက္တဵုဒှ်မံၚ်အခက်အခုဲကီုလေဝ် အလဵုအသဳပၞာန်တွဵုရး ညိလေဝ်ဖန်ဇန် သောင်ကလးကဵုဟွံမာန်ဂှ်တှ်ေ အပ္ဍဲအကြာညးဒေသဂမၠိုၚ် ပရေၚ်ပါ်ပါဲတံသၠုၚ်တိုန်မံၚ်ရောၚ်။ စနူသတ္တဟဒုတိယ ဂိတုဂျူလာၚ်တေံတုဲ ကၠေၚ်စက်နာနာသာ်တံဂှ် ပ္ဍဲဇၟာပ်ပ်ပွိုၚ်ဍုၚ် ကလေၚ်ပိုတ်မံၚ်ပၠန်တုဲ ဒးထပ်ဆဵုဂဗမံၚ်အခက်အခုဲရ။ အပ္ဍဲဒေသဂှ်တှ်ေ ၜိုန်ရကၠေၚ်စက်နာနာ လုပ်ကၠုၚ်မံၚ်တိုက်ရိုက်ကီုလေဝ် ပ္ဍဲဆေၚ်ကၠေၚ်တံဂှ်ကၠေၚ်ပိုတ်အာမံၚ် မွဲဏှမွဲဏှကီု၊ ရာန်အတိုၚ်ပၟိက်စိုတ်ဟွံဂွံတုဲ ဆေၚ်ကၠေၚ်တံဂှ် သီုကဵုကၟာတ်ထောံလဝ်ကီုရောၚ်။ ပရေၚ်အခက်အခုဲကၠေၚ်စက်ဏံ ဗီုဒးဒှ်မံၚ်အခက်အခုဲ ဗီုဒးဆဵုဂဗမံၚ် ဂှ်တှ်ေ ဟီုလဴအိုတ်ဟွံမာန်ပုဟ်…
ပ္ဍဲအဆက်ပယျဵု တွဵုရးမန်ကဵုရးတၞၚ်သဳ ဒပ်ပၞာန်ဗမာ ထပက်မံၚ်ကရောၚ်ပၞာန်
အပ္ဍဲသ္ကုတ်ဂၠံၚ်ကၟိန်ဍုၚ် ပွိုၚ်ဍုၚ်ဍာ်ဗု ဒှ်ဒၞာဲအဆက်ပယျဵု အကြာတွဵုရးမန်ကဵု ရးတၞၚ်သဳတံဂှ် ဒပ်ပၞာန်ဗမာ ထပက်မံၚ်ကရောၚ်ပၞာန်တုဲ အကာဲအရာၜါလပါ် ပေါဲဗတိုက်ကြံၚ်မ္ၚိုဟ်မံၚ်ကွေံကွေံရောၚ် ရိုဟ်ကၞက်ပရိုၚ်ဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ ကရောၚ်ပၞာန်ဒပ်ပၞာန်သီအဝဵု ဇြဟတ်ၜိုတ် ၂၀၀ ပြၚ်ၚ်တံ စနူတမ်ဂိတုဂျူလာၚ်လောန်ကၠုၚ်ဏံတုဲ ပ္ဍဲကဵုသ္ကုတ်ဂၠံၚ်ကၟိန်ဍုၚ် ပွိုၚ်ဍုၚ်ဍာ်ဗု ကွာန်ဍာ်တူ၊ ကွာန်ရတ်တၟး ကေုာံ ကွာန်ကျံက်ဂတေန်တံဂှ် ထပက်မံၚ်ကရောၚ်ပၞာန် မဒှ်ရ။ နူကဵုကွာန်ကျံက်ဂတေန်ဂှ် ကရောၚ်ပၞာန်ရပ်ကော်ဏာ ညးဒေသ မၞိဟ်တြုံ ၅…
အပ္ဍဲၜဳကလေၚ် ကောန်ဇာတ်ကၟိန်သ္ၚိ ဒပ်ဗၠာဲသၟိၚ်တံဟွံသှ်ေ ဒးဒုၚ်ရပ်မံၚ် ပဝ်တာ
ၜဳကလေၚ်၊ အဝ်ဂတ် ၆ အပ္ဍဲတွဵုရးမန် ပွိုၚ်ဍုၚ်ၜဳကလေၚ် ဒပ်ပၞာန်ကဵုဂကောံဒပ်မၚ်ကွာန်တံ ဗက်ရပ်မံၚ်ပဝ်တာယိုက်ဝန်ပၞာန် သီုကဵုကောန်ဇာတ်ကၟိန်သ္ၚိဌာန် ရဲဒပ်ဗၠာဲသၟိၚ်တံဟွံသှ်ေပုဟ်ဂှ် ညးဍုၚ်ကွာန်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ အပ္ဍဲဂိတုအဝ်ဂတ် ၄ လောန်ကၠုၚ်ဏံ ဂကောံပံၚ်တောဲဒပ်ပၞာန်ကဵုဒပ်မၚ်ကွာန်တံ ဍိုက်အာကွဳစက် သုၚ်စောဲစကာပ္ဍဲသ္ၚိတံတုဲ အပ္ဍဲသ္ကုတ်ဂၠံၚ်ၜဳကလေၚ်-မုဟ်ဒဵုကဵုၜဳကလေၚ် အရာပ်လ္ၚဵုတံဂှ် ဗက်ရပ်မံၚ်ပဝ်တာ သၟတ်ဒေသတံရ။ အပ္ဍဲကဵုသၟတ် ဒးဒုၚ်ရပ်ပဝ်တာ ၇ တၠ တံဂှ်တှ်ေ မွဲတၠဂှ် ဒှ်မံၚ်ဒေံ အကြာပ်ဒပ်ဗၠာဲသၟိၚ် နူဗ္ဒိုပ်ဗၠာဲသၟိၚ်ၜဳကလေၚ်တုဲ…
ထေက်ကဵုကလေၚ်လုက်စုက် ဆက်ဆောံကဵုဗၟာရောၚ် သ္ကိုပ်ဝန်ဇၞော်သေံ ဟီု
ၜၚ်ကံက်၊ အဝ်ဂတ် ၅ အပ္ဍဲအခိၚ်ကောံဓရီု အာသဳယာန် (ASEAN) ကၠောန်ဗဒှ်လဝ် ပ္ဍဲဍုၚ်ဂျာကာတာ ရးနိဂီုအေန်ဒဝ်နဳယှာဂှ် သွက်ဂွံကလေၚ်လုက်စုက် ဆက်ဆောံအာကဵု လတူရးနိဂီုဍုၚ်ဗၟာအဆံၚ်ၚ်ဂှ် အခိၚ်စိုပ်မံၚ်ယျ သ္ကိုပ်ဝန်ဇၞော်သေံ အနုတေန် ချာန်ဝဳရာကူ ဟီုကၠုၚ်ရ။ ကြဴနူဆဵုဂဗကဵု ညးအုပ်ကာနာနာအာသဳယာန် ကံၚ်ကေန်ဟန်တုဲ သ္ကိုပ်ဝန်ဇၞော် အနုတေန် ဟီုလဴထမံက်ကၠုၚ်မူဝါဒဏံတုဲ ပ္ဍဲစၟတ်တ္ၚဲအဝ်ဂတ် ၆-၇ တံဂှ် ညးတေံသွက်ဂွံဆဵုဂဗကဵု ဂဥုပ်သ္ကိုပ်ပၞာန်ဇၞော်တြေံ မေန်အံၚ်လှိုၚ် ကေတ်လဝ်တာလျိုၚ်သမ္မတဗၟာ…
မုက်ပၞာန်ယအ်စှ်ေအာတုဲ ဒပ်ပၞာန်ဗၟာဆက်ပတဝ်က္ဍိုပ် လပါ်ဂကောံဒပ်ပၠန်ဂတးတံ ပဵုဂၠိုၚ်တိုန်မာန်
နေပျဳဒဝ်၊ အဝ်ဂတ် ၅ ဟိုတ်နူဒပ်ပၞာန်ပြံၚ်ဗီုပြၚ်အလဵုအသဳ ကော်ဘိက်ပရေၚ်ၜိုဟ်လလမ်တုဲ သွက်ဒပ်ပၞာန်မ္ဂး မုက်ပၞာန်လ္ၚဵုတံယအ်စှ်ေအာဂှ်ရ သွက်ဂွံဆက်ပတဝ်အာက္ဍိုပ် လပါ်ဂကောံဒပ်ပၠန်ဂတးတံ ပဵုဂၠိုၚ်တိုန်မာန်ရောၚ် သ္ကိုပ်ဗိုလ် CDM ဇြေန်ယဝ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။ ပြဟ်ဟ်ဏံမ္ဂး ကမ္မတဳပ္ညဳပ္ညပ်ထမံက်ရုပ်ရဴညဳသၟဟ်ဂကူကဵု ပရေၚ်ၜိုဟ်လလမ် NSPNC ဒပ်ပၞာန်ပြံၚ်ဗီုပြၚ်အလဵုအသဳ ကဵုဂကောံလွဟ်ကောန်ဍုၚ်အရၚ် ၁၃ ဂကောံတံဆဵုဂဗသဳကၠဳလဝ်တုဲ အပ္ဍဲဂှ်တှ်ေ ဂကောံတာအေၚ် TNLA ဒှ်လဝ်ပေါဲဗတိုက်ကဵု ဒပ်ပၞာန်ဗမာဂှ်လေဝ် ပါလုပ်မံၚ်ကီုရ။ သွက်သၞောတ်တၠအဝဵုပၞာန်…
အပ္ဍဲတွဵုရးမန် ထ္ၜးဟိုတ်အမိၚ်ဒေသန္တရတုဲ ဆက်ရပ်မံၚ်ညးဒေသတံ
အပ္ဍဲတွဵုရးမန် ခရိုၚ်သဓီု ဒပ်ပၞာန်သီအဝဵုကေုာံဒပ်ဗၠာဲသၟိၚ်တံ ထ္ၜးဟိုတ်ကဵု ပရေၚ်ဖံက်ပကဝ်အမိၚ်ဒေသန္တရဂးတုဲ ရပ်မံၚ်ညးဒေသတံအဆက်က်ရောၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ အပ္ဍဲခရိုၚ်သဓီု ပွိုၚ်ဍုၚ်ပံၚ်၊ သဓီု၊ ၜဳကလေၚ်ကေုာံ ကျာ်ထဝ်တံဂှ် ပ္ဍဲလက်ထက်အလဵုအသဳပၞာန် ပြံၚ်လဝ်ဗီုပြၚ်ဏံလေဝ် ညးတြုံၜါတၠ ဍိုက်ကွဳလိုန်ဓါတ်မွဲစွံဟွံဂွံ၊ နူဗ္တံ ၁၂ နာဍဳ စဵုကဵုဂယး ၄ နာဍဳ အမိၚ်တာဒၞာ တိတ်မ္ၚးအခိၚ်ဗ္တံဟွံဂွံ အမိၚ်ဒေသန္တရတံဏံဂှ် ဆက်တုဲပတိတ်လဝ်ရောၚ်။ ထ္ၜးဟိုတ်ကဵုအမိၚ်ဒေသန္တရတုဲ ညးအာကၠုၚ်အပ္ဍဲဂၠံၚ်အခိၚ်ဗ္တံတံဂှ် ဒပ်ပၞာန်၊…
အပ္ဍဲပေါဲဗတိုက် ဗမံက်ဒဵုဒေါန ကရောၚ်ပၞာန်ဒပ်ပၞာန်ဗၟာ သီုမွဲဒပ် ကြပ်အိုတ်အာ
အပ္ဍဲတွဵုရးကရေၚ် ပွိုၚ်ဍုၚ်ဗြဝတဳ လပါ်ဗမံက်ဒဵုဒေါန ပ္ဍဲပေါဲဗတိုက်ဒှ်လဝ်ဂှ် ကရောၚ်ပၞာန်ဒပ်ပၞာန်ဗၟာ ထပက်ကၠုၚ်ဇြဟတ်ဗွဲမဂၠိုၚ်တံ ကြပ်အိုတ်အာသီုဖအိုတ်ရောၚ် ဗော်သွးကောန်ဂကူကရေၚ် KNU ဗဟဵု လလောၚ်တြးထ္ၜးလဝ် သီုကဵုဗီုရုပ်စၟတ်သမ္တီလဝ်တံရ။ အပ္ဍဲဒၞာဲပယျဵုသေံ-ဗၟာ လပါ်ဗမံက်ဒဵုဒေါန တိဍာ်ဒးဆောံလဝ်တံဂှ် ညံၚ်ဂွံကလေၚ်ထိၚ်ဒဝ်မာန် ဒပ်ပၞာန်သီအဝဵု စကာဇြဟတ်ဇၞော်ကဵုဇြဟတ်တုဲ ထပက်မံၚ်ကရောၚ်ပၞာန် မဒှ်ရ။ ပ္ဍဲဂိတုအဝ်ဂတ် ၃ လောန်ကၠုၚ်ဏံ ကရောၚ်ပၞာန်ဒပ်ပၞာန်ဗမာ ဇြဟတ်ဗွဲမဂၠိုၚ်တံကဵု ဒပ်ပၞာန်ဗၠးၜးကောန်ဂကူကရေၚ် KNLA ဂကောံဒပ်ပံၚ်တောဲပၠန်ဂတးတံ အကြာၜါလပါ်ဒှ်လဝ်ပေါဲဗတိုက် ဗွဲမသကာတ်မြဟ်ရ။…
အပ္ဍဲလံၚ်လုၚ် ကရောၚ်ပၞာန်ဗမာ ဗက်သီကေတ်ကွဳလိုန်ဓါတ် ညးဒေသတံ ဟွံမွဲကဵုဗဗွဲဓရ်
အပ္ဍဲကဵုရးတၞၚ်သဳ ပွိုၚ်ဍုၚ်လံၚ်လုၚ် ကရောၚ်ပၞာန်ဒပ်ပၞာန်သီအဝဵုတံ ထပက်ကၠုၚ်ဂအုံကွာန်တၟအ်စိၚ်ဂှ် ၜိုတ်ဆဵုညာတ်ကွဳလိုန်ဓါတ် ညးဒေသတံအတိုၚ်မွဲဂၠံၚ် သီကေတ်ဏာၜိုတ် ၂၀ မရဂှ် ရိုဟ်ကၞက်ပရိုၚ်ဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ အပ္ဍဲဂိတုအဝ်ဂတ် ၃ အခိၚ်နူဂယးဂှ် ကရောၚ်ပၞာန်ဇြဟတ်ၜိုတ် ၁၂၀ တံ နူကဵုကွာန်မံၚ်မကာန်မွဲအဆံၚ် ထပက်လုပ်ကၠုၚ်ဂအုံကွာန်တၟအ်စိၚ်တုဲ ကွဳလိုန်ဓါတ် ဆဵုပ္ဍဲဂၠံၚ်တံဂှ် သီကေတ်ဏာဟွံမွဲကဵုဗဗွဲဓရ်ရောၚ်။ ကရောၚ်ပၞာန် ဒပ်ပၞာန်ဗမာဂှ် နူကွာန်မံၚ်မကာန်တတ်အာကွာန်တၟအ်စိၚ်၊ ကွာန်တဗအ်သိက်တံတုဲ အဟိန်လုပ်ကၠုၚ်ဂှ် ဆဵုညာတ်အာကွဳလိုန်ဓါတ်ညးဍုၚ်ကွာန်တံ ၜိုတ် ၂၀…