ခ္ဍၚ်ပ္တိုန်ၚုဟ်ဗၞိက်တုဲ ညးသွံတြးဒၟံၚ်တအ်ဂှ် ကေတ်အာအရေဝ်ရောၚ် သ္ကိုပ်ဗိုလ်ထောန်မျေတ်နာၚ် ကဵုသတိ

သေတ်တွေ – နဝ်ဝေမ်ဗာ (၁၄)

ကြဴနူ AA စဗတိုက်လဝ် ဗဒိုပ်ဒပ်ကံၚ်ဇြဳပၞာန် ပ္ဍဲတွဵုရးရခေၚ်တုဲ ညးခ္ဍၚ်ပ္တိုန်ၚုဟ်ဗၞိက်ဗွဝ်ဖျာသွံတြးဒၟံၚ်တအ်ဂှ် ကေတ်အာအရေဝ်ရောၚ်ဂှ် သ္ကိုပ်ဗိုလ်ထောန်မျေတ်နာၚ် ကဵုလဝ်သတိရ။

တ္ၚဲဏံ ဂိတုနဝ်ဝေမ်ဗာ စၟတ်တ္ၚဲ (၁၃) သ္ပတံနူ အခိၚ်နူဂယးတုဲ AA စလုပ်ဗတိုက်လဝ် ဗဒိုပ်ပၞာန်မၚ်ပယျဵု မေယုကာမ်၊ ဒုမ်ပိုက်ကဵု ချုၚ်ခါလဳ သ္ကုတ်ဒိုဟ်နေရတိ ပွိုၚ်ဍုၚ်ယျတေံတံၚ် ပ္ဍဲကဵုတွဵုရးရခေၚ်တအ်ဂှ်ရ။

သ္ကိုပ်ဗိုလ်ထောန်မျေတ်နာၚ်ဂှ်မ္ဂး “စဗ္တောန်ကဵုအာတန်ဗ္တောန်ဍိုဟ်ကေက်ယေန်သၞာၚ် ကုညးခ္ဍၚ်ပ္တိုန်ၚုဟ်ဗွဝ်ဖျာတအ်ဏောၚ်”ဂှ် ချူပ္တိုန်လဝ် ပ္ဍဲမုက်လိက်ဇာနှိက်ပရေၚ်မၞိဟ်ညးရ။

ကေတ်အာအရေဝ်ရောၚ် ၜိုန်ရကဵုလဝ်သမ္တီကီုလေဝ် ဗီုပြၚ်လဵု ကေတ်အာအရေဝ်ရောဂှ် ကဵုလဝ်သမ္တီ ဟၟဲဏီရ။

အခိၚ်လၟုဟ်ဏံ ဟိုတ်နူပေါဲဗတိုက်တုဲ ညးဍုၚ်ကွာန်တအ် ဒးပါဲဓလေတ်ဒၟံၚ်ဘဲပၞာန်တုဲ ကပေါတ်ဗၞိက်စၞစသုၚ်သ္ဇိုၚ်တအ်ဂှ်လေဝ် ရာန်ကေတ်ဒၟံၚ်ညးသ္ကအ်နွံရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။

သ္အာၚ်နူဂှ်ပၠန် ဟိုတ်နူပေါဲဗတိုက်တုဲ ပ္ဍဲသေတ်တွေဂှ် သ္ပတံနူကဵုတ္ၚဲဏံ အခိၚ်ဗ္တံ (၉) နာဍဳတုဲ နကဵုအမိၚ်ပရေၚ်အုပ်ဓုပ်ပၞာန် ညံၚ်ဟွံဂွံတိတ်ဂၠံၚ်ဂှ် ကံၚ်ဇြဳပၞာန် ပ္တိတ်လဝ်ပၟိၚ်ရ။

ဟိုတ်နူပေါဲဗတိုက်ဒှ်ဒၟံၚ် ပ္ဍဲပွိုၚ်ဍုၚ်ယျတေံတံၚ်ကဵု ပွိုၚ်ဍုၚ်မေန်ပျာတုဲ ဂၠံၚ်ဍာ် ဂၠံၚ်ကုန် ပ္ဍဲတွဵုရးရခေၚ်တအ်ဂှ်လေဝ် လ္ပာ်ကံၚ်ဇြဳပၞာန် ကၟာတ်လဝ်ရဂှ် ညးဒေသတအ်ဟီုလဝ်ရ။

စပ်ကဵုပေါဲဗတိုက် ပ္ဍဲတွဵုရးရခေၚ်တုဲ ၜိုန်ရသြၚ်လောန်တိုၚ်မ် ဆက်စၠောံသၟာန်လဝ်ကဵု ညးမၞုံအခေါၚ်ဟီုဂး ဒပ်ပၞာန်ရခေၚ်ခိုၚ်သုခကဵု သ္ကိုပ်ဗိုလ်ဇြဝ်မေန်ထောန်တအ်ကီုလေဝ် ဟွံဂွံလဝ် အဆက်စၠောံရ။

ပရိုၚ် – သြၚ်လောန်တိုၚ်မ်

​ဗီုံ – ဒပ်ပၞာန်ရခေၚ် (AA)