လ္ဂုၚ်၊ ဨပရဴ (၂၉) သီုရုၚ်ဗဟဵု ဗော် NLD ကီု သီုကဵုရုၚ်ဗော် မၞုံပ္ဍဲရးဒေသ ကေုာံ တွဵုရး (၇) တံဂှ် ဒးဒုၚ်လုပ်စိုပ်ၜက်ၜေတ် ဒးဒုၚ်ပလီုပလာ်လဝ်တံ နွံကၠုၚ် စဵုကဵု (၁၀၂) ဝါရောၚ် ဒုဥက္ကဌ ဗော် NLD ပွိုၚ်ဍုၚ်သာန်ချံၚ် ဥူဗိုဝ်ဝ်ဥူ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ နူသၞာံ ၂၀၂၁ ဂိတုဖေဖဝ်ဝါရဳ…
ကျာ်ထဝ်၊ ဨဗြဴ(၂၉) တွဵုရးဍုၚ်မန် ပွိုၚ်ဍုၚ်ကျာ်ထဝ် ဗဒိုပ်ဗၠာဲသၟိၚ်ကြုၚ်ကပေါဝ်(ကၚ်မွန်ချောၚ်း) မၞုံတမ်ဒဵုကျာ်ဣသိယဵုဂှ် ဒးဒုၚ်ဗတိုက်လဝ် နကဵုဒရုမ်တုဲ ကောန်ဒပ်ဗၠာဲသၟိၚ်ကံၚ်ဇြဳပၞာန် (၃)တၠ ဒးလဝ်ဘဲဝပ်တုဲ ဗ္ဒမ်လိုၚ်လ္ၚဵု တူပၟတ် ဒးလီုလာ်လဝ်ရဂှ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ဂိတုဨဗြဴ စၟတ်တ္ၚဲ (၂၇) အခိၚ်ၜိုတ်(၄)နာဍဳဂှ် ဗဒိုပ်ဗၠာဲသၟိၚ်ကြုၚ်ကပေါဝ် ကောန်ဒပ်ကံၚ်ဇြဳပၞာန်တအ် ဖျေံလဝ်ဗဒိုပ်ဂှ် ဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA၊ PDF တအ် အာဗတိုက်လဝ်…
ကျာ်မြဟ်၊ ဨပရဴ (၂၇) ဟိုတ်နူဒပ်ကံၚ်ဇြဳပၞာန် ဗပေၚ်ကၠုၚ်ဇြဟတ် အပ္ဍဲတိဍာ် တမ်ဒပ် (၆) ဂကောံဒပ်စဵုဒၞါကောန်ဂကူကရေၚ် KNDO ဂှ်တုဲ နကဵုညးဍုၚ်ကွာန်တံ လ္ပသုၚ်စောဲသ္ကုတ်ဂၠံၚ် ဒဒန်ထီုမၠဵုကျာ်မြဟ်−ကျုံကွယ်−နွတ်အံက် တံအိုတ်ဂှ် လ္ပာ်တမ်ဒပ် KNDO တမ်ဒပ် (၆) လလောၚ်ပ္တိတ်ကဵုလဝ်သမ္တီရ။ ကောန်ဂကောံဒပ်ကံၚ်ဇြဳပၞာန်တံဝွံ ကေတ်စဵုဒၞါကဵုညးဍုၚ်ကွာန်တံတုဲ နူကဵုဂၠံၚ်ဒဒန်ထီုမၠဵု−ကျုံကွယ်−နွတ်အံက်တံဂှ်မွဲကဆံၚ် ဆက်ဗပေၚ်ဒၟံၚ် ဇြဟတ်ဒပ် အပ္ဍဲကဵုတိဍာ် တမ်ဒပ် (၆) တံရောၚ်ဂှ် သ္ဂးရ။…
လဂုၚ်၊ ဨဗြဴ (၂၇) ပ္ဍဲသတ္တာဟဏံ လၟိဟ်မၞိဟ်ယဲ စၟယဲကိုဝ်ဝေတ်မၞုံ ဂၠိုၚ်တိုန်ကၠုၚ်တုဲ လၟိဟ်မၞိဟ်ယဲ သ္ပလဝ်ဒ္တန်ဂမၠိုၚ် ပ္ဍဲဂိတုဨဗြဴ စၟတ်တ္ၚဲ(၂၅)မွဲတ္ၚဲဓဝ်ဂှ် စဵုကဵု (၇၁)တၠ နွံကၠုၚ်ဒၟံၚ်ရဂှ် ဌာနဝန်ဇၞော်ရေၚ်ထတ်ယိုတ် သၟဝ်တဲကံၚ်ဇြဳပၞာန် လလောၚ်တြးလဝ် ပ္ဍဲတ္ၚဲဏံရ။ စရၚ်ညးယဲဂိုဝ်ဝေတ် သ္ပလဝ်ဒ္တန် ပ္ဍဲဂိတုဨဗြဴ စၟတ်တ္ၚဲ(၂၃)ဂှ် (၄၅) တၠ၊ ဨဗြဴ (၂၄)ဂှ် (၅၁)တၠ နူကဵုဂှ် လၟုဟ်လကြဴအိုတ်ဏံ သွဟ်စၟဳစၟတ်လဝ်…
ကဗလူ – ဨဗြဴ(၂၇) ရးဒေသသေတ်ဂါၚ် ပွိုၚ်ဍုၚ်ကဗလူ ကွာန်လုပ်လၟိဟ် ဂကောံကွာန်ပဇြဳဂျဳ (၃)ကွာန်တအ်ဂှ် ကြဴနူဒပ်ကံၚ်ဇြဳပၞာန် လုပ်စိုပ်စံၚ်ပလီုလဝ်တုဲဂှ် ရပ်ကော်ဏာလဝ် ကောန်ညးဍုၚ်ကွာန်မံၚ်ဒၟံၚ်ပ္ဍဲကွာန်ဂှ် ဟွံအောန်နူ(၁၅)တၠရဂှ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ကံၚ်ဇြဳပၞာန်ဂှ် ကြဴနူစံၚ်ပလီု ကွာန်ပဇြဳဂျဳ၊ ချောၚ်တာ ကေုာံ လေဝ်တွောန်ဇြေန်တအ်တုဲ ကေတ်ဏာလဝ် ကပေါတ်ကညောတ် ညးဍုၚ်ကွာန်တအ်ရဂှ် ဂွံတီကေတ်ရ။ ဟိုတ်နူဒပ်ကံၚ်ဇြဳပၞာန်စံၚ်ပလီုလဝ်တုဲ သ္ၚိပ္ဍဲကွာန်ဂှ်ဗွဲမဂၠိုၚ် ဒးလီုလာ်အာလဝ်တုဲ ၜိုတ်ဂလိုၚ်လဵု…
လဂိုၚ် – ဨဗြဴ (၂၇) ရးဒေသလဂုၚ်၊ ရပ်ဂွံလဝ် ကောန်ဒပ် PDF ဖျေံသ္ဇိုၚ်ပွိုၚ်ပွိုၚ်ဍုၚ်ခယာန် (၇)တၠ သီုကဵုလွဟ်လက်နက်မကမ်ရဂှ် ကံၚ်ဇြဳပၞာန် လလောၚ်တြးလဝ် ပရိုၚ်ရ။ ဂိတုဨဗြဴ စၟတ်တ္ၚဲ(၁၉) တုဲကၠုၚ်တေံဂှ် ပွိုၚ်ဍုၚ်သြေၚ်(သန်လျၚ်) ပ္ဍဲဗ္ဒာဲကွာန်ၜိုပ်ထဝ်(ပေါက်တော)ဂှ် စရပ်ကေတ်လဝ် (၁)တၠတုဲ ကြဴနူဂှ် မၞိဟ်သှ်ေဂမၠိုၚ်တအ် ရပ်ကေတ်လဝ် ပ္ဍဲမုဒိတာအိမ်ရာ ပွိုၚ်ဍုၚ်ကုန်မြာၚ်(၃)တၠ ကေုာံ ပွိုၚ်ဍုၚ်ဒဵုပုၚ်(၃)တၠရဂှ် လလောၚ်တြးလဝ်ရ။ သီဂွံလဝ်…
မတ်မလီု၊ ဨဗြဴ(၂၇) ဟိုတ်နူအကာဲအရာယဲကပ်ဂိုဝ်ဝေတ် ကေုာံ အကာဲအရာပရေၚ်ဍုၚ်ကွာန် ပရေၚ်ပၞာန်တအ်တုဲ ကောံဓရီုသဳကၠဳကောန်ကရေတ် ဗော်သွးကောန်ဂကူကရေၚ် KNU မရနုက်ကဵု (၁၇) ဝါ ဒးဒုၚ်ပဆုဲပြံၚ်ကၠုၚ်လဝ်ဂှ် ဃောကၠောန်ဗဒှ်ဒၟံၚ်ပ္ဍဲဂိတုဨဗြဴ သ္ပတမ်နူစၟတ်တ္ၚဲ(၂၄) ဏံတုဲ အတိုၚ်ဗလးအကာဲအရာလၟုဟ်မ္ဂး ပရေၚ်ပြံၚ်သၠာဲက္ဍိုပ်သ္ကိုပ်ကဆံၚ်လ္တူ နွံဟွံမာန်ရဂှ် တမ်ရိုဟ်တၚ်ဂၞၚ်ပရိုၚ် KNU သ္ၚဳဂၠိပ်ဟီုသ္ဂးလဝ်ရ။ ကောံဓရီုကောန်ကရေတ် KNU မကၠောန်ဗဒှ်လဝ် ပ္ဍဲသၞာံ ၂၀၁၇ အလန်လကြဴအိုတ်ဂှ် (၄)သၞာံမွဲလန် ၜိုန်ရဒးကၠောန်ဗဒှ်ကီုလေဝ်…
ၜဳကလေၚ်၊ ဨဗြဴ(၂၇) တွဵုရးဍုၚ်မန်၊ ဍုၚ်ၜဳကလေၚ်၊ ရုၚ်ဌာနက္ဍိုက်က္ဍိုပ်အကံက်အခေါန်အပ္ဍဲဍုၚ် မၞုံအရာပ်ကာန်တာယျာဂှ် ဟိုတ်နူဒးဒုၚ်ဗတိုက်လဝ်ကဵုကမ်လှောဝ်တုဲ စမြိုၚ်ဂမၠိုၚ် ဇီုကပိုက်ဒးလီုလာ်လဝ်ရဂှ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ဂိတုဨဗြဴ တုဲကၠုၚ် စၟတ်တ္ၚဲ(၂၆) အခိၚ်နူဂယး ၜိုတ်(၁)နာဍဳဂှ် ဒပ်ပံၚ်ကောံ ဒပ်စဵုဒၞာညးဍုၚ်ကွာန်တအ် ကၠုၚ်စိုပ်ဗတိုက်လဝ် ရုၚ်ဌာနက္ဍိုက်က္ဍိုပ်အကံက်အခေါန်အပ္ဍဲဍုၚ် ပွိုၚ်ဍုၚ်ၜဳကလေၚ် နကဵုကမ်လှောဝ်ရ။ ဟိုတ်နူရုၚ်ဌာနက္ဍိုက်က္ဍိုပ်အကံက်အခေါန်အပ္ဍဲဍုၚ် ဒးဒုၚ်ဗတိုက်လဝ်ကဵုကမ်လှောဝ်တ်တုဲ ကၟိုၚ်ဍိုတ်ရုၚ် သၠဖ္ဍာန်ဂတမုက်ကီု သီုကဵုလ္ပာ်ပ္ဍဲစမြိုၚ်လ္ၚဵုဂှ် ၜိုန်ရဒးဇီုကပိုက်လီုလာ်လဝ်ကီုလေဝ် ပရေၚ်မၞိဟ်ဇီုကပိုက်…
သေဒ္ဒနဳ၊ ဨပရဴ (၂၇) နကဵုဍုၚ်အဝ်သတြေလျ ဟိုတ်နူကၠောန်ကၠုၚ် အစဳဇန်ပရေၚ်စဵုဒၞါတံ သၠဲသၠဲလးလးဂှ်ရ သွက်ဂွံစွံအာရီု ကုဇြဟတ်ပန်ပှော်ခြာဇမ္ၚောဲတံမာန်ဂှ်ကဵု ပရေၚ်ကၠောန်ပ္တိတ်ကမ်လှောဝ်ထိၚ်သၞေဝ်တံဂှ် ပြဟ်ဒၟံၚ် လ္တူနူစၟဳစလဝ်တေံ (၂) သၞာံတုဲ ပ္ဍဲသၞာံ ၂၀၂၅ ဏံ စကၠောန်အာ အပ္ဍဲဍုၚ်ရောၚ်ဂှ် လလောၚ်ပ္တိတ်လဝ်ပရိုၚ်ရ။ ဍုၚ်ကြုက်ဝွံ ဟွံမွဲကဵုပရေၚ်ကၠးမှးတုဲ စနူအခိၚ်ပၞာန်ဂၠးကဝ် ဒုတိယတုဲဂှ် ပ္ဍဲဍုၚ်လဵုဟွံဟီု ဒဒှ်ရစကၠောန်ကၠုၚ်လဝ် ပရေၚ်ဒက်ပ္တန်ပရေၚ်ပၞာန် ဇၞော်အိုတ်ဂှ်ကီု၊ အရာမကဵုကသပ် ကလေၚ်သ္ၚဳဂၠိပ်…
နေဗျဳဒဝ်၊ ဨပရဴ (၂၇) ကြဴနူဒပ်ပၞာန်သီအဝဵုတုဲ လ္တူအကြေပ်အဂြတ်ပရေၚ်ဍုၚ်ကွာန်ဗၟာ မွဲတ္ၚဲတုဲမွဲတ္ၚဲ မပရေံကၠုၚ်ဒၟံၚ်သိုက်က်ဂှ် ဂကောံပၞာန်တံ ပ္ဍဲကဵုဂိတုဨပရဴ သတ္တာဟတတိယ ဆဵုဂဗကၠုၚ်ဒၟံၚ် ကုညးစၞးဂကောံဍုၚ်နာနာဂမၠိုၚ် မလုပ်အကြာပ္ညဳကဵုပရေၚ်ဍုၚ်ဗၟာမာန် အဆက်က်ဂှ် နွံကၠုၚ်ဒၟံၚ်ရ။ တုဲကၠုၚ် ပ္ဍဲဂိတုဨပရဴ (၁၈) တေံ သ္ကိုပ်စၞောန်ပ္ညုၚ်၊ ဌာနပရေၚ်ဆက်ဆောံဍုၚ်သ္အာၚ် ဗော်ကောန်မျူနေတ်ကြုက် Peng Xiubin ကၠုၚ်စိုပ်ဆဵုဂဗလဝ်ကဵု သမ္မတတြေံ ဥူတုၚ်ဇြုၚ်၊ တၠအဝဵုပၞာန်တြေံ ဒေါအ်ဇူ သ္ကိုပ်ဗိုလ်ဇၞော်တာန်ယှိုဲတံ…
sanlontai