ဘာကူ၊ ဒဳဇြေမ်ဗာ ၃၁ က္ၜၚ်ကျာညးအာတရဴအဇြာဗိုၚ် လီုစှ်ေတုဲ မၞိဟ်မဂၠိုၚ်ဂၠေၚ် မဒးပြဟ်လလုဲအာလဝ်ဂှ် ဟိုတ်တမ်ရိုဟ်ဍေံဂှ် ကိုပ်ကၠာဏံ ရုယှာဂ္စါန်ကၟာတ်လဒဵုလဝ်ရောၚ် သမ္မတအဇြာဗိုၚ် အဳဟာမ် အလဳယပ် စောဲစပ်လဝ်တုဲ နကဵုမဝ်သကိုဝ် သွက်ဂွံဒုၚ်ဝန် ဒဒှ်ရညးတံပန်ဖျေံလဝ်ဂှ် ပ္ဍဲဂိတုဒဳဇြေမ်ဗာ ၂၉ ဂှ် ဟီုလဝ်ရ။ က္ၜၚ်ကျာ AZAL Embraer 190 ဝွံ လီုစှ်ေအာလဝ် ပ္ဍဲဍုၚ်ကာဇြက်သတာန်တုဲ ပ္ဍဲကဵုမၞိဟ်မပါကၠုၚ်လ္တူက္ၜၚ်ကျာ ၆၇…
မတ်မလီု၊ ဒဳဇြေမ်ဗာ ၃၁ တၚ်လလောၚ်တြး ဒပ်ပၞာန်ရခေၚ် AA မလလောၚ်ပ္တိတ်လဝ် ဒဒှ်ရဒှ်ဒၟံၚ်ဒတုဲ သွက်သ္ဂောံသောၚ်ကလး နကဵုပရေၚ်ဍုၚ်ကွာန်၊ ဒဒှ်ရမိက်ဂွံပံၚ်တောဲကၠောန်အာ ကိုန်စဳမာန်ပရေၚ်ဓလိုက်တမ်ရိုဟ်ဍုၚ်သ္အာၚ် အပ္ဍဲဒေသတံဂှ်ဝွံ စှ်ေကဵုနတဲရောၚ် ညးခါတ်အကာဲပရေၚ်ဍုၚ်ကွာန်တံ ဟီုရ။ သၞာံတုဲကၠုၚ် ပ္ဍဲဂိတုနဝ်ဝေမ်ဗာတေံ ပၞာန်ထ္ပက်တွဵုရးရခေၚ် မစကၠုၚ်လဝ်ဂှ်ဝွံ အခိၚ်လၟုဟ် AA သီဂွံလဝ် ၁၄ ပွိုၚ်ဍုၚ် ဒၞါဲဌာန်ဂအုပ်ပၞာန်ရးပလိုတ်တံနွံ သီုကဵုဗ္ဒိုပ်ဒပ် ကေုာံ ရုၚ်အုပ်ဓုပ်တံ နွံဂှ်တုဲ…
မတ်မလီု၊ ဒဳဇြေမ်ဗာ ၃၁ ပ္ဍဲတွဵုရးဍုၚ်မန်ဂှ် အပ္ဍဲဂိတုဏံ ကံၚ်ဇြဳပၞာန် ထ္ၜးဟိုတ်နာနာသာ်တုဲ အခိၚ်ဗ္တံ ရပ်ဒက်ကၠုၚ်သၟတ်တံ ဆက်ကၠုၚ်ဒၟံၚ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲကဵုပရေၚ်ရပ်ဒက်ဂှ် ညးမကလိလောန် ဖံက်ပ္ကဝ်အမိၚ်ဒေသန္တရ၊ ညးတိတ်မ္ၚးအာကၠုၚ်အခိၚ်ဗ္တံတံသၟးဟွံက ထ္ၜးဟိုတ်ကဵုစရၚ်ကၟုဲတုဲ လုပ်စိုပ်ရပ်ဒက်ကၠုၚ် စဵုကဵုအပ္ဍဲသ္ၚိတံ နွံကၠုၚ်ရ။ အတိုၚ်သြၚ်လောန်တိုၚ်(မ်) ဂၠိုက်ဂၠါဲစၟဳတ်ဂွံဂှ်မ္ဂး ရပ်ဒက်ကၠုၚ်သာ်ဏံဂှ်ဝွံ က္တဵုဒှ်ဒၟံၚ် ပ္ဍဲတွဵုရးဍုၚ်မန် သီု ၁၀ ပွိုၚ်ဍုၚ်ဂှ်ဏောၚ်တုဲ…
ဘာအၚ်၊ ဒဳဇြေမ်ဗာ ၃၁ နကဵုတၠအဝဵုမဟာဝါဒဂကူတံ ပြဒ္ဒညာပရေၚ်ဍုၚ်ကွာန်ဂှ် ယဝ်ရသောၚ်ကလးရေၚ်တၠုၚ်ကဵု နကဵုနဲကဲပရေၚ်ဍုၚ်ကွာန် ဗွဲမတပ်တးဟွံမာန်မ္ဂး ပရေၚ်ၜိုဟ်လလမ်အပ္ဍဲဍုၚ်မဍာံဇေတ်မွဲ ဒှ်ကၠုၚ်ဟွံသေၚ်ပုဟ်ဂှ် ဥက္ကဌဗော်သွးကောန်ဂကူကရေၚ် KNU ပဒိုဝ်သဝ်ဂွါထူဝေန် ဟီုရ။ ဥက္ကဌဗော်သွးကောန်ဂကူကရေၚ် KNU ပဒိုဝ်သဝ်ဂွါထူဝေန် ဟီုလဝ်ဂလာန် တ္ၚဲကၠောံသၞာံကရေၚ် သၞာံ ၂၇၆၄ ပ္ဍဲဂိတုဒဳဇြေမ်ဗာ ၃၀ ဂှ်ရ။ ညးမအုပ်ဓုပ်ကၠုၚ်ကၟိန်ဍုၚ်ခေတ်အဆက်က်တံဂှ် ဟွံသ္ပစၟတ်သမ္တီ ကုပရေၚ်ကဆံၚ်တုပ်သၟဟ်ကောန်ဂကူတံဂှ်မွဲသာ် ဍဵုဍိုက်တုဲအုပ်ဓုပ်ကၠုၚ်၊ ဟွံမွဲကဵုဗဗွဲဓဝ်တံဂှ်တုဲ အကြာဂကူမွဲကုမွဲ၊…
ကျာ်ထဝ်၊ ဒဳဇြေမ်ဗာ ၃၁ ပ္ဍဲတွဵုရးဍုၚ်မန် ပွိုၚ်ဍုၚ်ကျာ်ထဝ် ပ္ဍဲကဵုကွာန်(အၚ်္ဂဘို) ကောန်ဒပ်ကံၚ်ဇြဳပၞာန် မမၚ်ဒၟံၚ်တိုၚ်တာဝါတံ ဒှ်ပန်ပှော်ညးသ္ကအ်တုဲ ပိတၠ ချိုတ်အာလဝ်ရောၚ် ညးမစုက်လုက်ကဵု ဒပ်ကံၚ်ဇြဳပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ဂိတုဒဳဇြေမ်ဗာ ၂၉ အခိၚ်ဇိုၚ်သဝ်တ္ၚဲ ၜိုတ် ၆ နာဍဳဂှ် ကောန်ဒပ်ကံၚ်ဇြဳပၞာန် မၚ်ဒၟံၚ်တိုၚ်တာဝါတြဴတၠ အရေဝ်ဂၠိုၚ်ဒှ်သၞတုဲ ဒှ်လဝ်ပန်ပှော်ညးသ္ကအ်ရ။ “ဍေံတံကဵုဍေံတံရ ဒှ်ပန်လဝ်။ စဒှ်ဗီုလဵုဂှ် ဟွံတီပုဟ်။…
မတ်မလီု၊ ဒဳဇြေမ်ဗာ ၂၉ အခိၚ်ကာလသၞာံဏံ ကြပ်အိုတ်ကၠုၚ်ဂှ် ဒပ်ကံၚ်ဇြဳပၞာန် မသရိုဟ်စှ်ေဆုတ်ယုတ်ကၠုၚ်ဂှ်လေဝ် အကာဲအရာပရေံစှ်ေကၠုၚ်ဒၟံၚ်တုဲ သၞာံတၟိဏံ အပ္ဍဲတွဵုရးဍုၚ်မန် ဂွံညာတ်ကေတ်အပြံၚ်အလှာဲပရေၚ်ပၞာန်တံမာန်ဂှ် ညးဂမၠိုၚ် မၚ်စၟဳဒၟံၚ်အိုတ်ရ။ အပ္ဍဲဒေသကောန်ဍုၚ်အရၚ်တံ အခိၚ်ပေါဲဗ္တိုက်သီဍုၚ်မသ္ကာတ်မြဟ်ကၠုၚ်ဂှ် ပ္ဍဲတွဵုရးဍုၚ်မန် တိဍာ်ကံၚ်ဇြဳပၞာန်အုပ်ဓလီုဇြဟတ်ခိုဟ်ဒၟံၚ်ဂှ်တှ်ေ သၞာံဂတဏံ သၠုၚ်ပ္တိုန်အာအသိၚ်ပေါဲဗ္တိုက်ဏောၚ်ဂှ် ဂကောံပၠန်ဂတးအပ္ဍဲဒေသတံ ဟီုရ။ ညးဒုၚ်တာလျိုၚ်ခရိုၚ်သဓီု ဒပ်ပၞာန်စဵုဒၞါညးဍုၚ်ကွာန် ကိုဝ်အေမေန်ထောန်ဂှ်တှ်ေ ဂွံသၠုၚ်ပ္တိုန်အသိၚ်ပရေၚ်ပၞာန်နွံဒၟံၚ်တုဲ နကဵုညးဍုၚ်ကွာန်တံ ဟွံမွဲပၟိက်မွဲသာ် လ္ပအာတရဴ၊ လ္ပမံၚ်ကရပ်ကံၚ်ဇြဳပၞာန်တံဂှ် ဟီုကဵု…
မတ်မလီု၊ ဒဳဇြေမ်ဗာ ၂၉ ဌာနက္ဍိုက်ပ်အကံက်အခေါန်ကံၚ်ဇြဳပၞာန် ဟိုတ်နူပြံၚ်လှာဲကံက်ကၠုၚ်အခေါန် လ္တူဗၞိက်ပၠောပ်၊ ဗၞိက်ပ္တိုန်တံဂှ်တုဲ ၚုဟ်ကပေါတ်ဗၞိက်တံ ထပ်သၠုၚ်တိုန်ကၠုၚ်မာန်ဂှ် တၠကမၠောန်ပရေၚ်ပိုန်ဒြပ်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ စၞးနှေန်လှာဲသြန် နူတိုက်သြန်ဗဟဵုဂှ် ပြံၚ်လှာဲကံက်အာ လ္တူဗၞိက်ပၠောပ်၊ ဗၞိက်ပ္တိတ်တံ နကဵုၚုဟ်နှေန် ပ္ဍဲဗွဝ်ဖျာတံဂှ်ဏောၚ်ဂှ် ဌာနက္ဍိုက်ပ်အကံက်အခေါန်ကံၚ်ဇြဳပၞာန် လလောၚ်တြးကၠုၚ် နကဵုစၟတ်တ္ၚဲ ဂိတုဒဳဇြေမ်ဗာ ၂၇ တေံရ။ အတိုၚ်တၚ်လလောၚ်တြး ဌာနက္ဍိုက်ပ်အကံက်အခေါန်ဂှ်မ္ဂး တၠကမၠောန်ဗၞိက်ပၠောပ်၊ ဗၞိက်ပ္တိတ်တံဂှ်ဝွံ…
ၜၚ်ကံက်၊ ဒဳဇြေမ်ဗာ ၂၉ ပ္ဍဲဍုင်သေံ နကဵုညးမဗ္ၜူအရက် ဒဳယာန်တအ်ဂမၠိုၚ် ခြာဟွံလအ် ဒဒှ်ရဒးဆေၚ်အာမုက် ကုဒုဟ်ဒဏ်မသ္ကာတ်မြဟ်တံရောၚ်ဂှ် ဝန်ဇၞော်ပရေၚ်ပလံၚ်ဗစိုပ် သူရဳယျာ ဂျောန်ယမ်ရဳယာန်ကေတ် လလောၚ်တြးလဝ်ရ။ ရန်တၟံကဵု ဂွံဖအောန်ဖျေံ ပရေၚ်ယာန်ကွဳစက်ဇီုဒး ဂွံဘဲဂမၠိုၚ်ဂှ်တုဲ သွက်ဂွံစၞောန်ပျးသၞောဝ်မတေၚ်ဂြတ်တံဂှ် အလဵုအသဳသေံ စဳဇန်ဒၟံၚ် သ္ဂောံပံၚ်တောဲရေၚ်တၠုၚ်အာကဵု ဌာနဝန်ဇၞော်ကာအပ္ဍဲဍုၚ်ရ။ ဗွဲတၟေၚ် ဗ္ၜူအရက်တုဲ ဒဳယာန်ကီု၊ ဟိုတ်နူသမာတ်ဖုၚ်တုဲ အာရီုပြးသတိပြးအာဂှ်ကီု၊ အခိၚ်ဒဳဒၟံၚ်ယာန် မတ်ဒကုဲကီု၊ ဒဳအသိၚ်မလောန်ကဵုဗၞတ်ဂှ်ကီု…
ထဝါဲ၊ ဒဳဇြေမ်ဗာ ၂၉ ဂၠံၚ်ပယျဵု မေတ္တာ−ထဳခဳ ပွိုၚ်ဍုၚ်ထဝါဲ ရးတၞၚ်သဳ ဒှ်ဂၠံၚ်သွံရာန်ဗၞိက်ပယျဵု သေံ−ဗၟာဂှ် လ္ပာ်ဒပ်ပၞာန်ကဝ်တူလေဝ် KTLA ပပ္တံနူဂိတုဒဳဇြေမ်ဗာ ၂၇ တုဲ ကၟာတ်လဒဵုကၠုၚ်အခေါၚ်အာကၠုၚ်ဂၠံၚ်ဏံ ဟွံတီကဵုတ္ၚဲကလေၚ်ပံက်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ဂၠံၚ်ဇၞော် နူဍုၚ်မေတ္တာ စဵုပယျဵုထဳခဳဂှ် ယာန်ဇၞော်၊ ယာန်ဍောတ် လ္ပတတ်ကၠောံအာကၠုၚ်ဂှ် ဌာန်ဂအုပ်ဆာခဳလာ ၝောံဒပ်သာကသဝ် ဒပ်ပၞာန်ကဝ်တူလေဝ် KTLA…
မတ်မလီု၊ ဒဳဇြေမ်ဗာ ၂၉ အခေါၚ်မန်ဂှ် အာနဲကဲတက်ကျာဟွံဂွံ၊ ဒးဗ္တိုက်ကေတ်ရောၚ်တုဲ တၠအဝဵုပၞာန်ဏံ ဗ္တိုက်သရိုဟ်မာန်မှ အခေါၚ်မန် ဍုၚ်မန်ဂွံဏောၚ် သာ်ဝွံ က္ဍိုပ်သ္ကိုပ် ဗော်ဍုၚ်မန်တၟိ ဗ္တိုက်သရိုဟ်တၠအဝဵုပၞာန် NMSP AD ဟီုရ။ က္ဍိုပ်သ္ကိုပ် NMSP AD နာဲဇဲယ ဖ္တိုက်ဖ္အောဝ်ကၠုၚ် ပ္ဍဲကဵုလိက်သဝဏ် မပလံၚ်ဗစိုပ်လဝ် သွက်တ္ၚဲသၟတ်မန် မရနုက်ကဵု ၁၃ ဝါ ပ္ဍဲဂိတုဒဳဇြေမ်ဗာ ၂၈…
sanlontai