July 2026

အတိုၚ်သၞောဝ်ဥပဒေစ္ၜုဲစ္ၜော်တၟိ ဗြိတိၚ်မ္ဂး ခုတ်စၟတ်လဝ် ရဲဒဴဒဒိုက်တံ ဒးကလေၚ်လေဲကဵုသြန် ၁၀၀၀၀ သတာလၚ်ပံၚ်ရောၚ်

လန်ဒန်၊ ဂျူလာၚ် ၁ ညးဂွံလဝ်အခေါၚ်ကၠုၚ်စ္ၜုဲစ္ၜော်ဗ္ဒဗ္ဒာဲ ဍုၚ်ဗြိတိၚ်တံ ကြဴနူသြန်လုပ်ညးတံဂွံကၠုၚ်တုဲ သွက်ဒၞာဲဝါဲ မံၚ်စံၚ်လဝ်တံကီု ကဵုလဝ်ပရေၚ်အထံက်ပၚ်တံကီုဂှ် ဒးကလေၚ်လေဲကဵုသြန် ၁၀၀၀၀ သတာလၚ်ပေါၚ်ရောၚ် အလဵုအသဳ လလောၚ်တြးလဝ်ရ။ အတိုၚ်သၞောဝ်ဥပဒေ ဆေၚ်စပ်ကဵု ပရေၚ်ဆုဲပြံၚ်မံၚ်စံၚ်စ္ၜုဲစ္ၜော်တံ သွက်ဒးပတိုန်ထ္ၜးအာကဵု စၠတ်ထဝ်မ္ဂး ညးသြန်လုပ် ၜိုတ်သၠောတ်ရုံရုံဂပ်ဂပ်နွံမံၚ်တံ အပ္ဍဲအပိုၚ်အခြာအခိၚ်မွဲဂှ် ဒးကလေၚ်လေဲဗပေၚ်ကဵု သြန်တံရောၚ် သ္ဂးရ။ သၞောဝ်ဥပဒေဂှ် ဆေၚ်စပ်အာကဵု ညးဂစာန်မံၚ်ပရေၚ်စ္ၜုဲစ္ၜော်ဗ္ဒဗ္ဒာဲ သွက်ဂွံဂွံအခေါၚ်ကၠောန်ကမၠောန် အပ္ဍဲဗြိတိၚ်တံရောၚ်။…

ညးဍုၚ်ကွာန်ဗၟာတံ ဒးဒုၚ်ပိုၚ်ခြာလဝ် အခေါၚ်ဟီုဂးဗွဲမသၠးပွးဖိုဟ်

မတ်မလီု၊ ဂျူလာၚ် ၁ နူကဵုဒပ်ပၞာန်သီအဝဵု ကြဴနူဒက်ပ္တန်လဝ် အလဵုအသဳပြံၚ်လဝ်ဗီုပြၚ် ကောန်အရာပ်ကီုလေဝ် စပ်ကဵုအခေါၚ်ဟီုပတိတ်ဗွဲမဗၠးၜး ပရေၚ်ဍာ်ဒကေဝ်သၞောတ်ဗၜတ် ဒဳမဝ်ကရေသဳမွဲဂှ် ဒးဒုၚ် ဆက်ကၟာတ်လဒဵုလဝ် ဖိုဟ်ရ။ နကဵုအလဵုကုဇကု ခါန်ကၞက်လဝ်ကေတ်တ် သမ္မတ ဥူမေန်အံၚ်လှိုၚ် ဟီုမံၚ် အလဵုအသဳညးတံ ဂါံအာမံၚ်လတူဂၠံၚ်တရဴ ပရေၚ်ဒဳမဝ်ကရေဇြဳ ခိုၚ်ၚ်ကၠိုက်က်ကီုလေဝ် အခေါၚ်သၠးၜးမဳဒဳယာပရိုၚ်တံဂှ် ဍဵုဍိုက်လဝ် တုဲ ပရေၚ်ပါ်ပါဲတံဂှ်လေဝ် မၚ်ရံၚ် ကေတ်အာမံၚ်အရေဝ်ရောၚ်။ ပရေၚ်ညိၚ်ဝပ်ကဵုပရေၚ်ဂီုကၠီုကၟိန်ဍုၚ် ညံၚ်ဂွံလီုလာ်ထုဲထံၚ်အာ…

သၟတ်ရဲအာတရဴ လ္တူသကုတ်ဂၠံၚ် ဗြဝတဳ-ကအ်ကြိက်-ဘာအၚ်တံ ဒးဒုၚ်တံၚ်ရပ်မံၚ် ပဝ်တာ

ဘာအၚ်၊ ဂျူလာၚ် ၁ အပ္ဍဲသကုတ်ဂၠံၚ်အာယှ ဗြဝတဳ-ကအ်ကြိက်-ဘာအၚ် တွဵုရးကရေၚ် ဒပ်ပၞာန်သီအဝဵုတံ မၚ်မွဲကေတ်လဝ်တာလျိုၚ်ပရေၚ်ဂီုကၠီုတံဂှ် စွံပွန်ကဵု သၟတ်ရဲအာတရဴ အာကၠုၚ်မံၚ်သကုတ်ဂၠံၚ်ဏံတုဲ တံၚ်ရပ်ကေတ်မံၚ်ပဝ်တာတံ နွံမံၚ်ရောၚ် ရိုဟ်ကၞက်ပရိုၚ်အပ္ဍဲဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ အပ္ဍဲပွိုၚ်မွဲဂိတုတုဲကၠုၚ်ဏံမ္ဂး လ္တူသကုတ်ဂၠံၚ်အာယှ ဗြဝတဳ-ကအ်ကြိက်-ဘာအၚ်ဂှ် ဒပ်ပၞာန်ဗမာကဵု ဒပ်မၚ်ပယျဵုကရေၚ် BGF တံ ပံၚ်တောဲကေတ်လဝ်ပရေၚ်ဂီုကၠီုတုဲ ဒၞာဲဂိက်သၞေဟ်ကၚ် ကျာကလေဝ် ကရပ်ဗ္ဒာဲဒဒန် ၜဳဂြာၚ်ကဵုဒၞာဲလ္ၚဵုတံဂှ် ဂၠာဲစၟဳစၟတ်မံၚ် ကွဳစက်ရဲအာတရဴတံစေအ်အ်…

အပ္ဍဲမန် အကြာပွိုၚ်မွဲဂိတုဏံ ဟိုတ်နူဒပ်ပၞာန် ညးဍုၚ်ကွာန်ချိုတ်အာ ၁၅ တၠ

ၜဳကလေၚ်၊ ဂျူလာၚ် ၁ အပ္ဍဲကဵုတွဵုရးမန် အကြာပွိုၚ်ဂိတုဏံ ဟိုတ်နူပရေၚ်ဒပ်ပၞာန် ပန်ကဵုလွဟ်ဇၞော် ပၞာန်ကျာတံဖျေံဗုမ်တုဲ ညးဍုၚ်ကွာန် ၁၅ တၠ ချိုတ်အာလဝ်နွံမံၚ်ရောၚ် ဂကောံရီုဗၚ်မၚ်မွဲကောန်ထံၚ် ပရေၚ်ဍုၚ်ကွာန် AAPP လလောၚ်တြးလဝ်ရ။ စနူဂိတုဂျောန် ၁ စဵုကဵုဂျောန် ၂၆ တုဲကၠုၚ်တေံ ပ္ဍဲကဵုတွဵုရးမန် ဟိုတ်နူ တၠတဲဒပ်ပၞာန်တံပန်လဝ်တုဲ မၞိဟ်တြုံ ၆ တၠကဵု မၞိဟ်ဗြဴ ၉ တၠ…

ပ္ဍဲကာန်ဗံက် သၟတ်ပိတၠ ဒးဒုၚ်ရပ်ထဍေၚ်ပန်တုဲ ချိုတ်အာမွဲတၠ

ဍာ်ဗု၊ ဂျူလာၚ် ၁ အပ္ဍဲကွာန်ကာန်ဗံက် ပွိုၚ်ဍုၚ်ဍာ်ဗု ရးတနၚ်္သဳ သၟတ်ပိတၠ ဒးဒုၚ်ထဍေၚ်ပန်ရပ်ကၠေၚ်ဏာတုဲ သၟတ်မွဲတၠဂှ် ချိုတ်အာလဝ်နွံ ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ တုဲကၠုၚ်ဂိတုဂျောန် ၂၇ တေံ ပ္ဍဲကွာန်ကာန်ဗံက်ဂှ်တှ်ေ သွက်ဂွံယိုက်ဝန်ပၞာန် အဟိန်ဒပ်ပၞာန်သီအဝဵု ဗက်ထဍေၚ်ဂၠာဲရပ်မံၚ် သၟတ်ပိတၠတံဂှ် ဟိုတ်နူဟွံဒုၚ်ရပ် ဂြိပ်ပါဲအာတုဲ ဒးဒုၚ်ပန်ရပ်ဏာလဝ် မဒှ်ရ။ ဟိုတ်နူဒးဒုၚ်ပန်ရပ်ဏာတုဲ သၟတ်နူကဵုကွာန်ကာန်ဗံက် အာယုက် ၂၆ သၞာံ…