ကျာ်မြဟ်၊ နဝ်ဝေမ်ဗာ (၁၁)
ဗဒိုပ်ဗၠာဲသၟိၚ်ကဵု ဗဒိုပ်သၞေဟ်ကၚ်ဒဒန် သၟဝ်တဲကံၚ်ဇြဳပၞာန် ပ္ဍဲကွာန်ၜါသွာၚ် မၞုံဂၠံၚ် ကျာ်မြဟ်-လှာဒကှ်တအ်ဂှ် ဂကောံဇြဟတ်ပၠန်ဂတးတအ် လုပ်ဗတိုက်လဝ်တုဲ ပေါဲဗတိုက်ၜါလ္ပာ် က္တဵုဒှ်သ္ကာတ်မြဟ်ဒၟံၚ်ရဂှ် ဂွံတီကေတ် နူညးဒေသတအ်ရ။
တ္ၚဲဏံ ဂိတုနဝ်ဝေမ်ဗာ စၟတ်တ္ၚဲ (၁၀) သ္ပတံနူ အခိၚ်နူဂယးပြဟ်တုဲ ဒပ်ပံၚ်ကောံဒပ်ပၞာန်ဗၠးၜးကောန်ဂကူကရေၚ် KNLA လုပ်စိုပ်ဗတိုက်လဝ် ပ္ဍဲသၞေဟ်ကၚ်ဒဒန်ၜါသွာကဵု ဗဒိုပ်ဗၠာဲသၟိၚ် မၞုံကွာန်ၜါသွာၚ် ပွိုၚ်ဍုၚ်ကျာ်မြဟ် ဗ္စပ်တွဵုရးဍုၚ်မန်ကဵု တွဵုရးကရေၚ်ဂှ်ရ။
ဟိုတ်နူပရေၚ်လုပ်ဗတိုက်ဏံတုဲ ပေါဲဗတိုက်ၜါလ္ပာ် က္တဵုဒှ်သ္ကာတ်မြဟ်ဒၟံၚ်တုဲ နူလ္ပာ်ကံၚ်ဇြဳပၞာန် သုၚ်စောဲက္ၜၚ်ကျာတုဲ ဗတိုက်ဒၟံၚ် အဆက်က်ရ။
“နူကဵုအခိၚ်နူဂယး ၜိုတ် (၄) နာဍဳ ပေါဲဗတိုက်ဒှ်ဒၟံၚ်ရ၊ အခိၚ်နူဂယး ၜိုတ် (၉) နာဍဳဂှ် နူကဵုလ္ပာ်ဒပ်ပၞာန် က္ၜၚ်ကျာပၞာန် မွဲဖ္ဍိုက်၊ က္ၜၚ်ကျာသၞေၚ်ဝဲ မွဲဖ္ဍိုက် ဗက်ပန်ဒၟံၚ် လ္ပာ်မ္ၚးကွာန်ရ၊ ဗက်ပန်လဝ်ကဵုက္ၜၚ်ကျာ တၟာဂလိုၚ်မံၚ်၊ ကောန်ကွာန်တအ် ဒအောပ်မံၚ်ပ္ဍဲသ္ၚိ၊ ဟွံဂံၚ်တိတ်မ္ၚးညးသ္ကအ်ရ” ဂှ် ညးဒေသမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
အကာဲအရာဇီုကပိုက်ဒးလဝ် ပ္ဍဲကဵုပေါဲဗတိုက်ဂှ်မ္ဂး ပြဟ်ဟ်ဏံ ဟွံဂွံတီကေတ်ဏီတုဲ ညးဒေသတအ်ဂှ်မ္ဂး ညံၚ်ဟွံဂွံသုၚ်စောဲ ဂၠံၚ် မုဟ်ဍုၚ်-ကျာ်မြဟ်(ၜါသွာၚ်)-လှာဒကှ်ဂှ် ကဵုလဝ်သမ္တီရ။
ပရိုၚ် – သြၚ်လောန်တိုၚ်မ်
ဗီု – CJ
sanlontai