ဍာ်ဗု၊ နဝ်ဝေမ်ဗာ ၂၂
ရးတၞၚ်သဳ၊ ပွိုၚ်ဍုၚ်ဍာ်ဗု၊ ပ္ဍဲကဵုပွိုၚ်ဍုၚ်ပါ် ကလိန်အံၚ်ဂှ် ကောန်ဒပ်မွဲတၠ မဒးဒုၚ်ပကောံပလဝ်ကောန်ပၞာန် နကဵုသၞောဝ်ယိုက်ဂၠေၚ်လျိုၚ်ပၞာန် ကံၚ်ဇြဳပၞာန်ဂှ် ကေတ်အဆက်လုပ်စိုပ်ဖျေံကၠုၚ်လွဟ်ဂှ် ဂွံတီကေတ် ဇရေၚ်ဒပ်ဗၠးၜးညးဍုၚ်ကွာန်ထဝါဲ TPLF ရ။
နူကဵုတမ်ဒပ် ခလရ စၟတ် ၂၈၂ သၟဝ်ဌာန်ဂအုပ်ပရေၚ်ကောပ်ကာဲပရေၚ်ပၞာန် စၟတ် ၈ ပ္ဍဲကဵုပွိုၚ်ဍုၚ်ဍာ်ဗု ပွိုၚ်ဍုၚ်ပါ်ကလိန်အံၚ်ဂှ် ကောန်ဒပ်ကံၚ်ဇြဳပၞာန် လုပ်စိုပ်ဖျေံကၠုၚ်လွဟ် ဇရေၚ်ဒပ်စဵုဒၞါညးဍုၚ်ကွာန်တံရ။
ကောန်ဒပ်ကံၚ်ဇြဳပၞာန် လုပ်စိုပ်ဖျေံကၠုၚ်လွဟ်ဂှ်ဝွံ ဒှ်ကောန်ဒပ် သိုၚ်လေန်တုဲ သီုကဵုကေတ်နၚ် သၞာတ် MA3 မွဲဇကိုအ်၊ ဖျေဲလွဟ်မွဲ၊ မကမ် ၂၃ ဒကောၚ်တံဂှ်ရောၚ် ညးတာလျိုၚ် ဒပ်ဗၠးၜးညးဍုၚ်ကွာန်ထဝါဲ မွဲတၠ ဟီုရ။
ကုကောန်ဒပ်သိုၚ်လေန် လုပ်စိုပ်ကၠုၚ် သီုကဵုလွဟ်လက်နက်ဂမၠိုၚ်ဂှ် နူကဵုဒပ်ဗၠးၜးညးဍုၚ်ကွာန်ထဝါဲ ပ္တိုန်စရာဲကဵုလာပ် မသုန်စှော်ကိုဋ်ဒ္ကေဝ်ရောၚ် သ္ဂးရ။
ကောန်ဒပ်ကံၚ်ဇြဳပၞာန် လုပ်စိုပ်ဖျေံကၠုၚ်လွဟ်တံဂှ်ဝွံ နူဂိတုအံက်တဝ်ဗာ ၄ တုဲကၠုၚ်တေံရ ကေတ်အဆက်လုပ်စိုပ်ကၠုၚ်တုဲ ဟိုတ်နူကိစ္စစပ်ကဵုပရေၚ်ဂီုကၠီုတုဲ မ္ဒးလလလောၚ်ပ္တိတ် လဇုဲကၠုၚ်သာ်ဏံ မဒှ်ရ။
နကဵုဒပ်ဗၠးၜးညးဍုၚ်ကွာန်ထဝါဲဂှ်တှ်ေ ကောန်ဒပ်ကံၚ်ဇြဳပၞာန် ဂြိပ်တိတ်ကၠုၚ်ဖျေံလွဟ်တံဂှ် ကဵုဗၠးတိတ်နူ ပရေၚ်ဍဵုဍိုက်တံဂှ်တုဲ ဒုၚ်လဝ်ကဵုလျိုၚ်လမျီု ဗွဲမဗဗွဲကဵုစေဝ်ပၞောန် ဒ္ဂေတ်ဝတ်စပ်ကဵုပရေၚ်ပၞာန်ဂၠးတိတံဂှ်ရောၚ် ကဵုလဝ်သမ္တီရ။
တုဲကၠုၚ် ပ္ဍဲဂိတုနဝ်ဝေမ်ဗာ သတ္တာဟဒုတိယဂှ်လေဝ် နူကဵုတမ်ဒပ် ခမရ စၟတ် ၂၇၃ ဖျေံသ္ဇိုၚ်ပွိုၚ်ဍုၚ်ဍာ်ဗုကဵု နူကဵုဗ္ဒိုပ်ဒပ်ဍာ်တံဂှ် ကောန်ဒပ်ကံၚ်ဇြဳပၞာန် ၆ တၠ လုပ်စိုပ်ဖျေံကၠုၚ်လွဟ် ဇရေၚ်တမ်ဒပ်ဒဝ်ဏရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီု−TPLF