ကိုဝ်ရဳယျာသၟဝ်ကျာ ကောပ်မှေတ်ဂစိုတ်ထောံ ကုမၞိဟ်မသုၚ်စောဲဂဥုဲၜူမာဲ ကေုာံ ကုမၞိဟ်ဗဵုရုပ်ဂမျိုၚ် ကိုဝ်ရဳယျာသၠုၚ်ကျာ
sanlontai ဖျုၚ်ယာန်၊ မာတ်ချ် (၃၁) ကိုဝ်ရဳယျာသၟဝ်ကျာ ကောပ်မှေတ်ဂစိုတ်လဝ် မၞိဟ်သုၚ်စောဲဂဥုဲၜူမာဲတံကီု သီုကဵုမၞိဟ်ဗဵု ပါ်ပရအ်လဝ် ရုပ်ဂမျိုၚ်ယေန်သၞာၚ်ကိုဝ်ရဳယျာသၟဝ်ကျာတံ မအုပ်ဓလီုလဝ်တံရောၚ်ဂှ် ကိုဝ်ရဳယျာသၠုၚ်ကျာ ပ္တိတ်လဝ်လိက်ဒုၚ်စဳရေၚ်မွဲရ။ ကိုဝ်ရဳယျာသၟဝ်ကျာဝွံ ဖံက်ပ္ကဝ်ထိၚ်ဒက်ဒၟံၚ် အခေါၚ်ဗၠးၜး ကေုာံ အခေါၚ်အရာမၞိဟ် ကောန်ဍုၚ်တံရောၚ်ဂှ်လေဝ် ထ္မံက်ထ္ၜးလဝ် ပ္ဍဲလိက်ဒုၚ်စဳရေၚ်ဂှ်ရ။ ဌာနဝန်ဇၞော်ကိုဝ်ရဳယျာသၠုၚ်ကျာ မရပ်စပ်ဒၟံၚ် ပရေၚ်ကိုဝ်ရဳယျာၜါဍုၚ် သွက်ဂွံကလေၚ်ပံၚ်ကောံပၠန်ဂှ်ဝွံ ဒုၚ်လဝ်သ္ဇိုၚ်ကဵု လိက်ဒုၚ်စဳရေၚ်သာဓက မုက်လိက် (၄၅၀) ပါ မကံက်လဝ်…