ပခုက္ကူ – နဝ်ဝေမ်ဗာ(၁၄)
ပ္ဍဲပွိုၚ်ဍုၚ်ပခုက္ကူ၊ ရးဒေသမဂွေ ဟိုတ်နူရေၚ်ယာဉ်ကွဳစက်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန်တုဲ သွက်ညးဍုုၚ်ကွာန် ဒးဂြိပ်ပါဲဓလေတ်ဒၟံၚ်ဘဲပၞာန် လ္ၚီပြၚ် နွံဒၟံၚ်ပၟိက် ဇွောံမစၞစ နဒဒှ်ကာတၟေၚ်ရဂှ် ညးတာလျိုၚ် ပ.အ.ဖ ပခုက္ကူမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ကောန်ဒပ်ကံၚ်ဇြဳပၞာန်ကဵု ပျူသဝ်ထဳ ဂီုကၠီုဒၟံၚ်ရေၚ်ယာဉ်ကွဳစက်ကံၚ်ဇြဳပၞာန် ကွဳစက်ပါလုပ် (၇၀) ဖ္ဍိုက်ပြၚ် ကလေၚ်စဴကၠုၚ် နူဒေသယျဝ်တအ်ဂှ် ဟိုတ်နူဒကဵုဂၟာဲပလီုပလာ် စံၚ်ပလီုဒၟံၚ်ကွာန် ပ္ဍဲမွဲဒမြိပ်ဂၠံၚ်တအ်တုဲ ဒးဂြိပ်ဒဴပါဲဓလေတ်ဒၟံၚ်ရ။
“ရေၚ်ယာဉ်ကံၚ်ဇြဳပၞာန် ပ္ဍိုက်နၚ်လဝ် ကရောံညးဍုၚ်ကွာန်ဒးဒုၚ်သ္ပဂၞန် က္လေၚ်စဴကၠုၚ် နူလ္ပာ်ယျဝ်ဂှ် ပံၚ်ကဵုပျူ လ္ပာ်ဇြဳကုမ်ကဵု ကောန်ပၞာန်တအ်တုဲ စံၚ်ပလီုလဝ် ကွာန်ချောၚ်ခွကဵု ဖလာန်အိုဝ်တုဲတှ်ေ တိုန်ကၠုၚ် လ္ပာ်ကမ္မရ။ ဖျေံလဝ်ဗဒိုပ် လ္ပာ်ကမ္မတုဲ နွံဒၟံၚ်လၟုဟ်ရ။ မၞိဟ်အာဂတရေၚ်ကွဳစက်ကဵု ကောန်ပၞာန်အာဂတတအ်ဂှ် နူတနေံတေံ ဍုန်တိုပ်စသုၚ်ဒၟံၚ် ပ္ဍဲအရာပ် မွဲအရာပ်ရ”ဂှ် ညးတာလျိုၚ်ပရေၚ်အုပ်ဓုပ်ညးဍုၚ်ကွာန် ပခုက္ကူမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
အကာဲအရာကွာန်ချောၚ်ခွကဵု ဖလာန်အိုဝ် ကံၚ်ဇြဳပၞာန်ကဵု ပျူသဝ်ထဳတအ် စံၚ်ပလီုဏာလဝ်ဂှ်မ္ဂး ဟွံဂွံတီကေတ် ချိုတ်တ်ပၠိုတ်တ်ဏီရဂှ် ဟီုထ္ၜးလဝ်ဏီရ။
အခိၚ်လၟုဟ်ဏံရေၚ်ယာဉ်ကွဳစက်ဂှ် နွံဒၟံၚ် ပ္ဍဲပွိုၚ်ဍုၚ်ပခုက္ကူဏီတုဲ ကရောၚ်ပၞာန်လေဝ်ထ္ပက်ဒၟံၚ်ဖိုဟ်ဏီဂှ်ရ ပျူသဝ်ထဳ မၚ်ဒုၚ်တၠုၚ်ရေၚ်ကွဳစက်ဂှ် နူလ္ပာ်ပလိုတ်ဍုၚ်ကမ္မ တိတ်အာလ္ပာ်ပလိုတ်ဍုၚ်ကမ္မရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
ဗီု – CJ
sanlontai