ဖရူဇြော – နဝ်ဝေမ်ဗာ (၁၂)
ပ္ဍဲပွိုၚ်ဍုၚ်ဖရူဇြော၊ တွဵုရးကရေၚ်ဍာဲဂှ် က္ၜၚ်ကျာပၞာန်မွဲဖ္ဍိုက် ခရိုဟ်လီုစှ်ေလဝ်တုဲ သရာဲဂၟံၚ်ကျာၜါတၠ ဒးဆၚ်စှ်ေလဝ် ကဵုက္ဍိုၚ်ကျာ ဒှ်လဝ်ရဂှ် တံရိုဟ်တၚ်ဂၞၚ်ပရိုၚ် ပ္ဍဲဗလးမုက်တိတအ် ဟီုကဵုဌာန်ပရိုၚ်သြၚ်လောန်တိုၚ်မ်ရ။
တ္ၚဲဏံ ဂိတုနဝ်ဝေမ်ဗာ စၟတ်တ္ၚဲ (၁၁) အခိၚ်ဇိုၚ်သဝ်တ္ၚဲ ၜိုတ် (၅) နာဍဳဂှ် ဒှ်လဝ်တုဲ သရာဲဂၟံၚ်ကျာ ဒးဆၚ်စှ်ေလဝ်ကဵုက္ဍိုၚ်ကျာၜါတၠ ဂြိပ်ဒဴဗၠးတိတ်လဝ်ရဂှ် ဂွံတီကေတ်ရ။
အခိၚ်လၟုဟ်ဏံ သရာဲဂၟံၚ်ကျာ နူလ္ပာ်ကံၚ်ဇြဳပၞာန်ၜါတၠဂှ်မ္ဂး ဗက်ဂၠိုက်ဂၠာဲဒၟံၚ် ကဵုက္ၜၚ်ကျသၞေၚ်ဝဲတအ်ရဂှ် ဂွံတီကေတ်ရ။
မွဲကရောံကဵု ပရေၚ်ချဳဒရာၚ်ပၞာန် ၁၀၂၇ ဂှ် ဒပ်စဵုဒၞာကောန်ဂကူကရေၚ်ဍာဲ KNDF ကေုာံ ဒပ်ပံၚ်ကောံ ပါလုပ်သီုဒပ်မဟာမိတ်တအ်ဂှ် သ္ပတံနူ ဂိတုနဝ်ဝေမ်ဗာ စၟတ်တ္ၚဲ (၁၁) တ္ၚဲဏံတုဲ စချဳဒရာၚ်ဒၟံၚ် ပေါဲဗတိုက်သီဗဒိုပ် ပ္ဍဲတွဵုရးကယာ(ကရေၚ်ဍာဲ)ရ။
ဗီု – သၟာပရိုၚ်ဗလးမုက်တိ မဇ္ၛိမ
sanlontai