မနဳလာ၊ ဂျာန်နဝါရဳ ၃၁ ပေါဲရုဲမာဲဒပ်ပၞာန် ကၠောန်ဗ္ဒျ်လဝ်ဂှ် ဂကောံအာသဳယာန် ၁၁ ဍုၚ်တံ သ္ပစၟတ်သမ္တီဟွံသေၚ်ရောၚ် ဥက္ကဌ ဝန်ဇၞော်ဍုၚ်သအာၚ် ဖိလေတ်ပိုၚ် ဟီုရ။ ပေါဲရုဲမာဲပါ်ကၠောန်လဝ်ပိသ္ကုတ်ဂှ် နူကဵုအာသဳယာန် ဒုၚ်တဲသ္ပဒတန်ဟွံသေၚ်ရောၚ် ဝန်ဇၞော်ဍုၚ်သအာၚ် ဖိလေတ်ပိုၚ် ထရဳသာ လာဇြာရို ဟီုလဝ် ပ္ဍဲဂျာန်နဝါရဳ ၂၉ ရ။ ပ္ဍဲဍုၚ်ဖိလေတ်ပိုင်ဒေသလဒေါအ် ဒၞာဲဍုၚ်သဳဗူ ကၠောန်ဗ္ဒျ်လဝ် ကောံဓရီုအဆံၚ်ဝန်ဇၞော်ဂမၠိုၚ် အလန်ပထမ သၞာံဏံတုဲ…
မတ်မလီု၊ ဂျာန်နဝါရဳ ၃၁ “အဲဟွံဂံၚ်ကၠောန်ဂှ် မုလေဝ်ဟၟဲပုဟ်” ပရေၚ်က္ဍိုပ်သ္ကိုပ်ပၞာန် ဂဥုပ်သ္ကိုပ်ပၞာန်ဇၞော်မေန်အံၚ်လှိုၚ် သီလဝ်အဝဵုဂှ် ဘဝ ညးဍုၚ်ကွာန်တံ အယုက်မၞိဟ်တံဂမၠိုၚ် ပွမဆောံဗြောံ နကဵုပရေၚ်လီုလာ်စာ်ထောၚ်နာနာတုဲ စိုပ်ကၠုၚ်မံၚ် အခန်သရောပ်ဇာတ်ယျ မဒှ်ရ။ အခိၚ်သီကေတ်လဝ်အဝဵု လောန်ကၠုၚ် ၅ သၞာံတေံဂှ် အတိုၚ်ချူခၞံလဝ် ဆေင်စပ်ကဵုကာလတၟေၚ်တံတုဲအာမ္ဂး ကၠောန်ဗ္ဒျ်အာပေါဲရုဲမာဲတုဲ အလဵုအသဳမံက်ကၠုၚ်ဂှ် သၠောဲပအပ်ကဵုအဝဵုရောၚ် ဒပ်ပၞာန်ကြဴဇာ ဟီုဂးလဝ်ရောၚ်။ ပြဟ်ဟ်ဏံ ပေါဲရုဲမာဲဒုၚ်လဝ်ယၟု ဒဳမဝ်ကရေသဳဗော်ဇဳဂှ်…
မတ်မလီု၊ ဂျာန်နဝါရဳ ၃၁ ပ္ဍဲကဵုတိဍာ်ကဝ်တူလေဝ် ဗော်သွးကောန်ဂကူကရေၚ် KNU ပေါဲဗတိုက်ဒှ်လဝ် ပ္ဍဲကဵုပွိုၚ်မွဲသၞာံတုဲကၠုၚ်ဏံ ကောန်ဒပ်ကဝ်မယှေန်ပၞာန်ကြပ် ၂၀၀၀ ချိုတ်လဝ် နူကဵုဗဟဵု KNU လလောၚ်ပတိတ်လဝ် ပ္ဍဲဂျာန်နဝါရဳ ၃၀ ရ။ ပ္ဍဲကဵုသၞာံတုဲကၠုၚ် ၂၀၂၅ ပွိုၚ်မွဲသၞာံဂှ် အကြာဒပ်ကဝ်မယှေန်ပၞာန်ကဵု ဒပ်ပၞာန်ဗၠးၜးကောန်ဂကူကရေၚ် KNLA, ဒပ်စဵုဒၞာကောန်ဂကူကရေၚ် KNDO အာလဝ်က္ဍိုပ် ဂကောံပၠန်ဂတးတံပေါဲဗတိုက်ဒှ်လဝ် ၂၃၀၀ ဝါပြၚ်ရ။ ပ္ဍဲကဵုအကြာပေါဲဗတိုက်တံဏံ…
ပလဝ်၊ ဂျာန်နဝါရဳ ၃၁ ရးတနၚ်သဳ ပွိုၚ်ဍုၚ်ပလဝ် ဟိုတ်နူပေါဲဗတိုက်အကြာၜါလပါ်ဒှ်တုဲ ဒပ်ကဝ်မယှေန်ပၞာန်စံၚ်ထောံကွာန်တို ဍုၚ်ပလဂှ် ဂွံတီနူကဵု ညးဒေသကေုာံဂကောံဇြဟတ်ပၠန်ဂတးတံရ။ ပ္ဍဲဂျာန်နဝါရဳ ၂၈ ၜိုတ်အခိၚ်ဗတံ ၈ နာဍဳဂှ် အကြာဒပ်ကဝ်မယှေန်ပၞာန်ကဵု ဒပ်ပၠန်ဂတးတံၜါလပါ်ပေါဲဗတိုက် ဒှ်လဝ်ရ။ ဟိုတ်နူပေါဲဗတိုက်ဒှ် ကွာန်တိုသ္ၚိမၞိဟ်မံၚ်ဟၟဲဏံ ဒပ်ကဝ်မယှေန်ပၞာန်စံၚ်ပလီုတုဲ သ္ၚိလၟိဟ်ကဵုစှော်မတံ ပၟတ်တူအာ သ္ဂးရ။ ကွာန်တိုဂှ် ဒှ်မံၚ် အရာပ်စၟတ် ၁ ဍုၚ်ပလတုဲ ပ္ဍဲကဵုသၞာံ…
ၜဳကလေၚ်၊ ဂျာန်နဝါရဳ ၃၁ တွဵုရးမန် ပွိုၚ်ဍုၚ်ၜဳကလေၚ် ပ္ဍဲဘာဗတောန်လိက်ကွာန်ဖိုဝ်ဝတိၚ်ဂှ် နူကဵုဒရုၚ်ဒပ်ကဝ်မယှေန်ပၞာန် ကၠုၚ်ကြဳဖျေံဗုမ်တုဲ စမြိုၚ်ဒၞာဲဘာဗတောန်လိက်တံ လီုလာ်အာလဝ်နွံမံၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ ဒပ်ကဝ်မယှေန်ပၞာန် ဖျေံလဝ်ဒပ် ပ္ဍဲကဵုဂိက်သၞေဟ်ကၚ်ဒဒန်ပသဲ ပွိုၚ်ဍုၚ်ၜဳကလေၚ်ဂှ် ကၠုၚ်ဖျေံလဝ်ဗုမ်ပိမ နကဵုဒရုၚ် ပ္ဍဲဂျာန်နဝါရဳ ၂၉ အခိၚ်နူဂယး ၜိုတ်၁၁ နာဍဳရ။ ဟိုတ်နူဒးဗုမ်ဂှ် စမြိုၚ်ဒၞာဲဗတောန်လိက် ၂ မ လီုလာ်အာတုဲ မဗုမ်ဟွံဖတိုဟ်ဏီမွဲမဂှ်ပၠန် သှ်ေမံၚ်ပ္ဍဲကဵုဒၞာဲစမြိုၚ်ဘာမွဲမ…
ၜၚ်ကံက်၊ ဂျာန်နဝါရဳ ၃၀ ပေါဲရုဲမာဲဍုၚ်ဗမာတုဲအာဂှ် စၟဳစလဝ် သွက်ဂွံဒှ်အာ ပရေၚ်စအပြံၚ်လှာဲဇရေၚ်ၜိုဟ်လလမ်ရောၚ် ဝန်ဇၞော်ဍုၚ်သ္အာၚ်သေံ ဟီုလဝ်ပ္ဍဲဂျာန်နဝါရဳ ၂၉ ရ။ ပေါဲရုဲမာဲအလီရောၚ် ရဲဂကောံအခေါၚ်အရာမၞိဟ်တံ ပျုတ်ဗဒေက်ဟီုမံၚ်ဂှ် ဗော်သ္ပစၞးဒပ်ပၞာန် ပျဳခိုၚ်ဖျိုဝ် ဂွံလဝ်ဇၞး လလောၚ်တြးလဝ်ရ။ ဒပ်ပၞာန်သီကေတ်အဝဵု ပ္ဍဲသၞာံ ၂၀၂၁ တုဲ အဝဵုဍေံတံကေမ်ဇျှာပ်လဝ် သွက်ဂွံဆက်တန်ကြန်အာမာန် ကၠောန်လဝ်ပေါဲရုဲမာဲရောၚ် ညးပါ်ပါဲတံ ဟီုဂးရ။ ပ္ဍဲကဵုမ္ၚးဝိုင်ပေါဲကောံဓရီု အာသဳယာန် ကၠောန်လဝ်ပ္ဍဲဍုၚ်ဖိလေတ်ပိုၚ်ဂှ်…
မတ်မလီု ၊ ဂျာန်နဝါရဳ ၃၀ ပ္ဍဲဍုၚ်ဗမာ သွက်သ္ဂောံဂွံပရေၚ်ၜိုဟ်လလမ်ကဵု ညံၚ်ဂွံယှအ်ဖျေံ ဖအိုတ်ကၠေံအာပဋိပက္ခတံမာန်ဂှ် လိက်ကသုက် NCA ဂှ် ဒဵုကဵုတ္ၚဲဏံ လုပ်မံၚ်အဝေါၚ်ဏီ ကဝ်မယှေန်ပၞာန်ဟီုမံၚ်ကီုလေဝ် ပ္ဍဲအခိၚ် ပေါဲရုဲမာဲလောန်ဏံ ဂကောံသီုဖအိုတ်တံ ဂွံဆဵုဂဗအာဂှ် ဒှ်အဓိကရောၚ် ရဲဒေါအ်လဝ်ပန်ပှော် ၇ ဂကောံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။ ဟိုတ်နူဒပ်ပၞာန်သီအဝဵုဂှ် လၟေၚ်ကမၠောန်ထမံက်ရုပ်ရဴ လိက်ကသုက် NCA စပ်ကဵုပရေၚ်ဒေါအ်ပန်ပှော်အလုံဍုၚ် နူလက်ထက်အလဵုအသဳ…
မတ်မလီု ၊ ဂျာန်နဝါရဳ ၃၀ အနှေန်ထဝ်ဂၠးကဝ် ၜက်တိုန်အာမံၚ် နူသၞောတ်ထ္ၜတ် ဒှ်ကၠုၚ်လဝ် ဆက်က်တုဲ အနှေန်ထဝ်ၚုဟ်မဳလေၚ် အပ္ဍဲဍုၚ် လျိုၚ်မွဲဒကေဝ်ဂှ် စိုပ်ကၠုၚ်ဗ္ဒာဲ ၁၂၀ ကိုတ်ရဂှ် ညးတၠကမၠောန်ထဝ်တံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။ ပ္ဍဲဂိတုဂျာန်နဝါရဳ သတ္တဟပထမဂှ် ထဝ်လျိုၚ်မွဲဒကေဝ် ၉၀ ပြၚ်ညိရ နွံကီုလေဝ် ပ္ဍဲကၞောတ်ဂိတုဂျာန်နဝါရဳဏံ အနှေန်ထဝ်ပ္ဍဲဍုၚ် ဆက်တိုန်စိုပ်ကၠုၚ် ကရပ် ၁၂၀ ကိုတ်ရ။…
သဓီု၊ ဂျာန်နဝါရဳ ၃၀ တွဵုရးမန် ပွိုၚ်ဍုၚ်သဓီု ပ္ဍဲကဵုဍုၚ်သုဝဏ္ဏဝတဳ သၟတ်ရဲကၠောန်ကၠအ် ရာဘာ ပိတၠ ဍိုက်ဒးအာကွဳလိုန်မွဲမဂှ် ဒးဒုၚ်အာတ်သြန် ညးမွဲကၠံကၠံကိုတ် နွံကၠုၚ်လဝ်ရဂှ် ဂွံတီနူကဵု မိမကောဒေံညးတံရ။ တုဲကၠုၚ်ဂျာန်နဝါရဳ ၂၆ အခိၚ်သဝ်တ္ၚဲ သၟတ်ပိတၠစဴကၠုၚ် နူကဵုကၠအ် ရာဘာ အတိုၚ်ဂၠံၚ်ကွဳစက် မတ်မလီု-လ္ဂုၚ် ပ္ဍဲကဵုဂိက်သၞေဟ်ကၚ် လုပ်ဍုၚ်သုဝဏ္ဏဝတဳဂှ် နူကဵုဒပ်ကဝ်ပၞာန်တံကဵု ဗၠာဲသၟိၚ်တံ ရပ်လဝ်ရ။ သၟတ်အယုက်အဝဲ ၂၀…
ဗြဝတဳ၊ ဂျာန်နဝါရဳ ၃၀ သွက်ဂွံပြေၚ်ဇန်လဝေၚ်ပၞာန် ပ္ဍဲကဵုတွဵုရးကရေၚ်ဂှ် ဒပ်ကဝ်မယှေန်ပၞာန် ထပ်ဗပေၚ်လဝ် ကွဳစက်ခြပ်၊ လွဟ်မကမ် ပေၚ်ၚ်၊ ဇြဟတ်ကောန်ပၞာန်ဗွဲမဂၠိုၚ်ရောၚ် တမ်ရိုဟ်ကၞက်ပရိုၚ် ဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ လောန်ကၠုၚ်ဂျာန်နဝါရဳ ၂၈ ဂှ် ကွဳစက်ခြပ် သီုကဵုလွဟ်ဇၞော်နာနာ သွက်လဝေၚ်ပၞာန် တွဵုရးကရေၚ် နူကဵုဒပ်ကဝ်မယှေန်ပၞာန် ကၠုၚ်ထပ်ဗပေၚ်လဝ် ဇြဟတ်ကောန်ပၞာန်ဗွဲမဂၠိုၚ် မဒှ်ရ။ ကွဳစက်ပၞာန်ရေၚ်တိုန်ကၠုၚ်ဗွဲမဂၠိုၚ်ဂှ် ပ္ဍဲဂျာန်နဝါရဳ ၂၉ စိုပ်ကၠုၚ် အပ္ဍဲပွိုၚ်ဍုၚ်ဖာအၚ်တုဲ…
sanlontai