ညးဍုၚ်ကွာန်ပါဲဒဴပၞာန် ပ္ဍဲကဵုတွဵုရးဍုၚ်ကယာ (၂) ကိုတ်ပြၚ်ဂှ် နူလပါ်ကံၚ်ဇြဳပၞာန် ကုတ်ဗပိုတ်ကၠုၚ် ဇွောံမစၞစ၊ ဂဥုဲဇဗကီု သီုကဵုဗပိုတ်ပန်သာ်ကီု၊ ဒးဆေၚ်ဒၟံၚ်မုက်ကဵု ပရေၚ်ပန်ပၠုပ်လွဟ်ဇၞော် ပ္ဍဲဗ္ဒပ်ပါဲပၞာန် ဟွံလအ်ဟွံလအ်ကီု မဒှ်ရ။ ဟိုတ်ဂှ်ရ နကဵုညးပါဲဒဴပၞာန် ပ္ဍဲကဵုတွဵုရးဍုၚ်ကယာဂမၠိုၚ် အခိၚ်လၟုဟ်ဏံ ဒးဆေၚ်ဒၟံၚ်မုက်ကဵု အခက်ခုဲသာ်လဵုရော။ ပြသၞာပရေၚ်ထတ်ယိုတ် ကေုာံအကာဲအရာကလိဂွံဒၟံၚ် အထံက်ပၚ်ရီုဗၚ်ပရေၚ်မၞိဟ် နွံဒၟံၚ်ဗီုပြၚ်လဵုရော။ စပ်ကဵုအကာဲအရာဏံတုဲ သၟာန်သွဟ်လဝ် ကေုာံညးရီုဗၚ်ဒၟံၚ်ညးပါဲဒဴပၞာန်မွဲတၠရ။
-ကိုပ်ကၠာအိုတ်ဏံ နကဵဵုညးဍုၚ်ကွာန်ပါဲဒဴပၞာန် နူကဵုဗ္ဒပ်ပါဲဒဴပၞာန်ဂမၠိုၚ် ဒးဆက်ဆေၚ်ဒၟံၚ်မုက်ကဵု အကာဲအရာဗီုလဵုရော။
သွက်ညးပါဲဒဴပၞာန်တအ်ဂှ် သွာၚ်ဇွောံမရ။ ဗွဲမဂၠိုၚ်တှ်ေ ဒးဆေၚ်ဒၟံၚ်မုက်ကဵု တၚ်ခက်ခုဲရ။ မုဒှ်ရောတှ်ေ ပရေၚ်ကၟာတ်ဂၠံၚ်ဍာန်တအ်လေဝ် စၟဳစၟတ်သ္ကာတ်မြဟ် နွံကၠုၚ်ရ။ နူလပါ်စကစ ထ္ပက်ကၠုၚ်ကရောၚ်ပၞာန်လေဝ် နွံကၠုၚ်ရ။ ပ္ဍဲပရေၚ်ရာန်ကေတ်၊ သွာၚ်ရာန်ကေတ်ဂှ် ဒှ်ကၠုၚ်အခက်အခုဲ ဂၠိုၚ်ကၠုၚ်တုဲ ညးပါဲဒဴပၞာန်တအ် ဇွောံမ ဒးခက်ခုဲကၠုၚ်ရ။
ပ္ဍဲၜါဂိတု၊ ပိဂိတု တုဲကၠုၚ်တေံဂှ် ဒးတဵုလွဳကၠုၚ်သြောံရ။ အခိၚ်လေဝ် ဂတာပ်ဒၟံၚ်ဏီရ။ အခိၚ်ရတ်သီလေဝ် ဂတာပ်ဒၟံၚ်ဏီဏောၚ်ဟီုတှ်ေ ရာန်ကေတ်သြောံ နူညးပါဲဒဴပၞာန်တအ်။ တုဲပၠန် ကလေၚ်ဗုတ်ရ။ ဗုတ်တုဲမှ ကလေၚ်ပါ်ပရအ်ကဵု ညးပါဲဒဴပၞာန်တအ်ပၠန်ရ။ ဒးသောၚ်ဒၟံၚ် ဗီုပြၚ်ဏံရ။ သ္ၚုတအ်ဂှ် ဂွံပ္ဍိုက်နၚ် နူကဵုဍုၚ် ဂွံစိုပ်ဗ္ဒပ်ပါဲပၞာန်ဏံဂှ် ဍေံဟွံလောဲရ။ ပိုဲဂှ် ပရေၚ်ကၟာတ်ဂၠံၚ်ဍာန်ကီု၊ စၟဳစၟတ် သ္ကာတ်မြဟ်ကၠုၚ်ကီုဂှ်ရ ပိုဲဂွံပ္ဍိုက်နၚ်ဟွံမာန်ဂှ်ရ ဒှ်ကၠုၚ်အခက်အခုဲရ။ ယွံ။
-ကောန်ၚာ်ကဵု မၞိဟ်အာယုက်ဇၞော်ဇၞော် ပ္ဍဲဗ္ဒပ်ပါဲပၞာန်ဂှ် ဒးဆဵုဂဗဒၟံၚ်ကဵု ပြသၞာပရေၚ်ထတ်ယိုတ် ဗီုလဵုရော။
စိုပ်ကၠုၚ် အခိၚ်မုဟ်ကျာယျဟီုတှ်ေ ဇွောံမကဵုဂဥုဲဇဗတအ် ဟွံရုမ်ဂပ်ကၠုၚ်ရ။ ညးပါဲဒဴပၞာန် ပ္ဍဲဒၞာဲ လပါ်ဖလူ သ္ကုတ်ပလိုတ်ဂှ်တှ်ေ ကောန်ၚာ်ကီု၊ မၞိဟ်ဇၞော်ဇၞော်ကီု ဒးဒှ်ဒၟံၚ်ယဲဘဲရ။ ဒၞာဲဏံဂှ် ပှော်တိတ်သ္ၚောဲလောန်ရ။ ဇွောံမလေဝ် ဂွံယိုက်ဏာနၚ် ဟွံမာန်ဂှ်ရ ဂဥုဲတှ်ေ သာတုဲပရေံရ။ နူလပါ်စကစ ကၟာတ်ကၠုၚ်ဂဥုဲဂှ်ရ ဂဥုဲၜိုတ်နွံကဵုနွံ ပ္ဍဲပိုဲဂှ် ဒးသုၚ်စောဲဒၟံၚ်ရ။ ဂဥုဲ ဂိတုတ္ၚဲ ၜက်မံၚ်ဂှ်လေဝ် ပိုဲဒးကလေၚ်သုၚ်စောဲဒၟံၚ်ရ။
-မွဲပၠန်ဂှ် နူလပါ်ကံၚ်ဇြဳပၞာန် ကၟာတ်ကၠုၚ် ပရေၚ်အရီုဗၚ်ထံက်ပၚ် ပရေၚ်မၞိဟ်ကၟိန်ဍုၚ်နာနာတုဲ သွက်ညးပါဲဒဴပၞာန်တအ် ဒးဒှ်ဒၟံၚ် အခက်ခုဲၜိုတ်လဵုရော။
ဆက်စပ်ကဵု ပရေၚ်ထံက်အရံၚ် အရီုအဗၚ်ပရေၚ်မၞိဟ်တုဲ ပရေၚ်ရီုဗၚ်ဍုၚ်နာနာဂှ်လေဝ် ဂွံကၠောန်ရေၚ်တၠုၚ် စဵုကဵုစိုပ်တရဴဂှ် ဟၟဲရ။ ဂကောံ NGO,INGO တအ်လေဝ် လၟေၚ်ကမၠောန်ညးတအ် ဒးအာဒၟံၚ်သၟဝ်တၚ်စၞောန် စကစတုဲ ပ္ဍဲဨရိယျာ တၚ်ကဵုအခေါၚ်စကစဂှ်ရ ဒးအာ ချဳဒရာၚ်ကဵုဒၟံၚ်ဂှ်ရ ဒဳမအ်သိုဝ်၊ ဂကောံပါဲဒဴဒၟံၚ်ပၞာန် အကြာဂြိုပ်အကြာဒဵု ဒၞာဲနွံပၟိက်ဒၟံၚ်အဓိကဂှ် ကဵုသီုဖအိုတ်ဟွံမာန်ရ။ ဒၟာနူဂှ်ရ NGO တအ်လေဝ် ကၠောန်ဟွံစိုပ်ကၠုၚ်တရဴရ။ နူကဵုညးဍုၚ်ကွာန် စၠောံဏာကဵု ညးဍုၚ်ကွာန်မွဲကဆံၚ်ရ နွံဒၟံၚ်။ စၠောံနၚ်နူကဵု NGO တအ်ဂှ် ဟၟဲဏီရ။ ပ္ဍဲအခိၚ်လကြဴဏံတှ်ေ ကံၚ်ဇြဳပၞာန်ဂှ် ပန်ကၠုၚ် လပါ်ဗ္ဒပ်ပါဲပၞာန်ဏံ နကဵုလွဟ်ဇၞော်ဇၞော်လေဝ် ဂွံညာတ်ကေတ်ရ။ လွဟ်ဇၞော်ဂှ်တှ်ေ ပန်ဒၟံၚ်အရိုဟ်ဟ်တ္ၚဲရ။ ဗီုဏံရလေဝ်။ ပိုဲဂှ် ဒးအာအောပ်ဒၟံၚ် ပ္ဍဲဒၞာဲပရေၚ်ဂီုကၠီုနွံဂှ်ရ။ မွဲအံၚ်ဏံတှ်ေ ပေါဲဗတိုက်တအ်လေဝ် သ္ကာတ်မြဟ်ကၠုၚ်ဒၟံၚ်နွံရ။ နူကဵုလပါ်စကစဂှ် ပန်ခြောဟ်ကၠုၚ်လပါ် ဗ္ဒပ်ပါဲပၞာန်ဏံနွံဒၟံၚ်ရ။ ပရေၚ်ဇီုကပိုက်ဒးဂှ် ဟၟဲဏီရ။ နူဗ္တမ်တုဲဏံကီု ဗ္တမ်တုဲကၠုၚ်တေံကီု ပန်လဝ်နွံရ။
-ပ္ဍဲကဵုအကာဲအရာဏံ နကဵုညးပါဲဒဴပၞာန်တအ် ဗီုပြၚ်လဵုဒးမံၚ်စံၚ်ဒၟံၚ်ရော။ နကဵုအလန် လကြဴအိုတ်ဏံ စပ်ကဵုပရေၚ်ညးပါဲဒဴပၞာန်တုဲ မုမိက်ဂွံထပ်ဗပေၚ်ဏီရော ဟီုဗပေၚ်ကဵုညိ။
အရီုဗၚ် လတူနူဏံလေဝ် နွံဒၟံၚ်ပၟိက်ဏီရ။ သွာၚ်ဇွောံမ သွက်ညးဍုၚ်ကွာန် ပါဲဒဴပၞာန်တအ်ကီု တၚ်နွံပၟိက်တအ်နွံဒၟံၚ် ဗွဲမဂၠိုၚ်ဏီဏောၚ်ဂှ် မိက်ဂွံဟီုဒၟံၚ်ဏီရ။