မတ်မလီု-ဒဳဇြေန်ဗာ(၈)
ၜိုန်ရလုပ်ဒၟံၚ်ပေါဲဗတိုက် နကဵုနဲပရေၚ်ပၞာန်ကီုလေဝ် ညံၚ်ဟွံဂွံဒှ် ညးဟၟဲကဵုဓဝ်ဗ္စာ ညံၚ်ကံၚ်ဇြဳပၞာန် ဟွံတုပ်သၟဟ်ကဵုမၞိဟ်ကီု ညံၚ်ဟွံဂွံဒှ် ညးကၠောန်သ္ပပွပ္ကီုပရာပ် တိတ်ဗၠးနူဓဝ်လေဝ် ပၟိက်ဇၞော်ဒၟံၚ်ရောၚ်ဂှ် သ္ကိုပ်ဝန်ဇၞော် အလဵုအသဳပရေၚ်ညဳသၟဟ်ကောန်ဂကူ မာန်ဝေန်ခိုၚ်တာန်ဂှ် ဟီုသ္ဂးလဝ်ရ။
ပ္ဍဲဂိတုဒဳဇြေန်ဗာ တုဲကၠုၚ် စၟတ်တ္ၚဲ(၆) အခိၚ်နူဂယး ပ္ဍဲပေါဲကောံဓရီုအလဵုအသဳပရေၚ်ညဳသၟဟ်ကောန်ဂကူ မရနုက်ကဵု(၇၇)ဝါ မကၠောန်ဗဒှ်လဝ်ဂှ် ဟီုသ္ဂးကၠုၚ်လဝ်သာ်ဏံရ။
“ပိုဲဂှ် ဒှ်သၟာပၠန်ဂတး လပါ်ကောန်ဓမ္မရ။ သွက်ရိုဟ်ကၞက်ဂကောံဓဇန်ကြမ်ကြ ပ္ကီုပရာပ်လောန်ၜက် ဂွံပိုတ်သ္ကုတ်အာမာန် မဒှ်တိုၚ်ပ္ကဴပိုဲဂှ် ၜိုန်ရလုပ်ဒၟံၚ်ပေါဲဗတိုက် နကဵုနဲပရေၚ်ပၞာန်ကီုလေဝ် ပ္ဍဲအကာဲအရာလဵုဟွံဟီု ညံၚ်ဟွံဂွံဒှ် ဗီုကံၚ်ဇြဳပၞာန် ဟၟဲကဵုဓဝ်ဗ္စာကီု ညံၚ်ဟွံဂွံဒှ် ညးကၠောန်သ္ပ ပွပ္ကီုပရာပ် တိတ်ဗၠးနူဓဝ်လေဝ် ပၟိက်ဇၞော်ဒၟံၚ်ဏောၚ်” ဂှ် သ္ကိုပ်ဝန်ဇၞော် မာန်ခိုၚ်ဝေန်တာန်ဂှ် ဟီုသ္ဂးလဝ်ရ။
သ္အာၚ်နူဏံပၠန် သွက်ဂွံရေၚ်တၠုၚ်ကေတ်ဏာ ဂလာန်ပရိုၚ်သ္ကိုပ်ဝန်ဇၞော် ဇရေၚ်သ္ဂံၚ်ပၠန်ဂတးဂှ်လေဝ် ဗတိုက်ဖ္အောဝ်လဝ် ဌာနဝန်ဇၞော် ပရေၚ်စဵုဒၞာရ။
သၞာံ ၂၀၂၃ ဂှ် ဒးပ္တိတ်အာဇြဟတ် ညံၚ်ဂွံဒှ်သၞာံ ကဵုသ္ဂုတ်သွာတ် ပရေၚ်ပၠန်ဂတးကီု ညံၚ်ဂကောံဇြဟတ်မဟာမိတ်ဂမၠိုၚ်၊ ဂကောံဇြဟတ်က္ဍိုက်က္ဍိုပ် ပရေၚ်ပၠန်ဂတးဂမၠိုၚ်အိုဿီု ဂွံဒှ်တဲညဳကသုညဳ ဂွံချဳဒရာၚ်အာညဳညဳမာန်ဂှ် ဂကောံအလဵုအသဳ ပရေၚ်ညဳသၟဟ်ကောန်ဂကူဂမၠိုၚ် သွက်ဂွံပူဗိုၚ် ပ္တိတ်အာဇြဟတ်ဂှ်လေဝ် သ္ကိုပ်ဝန်ဇၞော် ဟီုသ္ဂးလဝ်ဏီရ။
ပ္ဍဲကောံဓရီု အလဵုအသဳပရေၚ်ညဳသၟဟ်ကောန်ဂကူ မရနုက်ကဵု(၇၇)ဝါဂှ် ဌာနဝန်ဇၞော် ပရေၚ်ပ္ဍဲဍုၚ် ကေုာံပရေၚ်မၞိဟ်လုပ်တိတ်ဂှ် ပတိုန်ထ္ၜးလဝ် ကိစ္စသွက်ဂွံလလောၚ်တြး ဒဒှ်ဂကောံပၞာန်ပ္ကီုပရာပ်ကီု၊ ဌာဝန်ဇၞော် ပရေၚ်ညးဗြဴ ကေုာံသၟတ်ကောန်ၚာ်ဂှ် စက်ကဵုပရေၚ်ကလိုက်ကၟဵုတုဲ ပတိုန်ထ္ၜးလဝ် သွက်ဂွံပလေဝ်ပလေတ်အာရောၚ် ဂွံတီကေတ်လဝ်ရ။
ပရိုၚ် – သြၚ်လောန်တိုၚ်(မ်)