မတ်မလီု – ဒဳဇြေန်ဗာ(၁၀)
လိက်အုပ်မၞုံယၟု ပရေၚ်ပၠန်ဂတးမျာန်မနွေဥူ ကေုာံကမၠောန်ချဳဒရာၚ် ပရေၚ်ပၠန်ဂတးတအ်ဂှ် ပွမဓမံက်ပ္တိတ်ရမျှာၚ် နူပရေၚ်ဒစဵုဒစးကဵုအာဏာ သီုဟွံပ္ကီုပရာပ် မဘပဠဒၟံၚ်ပရေၚ်ဒက်ပ္တန်အဝဵု တၠအဝဵုပၞာန် စဵုကဵုအခိၚ်တ္ၚဲဏံဂှ် စတက်တြးပ္တိတ်ကၠုၚ်ရ။
Nyan Lynn Thit Analytica ပ္တိတ်တြးလဝ် လိက်အုပ်ဏံတုဲ ပွမပကောံပကေဝ်တၚ်ဂၞၚ် လ္ၚတ်လိက်စံၚ်တအ်၊ တၚ်သုတေသန ပရေၚ်သၟာန်သၟုက် ဆဵုဂဗလဝ်ဂမၠိုၚ်၊ ဓမံက်ထ္ၜးလဝ် တၚ် (၆)တၚ် မွဲကရောံကဵု တၚ်ဂၞၚ်သ္ၚဳဂၠိပ်စၟဳစၟတ် သၞာဲဒဴကၟိန်ဍုၚ် စ္ဍးတိတ်နူကမၠောန် (GS-CDMers) တအ်ရ။
ပ္ဍဲညးပါလုပ် ပ္ဍဲကဵုပရေၚ်ဒစဵုဒစးအာဏာ သီုဟွံပ္ကီုပရာပ် ပရေၚ်ပၠန်ဂတးနွေဥူဂှ် ကံက်ကေတ်လဝ်တၚ်ဂၞၚ် မၞိဟ်တြုံ (၇၂) တၟံကၠံ ကေုာံမၞိဟ်ဗြဴ (၂၈)တၟံကၠံတုဲ ချူဇန်လဝ်ရ။
ပ္ဍဲညးဟီုသွဟ်လဝ်ဂှ် နူကဵုရးမာန္တလေဝ် ကေုာံရးမဂွေဂှ် (၁၂) တၟံကၠံ မၞုံလၟိဟ်ဂၠိုၚ်အိုတ်တုဲ ရးတၞၚ်သဳ၊ ရးသေတ်ဂါၚ်ကေုာံ တွဵုရးဍုၚ်ကချေၚ်ဂှ် မၞုံ (၄)တၟံကၠံ ဟီုသွဟ်လဝ်အောန်အိုတ်ရောၚ် ဂွံတီကေတ်ရ။
ပ္ဍဲလိက်အုပ် ပရေၚ်ဓမံက်ပတိုန် ရမျှာၚ်နူကမၠောန်ဒစဵုဒစးအာဏာ သီုဟွံပ္ကီုပရာပ်ဂှ် ဒုၚ်သ္ဇိုၚ်ကဵု သွာၚ်ပရေၚ်ထတ်ယိုတ်၊ သွာၚ်ပရေၚ်ပညာ၊ ဌာနအလဵုအသဳတၞဟ်၊ ကမၠောန်တိုက်သြန်၊ အေန်ဂျေန်နဳယာ ကေုာံရမျှာၚ်ဟီုသွဟ်လဝ် နူသွာၚ် တၞဟ်သ္အာၚ်တအ်ဂှ်တုဲ ချူဇန်လဝ်ရောၚ် ဂွံတီကေတ်ရ။
လိက်စံၚ် ဍိုက်က်ပေၚ်ၚ်ဂှ် နကဵုဘာသာအေၚ်္ဂလိက်၊ ဗၟာၜါဘာသာ ဒံၚ်လံက်ဗှ်ကေတ်မာန်တုဲ ယဝ်နွံပၟိက်မိက်ဂွံဗှ်လ္ၚတ် နကဵုဘာသာဗၟာမ္ဂး ဒးလုပ်ပ္ဍဲ https://bit.ly/3F89CUj တုဲ ယဝ်နွံပၟိက်မိက်ဂွံဗှ်လ္ၚတ် နကဵုဘာသာအေၚ်္ဂလိက်မ္ဂး ဒးလုပ်ပ္ဍဲ https://bit.ly/3VyBV3G ရ။
ပရိုၚ် – သြၚ်လောန်တိုၚ်(မ်)