sanlontai အပ္ဍဲအခန်ကၞာဖျေံကမ္မဌာန် က္ဍိုပ်သ္ကိုပ်အဳရာန် ခါမေနဳ ပွိုၚ် ၆ တ္ၚဲဂှ် မၞိဟ်ပြကောဋိကိုတ်ပြၚ် တိုန်စိုပ်မာန်ရောၚ်
တဳဟဳရာန်၊ ဂျူလာၚ် ၄ သွက်ပေါဲဖျေံကမ္မဌာန် က္ဍိုပ်သ္ကိုပ်အဆံၚ်သၠုၚ်အဳရာန် အယာတဝ်လာ အလဳ ခါမေနဳ ဂှ် ပလံၚ်ဗ္စိုပ်လဝ် ဇွညး ပ္ဍဲစမြိုၚ်ဒၞာဲပရေၚ်ဘာသာ ဍုၚ်တဳဟဳရာန် အခိၚ်နူဂယး ဂျူလာၚ် ၃ ဂှ်တုဲ ပ္ဍဲအခန်ကၞာဖျေံကမ္မဌာန်ဏံ မၞိဟ်မၞုံကဵုပြကောဋိကိုတ်ပြၚ်တံ တိုန်စိုပ်မာန် စၟဳစလဝ်ရောၚ် ဌာနပရိုၚ်ဂါဒဳယာန် ချူထမံက်ထ္ၜးလဝ်ရ။ ပ္ဍဲကၞောတ်ဂိတုဖေဖဝ်ဝါရဳတေံ အမေရိကာန် ကဵု အေဿရေတံ စဗတိုက်အဳရာန်တုဲ ခြာဟွံလံ အလဳခါမေနဳ…
သွက်ပရေၚ်ဒေသသ္ဂေံာညိၚ်ဝပ် ပံၚ်တောဲအာညိ ဗော်ဍုၚ်မန်တၟိ ဒးဒုၚ်ကဵုဇြဟတ်ဟရိုဟ်
နေပျဳဒဝ်၊ ဂျူလာၚ် ၄ အကြာတိဍာ် ပရေၚ်အုပ်ဓုပ်ဗော်ဍုၚ်မန်တၟိ ဒးဒုၚ်ကြဳဗုမ်ဗလးကျာ ဟွံအောန်နူကဵု ၃ ဝါတုဲ ကြဴနူဂှ် သွက်ပရေၚ်ဒေသဂွံညိၚ်ဝပ် ပံၚ်တောဲကၠောန်အာမွဲစွံညိဂှ် ကမ္မတဳပ္ညဳပ္ညပ်ထမံက်ရုပ်ရဴပရေၚ်ဖောအ်ဗြဳၜိုဟ်လလမ် NSPNC အလဵုအသဳဒပ်ပၞာန် ကဵုကၠုၚ်ဇြဟတ်ဟရိုဟ်ရ။ ကမ္မတဳပ္ညဳပ္ညပ်ထမံက်ရုပ်ရဴ ညဳသၟဟ်ဂကူပရေၚ်ၜိုဟ်လလမ်ကေုာံ ဗော်ဍုၚ်မန်တၟိ NMSP တံ ဆဵုဂဗသဳကၠဳလဝ် ပ္ဍဲဟဝ်တေဝ် M Gallery နေပျဳဒဝ် ဂိတုဂျူလာၚ် ၂ ဏံဂှ် ဥက္ကဌ…
ဟိုတ်နူပေါဲဗတိုက်ဗြဝတဳ ဂိက်ပယျဵုလ္ၚဵု နူလပါ်သေံ စကၟာတ်
ဗြဝတဳ၊ ဂျူလာၚ် ၄ အပ္ဍဲဒေသပယျဵုဗၟာ-သေံ တွဵုရးကရေၚ် ပွိုၚ်ဍုၚ်ဗြဝတဳ ဒၞာဲတိဍာ်မေန်လက်ပါန်ကဵု ဖလူတံဂှ် ဟိုတ်နူပေါဲဗတိုက်ဒှ်မံၚ်တုဲ အပ္ဍဲလပါ်ဒေသပယျဵုတံဏံ ဒပ်ပၞာန်သေံတံသၠုၚ်ပတိုန်ပရေၚ်ဂီုကၠီုတုဲ ကၟာတ်လဝ် ဂိက်သၞေဟ်ကၚ်ပယျဵုလ္ၚဵုတံယျဂှ် နူကဵုရိုဟ်ကၞက်ပရိုၚ်ဒေသပယျဵုတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ ကွာန်မေန်လက်ပါန်- ကွာန်ဖလူ နွံမံၚ်လပါ်သၠုၚ်ကျာဍုၚ်ဗြဝတဳတံဂှ် အကြာကရောၚ်ပၞာန်ဒပ်ပၞာန်ဗၟာကဵု ဂကောံဇြဟတ်ပၠန်ဂတးတံ ဂိတုဂျောန်အိုတ်တုဲကၠုၚ်ဏံ ပေါဲဗတိုက်ကလေၚ်ဒှ်ကၠုၚ်မံၚ်မွဲဏှမွဲဏှတုဲ ဟိုတ်နူပေါဲဗတိုက်မကမ်လ္ၚဵုတံ ပရာတ်စိုပ်အာလပါ်ဍုၚ်သေံ ကွာန်မေအ်ကိုကေန်တုဲ ဒးအာလဝ် ဘာဗတောန်လိက်ကဵု သ္ၚိဌာန်တံနွံရ။ ဟိုတ်နူမကမ်လွဟ် နူလပါ်ဗၟာစှ်ေဒးအာလပါ်ကွာန်မေအ်ကိုကေန်ဍုၚ်သေံ၊…
သွက်ဂွံကော်ဘိက် PDF တံ ဂွံလုပ်ဖျေံလွဟ်ဂှ် ဥက္ကဌစၠတ်ထဝ် တွဵုရးမန်ဟီု
မတ်မလီု၊ ဂျူလာၚ် ၄ သွက်ကောန်သ္ဂံၚ်ဒပ်ပၠန်ဂတးတံ ဂွံလုပ်ဖျေံလွဟ်မာန်ဂှ် နူကဵုကမ္မတဳပရေၚ်ကေၚ်ကာကောန်ဍုၚ်အရၚ်တံ ဒးကော်ဘိက်အာဗွဲမဇြိုဟ်နက်ရောၚ် ဥက္ကဌစၠတ်ထဝ်တွဵုရးမန် ဥူတိတ်ထိုဲ နူအလဵုအသဳဒပ်ပၞာန်ဂှ် ဟီုရ။ ပ္ဍဲဂိတုဂျူလာၚ် ၂ ကၠောန်လဝ် ကောံဓရီုကမ္မတဳပရေၚ်ကေၚ်ကာကောန်ဍုၚ်အရၚ် ပ္ဍဲကဵုစၠတ်ထဝ်တွဵုရးမန်ဂှ် ဥူတိတ်ထိုဲ ဗတိုက်ဖအောဝ်ကဵုလဝ်စၞောန်ပ္ညုၚ်ရောၚ်။ ဒၟာနူဟိုတ်နာနာသာ် ဒးဒုၚ်စန်ဒက်ဏာတုဲ သွက်ရဲစိုပ်မံၚ်ဂၠံၚ်ဍာန်ဗၠေတ်တ်တံ ယဝ်ရမိက်ဂွံကလေၚ်စဴ သ္ၚိဌာန်ဒၞာဲဝါဲမိမတံမ္ဂး သွက်ဂွံလုပ်ဖျေံလွဟ်ဂွံဆက်စၠောံအာလောဲလောဲမာန်ဂှ် နူကဵုကမ္မတဳတံစွံအာရီုတုဲ ကော်ဘိက်အာညိဂှ် ဥူတိတ်ထိုဲ ဗတိုက်ဖအောဝ်လဝ်အပ္ဍဲကောံဓရီုရ ။ တုဲပၠန်…
ပ္ဍဲကွာန်ဇြဳကုန် ပွိုၚ်ဍုၚ်ကျာ်ထဝ် ဒပ်ပၞာန်ဗၟာ ကြဳဖျေံဗုမ်
ကျာ်ထဝ်၊ ဂျူလာၚ် ၄ အပ္ဍဲတွဵုရးမန် ပွိုၚ်ဍုၚ်ကျာ်ထဝ် ကွာန်ဇြဳကုန် ၜိုန်ရပေါဲဗတိုက်ဟၟဲကီုလေဝ် ဒပ်ပၞာန်သီအဝဵုကြဳဖျေံလဝ်ဗုမ် နူဗလးကျာဂှ် ရိုဟ်ကၞက်ပရိုၚ်တိဍာ်ဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ ပ္ဍဲဂိတုဂျူလာၚ် ၃ အခိၚ်လဒေါဝ်တ္ၚဲၜိုတ် ၁၂ နာဍဳ ၜၚ်ကျာဂျက်ဖိုက်တာဒပ်ပၞာန်ဗၟာမွဲမ လ္တူဗလးကျာ ကွာန်ဇြဳကုန်ဂှ်ကြဳဖျေံဏာဗုမ် ၂ မ ရ။ အပ္ဍဲပရေၚ်ကြဳဗုမ်ဏံညးဍုၚ်ကွာန်တံကီု သ္ၚိဌာန်လ္ၚဵုတံလီုလာ်အာလဝ်နွံမံၚ်တုဲ လၟိဟ်ဂွံတီချိုတ်တ်ပၠိုတ်တ်ဂှ် နူကဵုဌာန်ပရိုၚ်သြၚ်လောန်တိုၚ်မ် ဆက်ဂၠိုက်ဂၠာဲမံၚ်ဖိုဟ်ရ။ မွဲအခိၚ်ဓဝ် နူကဵုဌာန်ဂအုပ်ၝောံဒပ် ၄၄…
ကြဴနူသီအဝဵုပၞာန် ၂၀၂၁ တုဲ ဟိုတ်နူပဋိပက္ခဍုၚ်ဗၟာ ညးချိုတ်အာ ၁ ကိုတ်ပြၚ်
လ္ဂုၚ်၊ ဂျောန် ၃ အခိၚ်ပေါဲပၞာန်အပ္ဍဲဍုၚ်နိဂီုဗၟာ ကြဴနူဒပ်ပၞာန်သီအဝဵု ၂၀၂၁ ဏံဂှ် မၞိဟ် ၁ ကိုတ်ပြၚ် ချိုတ်အာလဝ်တုဲ ထမံက်ထ္ၜးမံၚ်ကဵု အကာဲအရာပရေၚ်ပရေံပရေံ လံအာကြပ်ပေၚ် ၅ သၞာံရ။ ဂကောံမၚ်ရံၚ်တၚ်နၚ် ဆေၚ်စပ်ကဵု ပရေၚ်ဒဒှ်ဒၞာဲဝါဲ ပဋိပက္ခရပ်လွဟ်တန်တဴ လ္ၚတ်တၠုၚ်လအာပဋိပက္ခ (ACLED) ချူထမံက်ထ္ၜးလဝ် ဒဒှ်ရကြဴနူကဵုပရေၚ်သီအဝဵု အပ္ဍဲဍုၚ်ဗၟာဏံတုဲ ညးချိုတ်အာ ဆေၚ်စပ်ကဵုပဋိပက္ခတံ နွံ ၁၀၀,၁၄၄ တၠရ။…
အပိုၚ်အခြာယိုက်ဝန်ပၞာန်ပေၚ်အာကီုလေဝ် ဟွံဗလးကဵုရဲဒးဆက်ထိၚ်လဝ်တံ နွံမံၚ်
နေပျဳဒဝ်၊ ဂျူလာၚ် ၃ အတိုၚ်ဥပဒေယိုက်ဝန်ပၞာန်ညးဍုၚ်ကွာန်မ္ဂး အပိုၚ်အခြာအခိၚ်စၟတ်လဝ် ရဲပေၚ်အာ ၂ သၞာံတံဂှ် နူကဵုဒပ်ပၞာန် ဒးဗလးကဵုကီုလေဝ် ဒၟာနူဟိုတ်နာနာသာ်တုဲ ညးကလေၚ်စဴစိုပ်သ္ၚိဟွံမာန်တံနွံမံၚ်ရဂှ် ဂွံတီကေတ် နူဂကောံလ္ၚတ်ပရေၚ်ပၞာန်ဗၟာကေုာံ ပရေၚ်ဂီုကၠီု MDSI ရ။ နကဵုဗွဲအပြောံမ္ဂး ညးလုပ်မံၚ်အဝေါင်တၚ်စၟတ်ပိုၚ်ခြာလဝ်တံဂှ် ဗလးကဵုမံၚ်နွံကီုလေဝ် ဟိုတ်နူအကာဲအရာလ္ၚဵုတံတုဲ အပ္ဍဲဒပ်ဆက်ကော်လဝ်ဂှ်ကီု၊ ဒးတိုန်ဒၟံၚ်ရုၚ်ဂဥုဲကေုာံညးလ္ၚဵုတံ ဒးဒုၚ်ကေတ်အရေဝ်တုဲ အကာဲအရာဗလးဖျဴကဵုသ္ၚိဟွံမာန်ဏီဂှ် နွံမံၚ်ရ။ အပ္ဍဲကာလသီအဝဵုလက်ထက်ကံၚ်သဳပၞာန် ပ္ဍဲဂိတုဖေဖဝ်ဝါရဳ သၞာံ ၂၀၂၄…
အပ္ဍဲတွဵုရးမန် ပရေၚ်ခါန်ကၞက်မံၚ်သ္ကိုပ်အုပ်ဓုပ်သ္ၚိတ်တ်ဂှ် ပလံၚ်လိက်သၟာန်အာ စၠတ်ထဝ်ရောၚ်သ္ဂး
မတ်မလီု၊ ဂျူလာၚ် ၃ အပ္ဍဲတွဵုရးမန် စပ်ကဵုပရေၚ်သွက်ရုဲစှ်အာ သ္ကိုပ်အုပ်ဓုပ်အရာပ်/ကွာန်တံဂှ် ဟွံရုဲစှ်အာအတိုၚ်ဥပဒေ၊ ညးတံကဵုညးတံ ကၠတ်ခါန်ကၞက်ကေတ်မံၚ်သ္ၚိတ်တ်တုဲ ကဵုမံၚ်တန်ဗတောန်တံဂှ် နူကဵုစၠတ်ထဝ် သွက်ဂွံပလံၚ်လိက်သၟာန်အာ ဂကောံအလဵုအသဳတွဵုရးမန်တံနွံမံၚ်ရောၚ် ဂွံတီကေတ် နူညးစၞးစၠတ်ထဝ်တံရ။ ဒပ်ပၞာန်ပြံၚ်လဝ်ဗီုပြၚ်အလဵုအသဳတွဵုရးမန်ဂှ် ဟွံကလေၚ်ရုဲစှ်သ္ကိုပ်ပရေၚ်အုပ်ဓုပ်တၟိတံတုဲ သ္ကိုပ်အုပ်ဓုပ်တြေံ အတိုၚ်ကၠာကၠာတေံကီု ညးကြပ်ကဵုဗွိုၚ်ဗော်ပျဳခိုၚ်ဖျိုဝ်တံကီု ပါဲနူဂှ်ပၠန် ကောန်ရဲတဝ်သွာ ဂကောံပရေၚ်အုပ်ဓုပ်အလဵုအသဳတံဂှ်ရ ခါန်ကၞက်ကေတ်မံၚ်သ္ၚိတ်တ်အိုတ်ရ။ စပ်ကဵု သ္ကိုပ်ပရေၚ်အုပ်ဓုပ် ခါန်ကၞက်ကေတ်လဝ်သ္ၚိတ်တ်တံဂှ် စနူဂိတုဂျူလာၚ် ၁ စဵုကဵု…
အပ္ဍဲတွဵုရးမန် ဒေသရေဝ် ပေါဲဗတိုက်သကာတ်မြဟ်တိုန်မာန်
ရေဝ်၊ ဂျူလာၚ် ၃ အပ္ဍဲတွဵုရးမန် ပွိုၚ်ဍုၚ်ရေဝ်ဂှ် ဒပ်ပၞာန်သီအဝဵု သုၚ်စောဲဇြဟတ်ပေၚ်ၚ် ဍိုက်ထပက်မံၚ်ကရောၚ်ပၞာန်တံတုဲ ပေါဲဗတိုက်ၜါလပါ်သကာတ်မြဟ်တိုန်မာန်ရောၚ် ရဲဒပ်ပၠန်ဂတးတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ စနူဂိတုဂျောန် ၂၆ တုဲကၠုၚ်တေံရ ပ္ဍဲကဵုပွိုၚ်ဍုၚ်ရေဝ် သၟဝ်ကျာ၊ သၠုၚ်ကျာကဵု တိဍာ်ဗော်ဍုၚ်မန်တၟိတံဂှ် ဒပ်ပၞာန်သီအဝဵုနကဵုဇြဟတ်ပေၚ်ၚ် ဍိုက်ထပက်မံၚ်ကရောၚ်ပၞာန်တံ မဒှ်ရ။ ကရောၚ်ပၞာန်ပိကရောၚ် ထပက်အာမံၚ်အကြာတိဍာ်ဗော်ဍုၚ်မန်တၟိတံဂှ် ပြဟ်ဟ်ဏံ စိုပ်မံၚ်ဗ္ဒာဲ ကွာန်ကြုၚ်လံၚ်တြေံ၊ ဝါဇြေန်ကဵု လပါ်ကာန်နဳတံရောၚ်။ တုဲပၠန်…
အပ္ဍဲကရပ်ဍုၚ်လံၚ်လုၚ် ပေါဲဗတိုက်ထပ်က္တဵုဒှ်မံၚ်
လံၚ်လုၚ်၊ ဂျူလာၚ် ၃ အပ္ဍဲကဵုရးတနၚ်္သဳ ကရပ်ဗ္ဒာဲဍုၚ်လံၚ်လုၚ် ကွာန်သေတ်ပြေဝ်ဂှ် အကြာဒပ်ပၞာန်သီအဝဵုကဵုဒပ်ပၠန်ဂတးတံ ပေါဲဗတိုက်ထပ်က္တဵုဒှ်မံၚ်ပၠန်ဂှ် ရိုဟ်ကၞက်ပရိုၚ်တိဍာ်တံ ဟီုလဴကဵုဌာန်ပရိုၚ်သြၚ်လောန်တိုၚ်မ်ရ။ အပ္ဍဲဂိတုဂျူလာၚ် ၁ အခိၚ်နူဂယး ၁၀ နာဍဳ အကြာကရောၚ်ပၞာန်ဒပ်ပၞာန်ဗၟာကလေၚ်လုပ်ကၠုၚ် ကွာန်သေတ်ပြေဝ်ကဵု ဒပ်ပံၚ်တောဲပၠန်ဂတးတံ ပေါဲဗတိုက်ၜါလပါ်က္တဵုဒှ်လဝ် ကရပ်ဗ္ဒာဲဘာလကျာ် ကွာန်သေတ်ပြေဝ်ဂှ်ရောၚ်။ ဟိုတ်နူပေါဲဗတိုက် အကြာဒပ်ၜါလပါ်က္တဵုဒှ်လဝ် အပ္ဍဲကွာန်သေတ်ပြေဝ် ဂှ်တုဲ ညးဒေသကလေၚ်စဴကၠုၚ်မံၚ်ကွာန် တံဂှ်လေဝ် ဓဝါဲဂှ်မွဲအလန်ဓဝ်ဒးထပ်ကလေၚ်ဂြိပ်ပါဲဒဴတိတ်အာ နူကွာန်ပြဟ်ဟ်ပၠန် သ္ဂးရ။…