sanlontai အဳရာန် ဆက်မိတ်ထ္ၜး မဟာဍုၚ်ဇၞော်ကမ်သၠောဝ်သၟဝ်တိ
တဳဟဳရာန်၊ နိုဝမ်ပါ ၁၂ ဂကောံမၚ်မွဲအေတ်သလာန်မေတ် အဳရာန် IRGC ဆက်မိတ်ထ္ၜးကၠုၚ်ဒၞာဲ မဟာဍုၚ်ဇၞော်ကမ်သၠောဝ်သၟဝ်တိ ညးတံရ။ ပ္ဍဲကဵုဒၞာဲဏံ ဗီုပြၚ်ဒေပ်စွံလဝ် ကမ်သၠောဝ်ထိၚ်သၞေဝ်တံ မကမ်သၠောဝ်ခရုဇ်တံ သီုကဵုသၞောတ်ပန်ဗတိတ်ကမ်သၠောဝ်တံဂှ် ဂွံဆဵုညာတ်ရ။ နူကဵုဌာန်ပရိုၚ် Tasnim News Agency ဆက်စပ်မံၚ်ကဵု IRGC တံ ပ္ဍဲနဝ်ဝမ်ပါ ၁၀ ဂှ် ထမံက်ထ္ၜးကဵုလဝ် တၞးဗီုရုပ် ပရေၚ်ပၞာန်ကျာ အဳရာန် အကြာပွိုၚ်သတ္တဟဏံရ။…
သြန်စရိတ်ပရေၚ်စဵုဒၞာဒပ်ပၞာန် သၠုၚ်တိုန်ကၠုၚ် ၜက်သၞောတ်
နေဗျဳဒဝ် ၊ နိုဝမ်ပါ ၁၂ ဟိုတ်နူထပ်သီအဝဵု မွဲအလန်ပၠန်ဂှ် ဒုၚ်လဝ်ယၟုစရိတ်ပရေၚ်စဵုဒၞာဂးတုဲ ဒပ်ပၞာန်သၠုၚ်ပတိုန် စကာသုၚ်စောဲသြန်ဗာတ်ဂျက်ဂှ်တှ်ေ ၜက်အာမံၚ်နူသၞောတ်ဗ္ၜတ်တုဲ သွက်ညးဍုၚ်ကွာန်တံ ဒးဒုၚ်ဂိမံၚ် ကွေံကွေံရောၚ်။ စနူ ၂၀၂၁ သီလဝ်အဝဵု အကြာပွိုၚ် ၅ သၞာံဏံဂှ် သြန်စကာသုၚ်စောဲလဝ်သွက်ဒပ်ပၞာန် ၜိုတ်နွံပၟိက်ပတိတ်ကေတ် ကၠုၚ်ဂှ်ကီု ဍေံတံကၠောန်ပေါဲရုဲမာဲတုဲ အခိၚ်လၟုဟ် စၠတ်ထဝ်မံက်တိုန်ကၠုၚ် အတိုၚ်ကဵုအခေါၚ်ဂှ် ဂၠံက်ကေတ်မံၚ်သြန်ဘဏ္ဍာ စရိတ်ပၞာန်တံ မဒှ်ရ။ သွက်သၞာံပရေၚ်ဘဏ္ဍာ…
အပ္ဍဲဍုၚ်မတ်မလီု ပရေၚ်ဖံက်သ္ၚိ ကၠတ်ဂၠံက်ပၠံၚ်ၜးတံ ဒှ်ဂၠိုၚ်တိုန်
မတ်မလီု၊ နိုဝမ်ပါ ၁၂ အလဵုအသဳဒပ်ပၞာန် အုပ်ဓုပ်ပကၚ်ရၚ်လဝ် ပ္ဍဲကဵုမဟာဍုၚ်ဇၞော်တွဵုရးမန် ဍုၚ်မတ်မလီုဂှ် ပရေၚ်ဖံက်သ္ၚိကၠတ်ဂၠံက်ပၠံၚ်ၜးတံ ဒှ်ဂၠိုၚ်တိုန်မံၚ်စေအ်အ်ရဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ အပ္ဍဲဍုၚ်မတ်မလီု သ္ၚိသဝ်ဝန်အစာဂဥုဲ အရာပ်ကုန်ကြုက် ဒးဖံက်ကၠတ်လဝ် နိုဝမ်ပါ ၈ ဂှ် ကပေါတ်ထဝ်သြန်တံ ၁၁၀၀ ကိုတ်ပြၚ် ဒးဘဲကမၠတ် ကၠတ်အာရ။ တုဲပၠန် အပ္ဍဲနိုဝမ်ပါ ၇ ဂှ်လေဝ် လ္တူဍုၚ်မတ်မလီု အရာပ်ဒိုၚ်ဝန်ကွေၚ်ဂှ်…
အပ္ဍဲကျာ်ထဝ် အခိၚ်ဒပ်ဗမာ ထပက်ကရောၚ်ပၞာန် ကလေၚ်သီဂွံ လွဟ်လ္ၚဵု
ကျာ်ထဝ်၊ နိုဝမ်ပါ ၁၂ အပ္ဍဲတွဵုရးမန် အခိၚ်ဒပ်ပၞာန်ဗမာ ထပက်မံၚ်ကရောၚ်ပၞာန် ပ္ဍဲကဵုပွိုၚ်ဍုၚ်ကျာ်ထဝ်ဂှ် ဗ္ဒိုပ်ပၞာန်လ္ၚဵုတံ ဒးဒုၚ်သီလဝ်တုဲဗွဲကြဴဏံ ကလေၚ်တတ် ကြတ်ဗတိုက်လဝ်တုဲ ကလေၚ်ဂွံလဝ်လွဟ်တံနွံဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ စနူဂိတုနိုဝမ်ပါ ၃ တုဲ နကဵုပရေၚ်လဝေၚ်ပၞာန်တၟေၚ် ဒပ်ပၞာန်ဗမာဇြဟတ် ၁၂၀၀ ပြၚ် ထပက်လဝ်ကရောၚ်ပၞာန် ပ္ဍဲဒၞာဲကွာန် ပွိုၚ်ဍုၚ်ကျာ်ထဝ် ဒၞာဲဂကောံဒပ်ပၠန်ဂတးတံ ဖျေံလဝ်သ္ဇိုၚ်ချဳဒရာၚ်မံၚ် မဒှ်ရ။ အခိၚ်ကရောၚ်ပၞာန် ထပက်အာလုပ်ဂှ်…
အပ္ဍဲတနၚ်သဳ သၟတ်ၜါတၠ ဍိုက်ကၠုၚ်ကွဳလိုန်ဓါတ်ဂှ် ဟိုတ်နူ ဒပ်ပၞာန်ဗမာပန်တုဲ ချိုတ်အာမွဲတၠ
တနင်္သာရီ၊ နိုဝမ်ပါ ၁၂ အပ္ဍဲရးတနၚ်သဳ ပွိုၚ်ဍုၚ်တနၚ်သဳ ကရပ်ကွာန်ဖာနဳ လ္တူသ္ကုတ်ဂၠံၚ် ဇဝဲ-တကူ သၟတ်ၜါတၠ ဍိုက်ကၠုၚ်လဝ်ကွဳလိုန်ဓါတ်ဂှ် ဟိုတ်နူဒပ်ပၞာန်ဗမာပန်တုဲ ချိုတ်အာမွဲတၠ ဒးဝပ်မွဲတၠဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ အပ္ဍဲဂိတုနိုဝမ်ပါ ၁၀ ၜိုတ်အခိၚ်ဒေါဝ်တ္ၚဲ ၁၂ နာဍဳသၟတ်ၜါတၠ ဍိုက်ကၠုၚ်ကွဳလိုန်ဓါတ် လပါ်ကွာန် လ္တူသ္ကုတ်ဂၠံၚ် ဇဝဲ-တကူဂှ် ဆဵုဂဗကဵု ဒပ်ပၞာန်ဗမာတုဲ ပဒေါအ်ဂှ်တှ်ေ ဟိုတ်နူဟွံဒေါအ် ဒဳဟရိပ်ဏာဂှ်ရ…
ပ္ဍဲအာယုက်ပေါဲရုဲမာဲကဝက် ကျအာတုဲ ပရေၚ်လီမာဲနွံမံၚ် ထရ စောဲစပ်
ဝါယှေန်တာန်၊ နိုဝမ်ပါ ၁၁ ဒဳမိုကရက်တံ ဂွံအခေါၚ်ထိၚ်အာသီုစၠတ်ထဝ်ၜါ ဗွဲကိုပ်ကၠာသွဟ်တိတ်ကၠုၚ် ပ္ဍဲအာယုက်ပေါဲရုဲမာဲကဝက်ဂှ် ဒုၚ်တဲတုဲ ပရေၚ်လီမာဲနွံမံၚ် သမ္မတအမေရိကာန် ဒဝ်နေဝ်ထရ စောဲစပ် ဟီုဂးလဝ် မုလေဝ်သက်သဳတၚ်နၚ်ဟွံမွဲရ။ ပ္ဍဲအာယုက်ပေါဲရုဲမာဲကဝက် ဗော်ရဳဗာတ်ပလေကၚ်ညးတေံ ကျအာပိုတ်တ်ဂှ် ဗွဲကိုပ်ကၠာ ထရ ဒုၚ်တဲရ။ “ပေါဲရုဲမာဲဏံ ပရေၚ်ယဵုလ္ဂူနွံမံၚ်ဏောၚ် ညးလဵုတံပတေဟ်ကီုရော။ ပေါဲရုဲမာဲ ဗီုလဵုမှာရာအာလဝ် ဟလိုၚ်ဏံမာန်ရောႜ ထရ ချူပတိုန် လ္တူမဳဒဳယာမှာဇန်ညးတုဲ ဗီုလဵုဒှ်လဝ်ပရေၚ်မှာရာဂှ်…
အပ္ဍဲပရေၚ်ၜိုဟ်လလမ် ညးဍုၚ်ကွာန်တံ ညံၚ်ဂွံပါလုပ်ကၠုၚ် အလဵုအသဳပၞာန် စန်ဒက် ဂကောံမှာဇန်တံ
နေဗျဳဒဝ် ၊ နိုဝမ်ပါ ၁၁ အပ္ဍဲကဵုအလဵုအသဳပၞာန် ထမံက်မံၚ်ရုပ်ရဴ လၟေၚ်ကမၠောန် ပရေၚ်ၜိုဟ်လလမ် ညးဍုၚ်ကွာန်တံညံၚ်ဂွံပါလုပ်ကၠုၚ် နကဵုဂကောံမှာဇန်တံဘိုၚ်ကဵုအရီုဗၚ်အိုတ်ညိဂှ် ကမ္မတဳညဳသၟဟ်ကောန်ဂကူ ပ္ညဳပ္ညပ်ထမံက်ရုပ်ရဴ ပရေၚ်ၜိုဟ်လလမ် NSPNC အလဵုအသဳပၞာန် စန်ဒက်ဟီုဂးကၠုၚ်ရ။ မူဝါဒ အလဵုအသဳပၞာန်ဖျေံလဝ်ဂှ်ဝွံ စပ်ကဵု NSPNC ကၠောန်ထမံက်မံၚ်ရုပ်ရဴ လၟေၚ်ကမၠောန်ပရေၚ်ၜိုဟ်လလမ်တံဂှ် ညံၚ်ဂွံဒှ်အရီုဗၚ် ရန်တၟံတုဲ ပ္ဍဲနေဗျဳဒဝ် နိုဝမ်ပါ ၉ ဂှ် ဆဵုဂဗလဝ်ဂကောံမှာဇန်တံရ။ အပ္ဍဲပေါဲဆဵုဂဗဏံ…
အပ္ဍဲတိဍာ် KNU ပေါဲဗတိုက်ဆက်ဒှ်မံၚ်တုဲ ညးဍုၚ်ကွာန် ၉ ကိုတ်ပြၚ် ဒးပါဲဘဲပၞာန်
ဘာအၚ်၊ နိုဝမ်ပါ ၁၁ အပ္ဍဲကဵု ဗော်သွးကောန်ဂကူကရေၚ် KNU ၇ ခရိုၚ်ဂှ်မ္ဂး ထောံသ္ၚိဌာန် ဇာတိတုဲ ညးဒးပါဲမံၚ်ဘဲပၞာန် လၟိဟ် ၉ ကိုတ် ၄ လက်ပြၚ် နွံမံၚ်ရဂှ် ကမ္မတဳညးဒးထောံသ္ၚိဌာန် ဒၞာဲဝါဲအပ္ဍဲဍုၚ် CIDKP အပ္ဍဲလိက်ဒုၚ်စဳရေၚ် လလောၚ်တြးလဝ် ဂိတုနိုဝမ်ပါ ၆ ဂှ်ရ။ အပ္ဍဲခရိုၚ် KNU ၇ ခရိုၚ်ဏံ လၟိဟ်ညးဒဴပၞာန်…
ဒပ်ပၞာန်သီဂွံ ဌာန်ပၞာန်ရးတၟေၚ် NUG မပါလုပ် သီုဖအိုတ် ၉ ဗ္ဒိုပ် လလောၚ်တြး
ကျာ်ထဝ်၊ နိုဝမ်ပါ ၁၁ အပ္ဍဲကဵုတွဵုရးမန် ပွိုၚ်ဍုၚ်ကျာ်ထဝ် အကြာပယျဵု KNU မဟာဒပ်(၁) ကဵု မဟာဒပ် (၃) ဌာန်ပၞာန်ရးတၟေၚ် NUG မပါလုပ် သီုဖအိုတ် ၉ ဗ္ဒိုပ်ဂှ် နူကဵုဒပ်ပၞာန်ဗမာသီဂွံတုဲ ပ္ဍဲနိုဝမ်ပါ ၁၀ ဂှ် လလောၚ်တြး ပတိတ်လဝ်ပရိုၚ်ရ။ အတိုၚ်ဒပ်ပၞာန်ဗမာ လလောၚ်ပတိတ်လဝ်မ္ဂး စနူကဵုနိုဝမ်ပါ ၃ တေံ တုဲ အကြာပယျဵု…
အပ္ဍဲမတ်မလီု သ္ၚိအစာဂဥုဲသဝ်ဝန် ဒးကၠတ်ဖံက်ကၠတ်ဂှ် သြန် ၁၁၁၀ ကိုတ်ပြၚ်ပါအာ
မတ်မလီု၊ နိုဝမ်ပါ ၁၁ အကြာအလဵုအသဳပၞာန် ပတေၚ်လဝ်ပရေၚ်ဂီုကၠီု လ္တူဍုၚ်မတ်မလီုဂှ် သ္ၚိအစာဂဥုဲသဝ်ဝန်မွဲတၠ ဒးကၠတ်ဖံက်ဏာတုဲ ထဝ်သြန်ဗိုတ် ကပေါတ်ရတ်တံသီုဖအိုတ် ၚုဟ်မးသြန်ကာလ ၁၁၆၀ ကိုတ်ပြၚ် ဒးဒုၚ်ကမၠတ်ဏာဂှ် ဂွံတီလဝ် နူကဵုလိက်စၟတ်သမ္တီ ဒပ်ဗၠာဲသၟိၚ်တံရ။ တုဲကၠုၚ်ဂိတုနဝ်ဝမ်ပါ ၈ ပယျာံဗ္တံ ပ္ဍဲသဳရိမျာင် အရာပ်ကုန်ကြုက် ပံက်လဝ်ဗဒမ်ဂဥုဲ နကဵုယၟု “လှိုၚ်လေန်” သ္ၚိအစာဂဥုဲသဝ်ဝန် ဒံက်တာနေလေၚ်အံၚ် ဒးဒုၚ်ကၠတ်ဖံက်ဏာ မဒှ်ရ။ အတိုၚ်ညးဒေသတံဟီုမ္ဂး…