မတ်မလီု – ဒဳဇြေန်ဗာ(၆)
သွက်ဂကောံသ္ၚိကၟိန် သရာဲသ္ဂံၚ် အာဇာနဲ သၠးလမျီုတုဲ လုပ်ကၠုၚ်လဝ်ပေါဲဗတိုက် ပ္ဍဲပရေၚ်ပၠန်ဂတး သွက်ဂွံဗတိုက်သရိုဟ် တၠအဝဵုပၞာန်တအ်ဂှ် ပ္ဍဲကာလပြံၚ်သၠာဲဗီုပြၚ်ဏံ လောန်ၜက်တုဲ ညံၚ်ဂွံက္လိဂွံ ပွဗဗွဲဓဝ် စွံအဓိကတုဲ ရေၚ်တၠုၚ်ကဵုရောၚ်ဂှ် သမ္မတယာယဳ NUG ဒူဝါလယှဳလ ဟီုသ္ဂးလဝ်ရ။
တ္ၚဲဏံ ဂိတုဒဳဇြေန်ဗာ စၟတ်တ္ၚဲ(၆) ပ္ဍဲအခိၚ်နူဂယး ပ္ဍဲကောံဓရီု ဂကောံအလဵုအသဳပရေၚ်ညဳသၟဟ်ကောန်ဂကူ မရနုက်ကဵု(၇၇) ဝါ မကၠောန်ဗဒှ်လဝ်ဂှ် ဟီုသ္ဂးလဝ် သာ်ဏံရ။
“သရာဲသ္ဂံၚ်/အာဇာနဲဂမၠိုၚ် လုပ်ကၠုၚ်လဝ်ပေါဲဗတိုက် ဂံၚ်ၚ်သ္ကာသ္ကာ ပ္ဍဲပရေၚ်ပၠန်ဂတးဂှ် သ္ပဏာရှ်ေသှ်ေ လၟိုန်ကာလကီု ပ္အပ်လမျီုခန္ဓတုဲ ညးလုပ်ကၠုၚ်လဝ်ပေါဲဗတိုက် ပ္ဍဲပရေၚ်ပၠန်ဂတးကဵု တၠအဝဵုပၞာန်ကီု သီုကဵုသွက်သ္ၚိကၟိန်အိန်ထံက်ဂြောဝ်ဂတာညးတအ် ညံၚ်ဂွံက္လိဂှ် ပွဗဗွဲဓဝ်မာန်ဂှ် ပ္ဍဲအခိၚ်ကာလပြံၚ်သၠာဲဗီုပြၚ်ဏံ လောန်ၜက်တုဲ ပိုဲသီုညးဖအိုတ် သ္ပအဓိကတုဲ ဒးရေၚ်တၠုၚ်အာဏောၚ်” ဂှ် သမ္မတယာယဳ NUG ဟီုသ္ဂးလဝ်ရ။
သ္အာၚ်နူဂှ်ပၠန် ပွမဗဗွဲဓဝ် ဆေၚ်ကဵုပရေၚ်ပြံၚ်ဗီုပြၚ် (Transitional Justice) ဂှ် ချိုတ်တ်ပၠိုတ်တ် ပိုတ်တ်သ္ကုတ်တ် ဒေါံဟွံဂွံ ဒးရေၚ်တၠုၚ်အာဏောၚ်ဂှ် ဟီုသ္ဂးလဝ်ရ။
အလဵုအသဳ NUG ဂှ် ဟိုတ်မဒှ်အလဵုအသဳ ကောန်ညးဍုၚ်ကွာန်တုဲ မူဝါဒဂၠံၚ်တရဴ မစှ်ေစးကဵုပၟိက်ဆန္ဒညးဍုၚ်ကွာန်ဂှ် ဖျေံအာ ဓမံက်အာရုပ်ရဴ ဟွံသေၚ်ရဂှ် သမ္မတယာယဳ ဟီုသ္ဂးလဝ်ရ။
ကောံဓရီု အလဵုအသဳပရေၚ်ညဳသၟဟ်ကောန်ဂကူ မရနုက်ကဵု(၇၇)ဝါဂှ် သမ္မတယာယဳ ဒူဝါလယှဳလ၊ သ္ကိုပ်ဝန်ဇၞော်ကၟိန်ဍုၚ် မာန်ဝေန်ခိုၚ်တာန်ကီု သီုကဵုဝန်ဇၞော်ကၟိန်ဍုၚ်၊ ဒုဝန်ဇၞော်ဂမၠိုၚ်တိုန်စိုပ်လဝ်ရောၚ် ဂွံတီကေတ်ရ။
ပရိုၚ် – သြၚ်လောန်တိုၚ်(မ်)