ထဳလေန် – ဒဳဇြေန်ဗာ(၁၇)
ရးမဂွေ ပ္ဍဲပွိုၚ်ဍုၚ်ထဳလေန်ဂှ် ဒပ်ကံၚ်ဇြဳပၞာန်ကေုာံ ဒပ်ပရေၚ်စဵုဒၞာယျဝ်တအ် က္တဵုဒှ်လဝ်ပေါဲဗတိုက်တုဲ ကောန်ဒပ်ကံၚ်ဇြဳပၞာန်ဂမၠိုၚ် ဒးချိုတ်အာလဝ်နွံတုဲ က္လိဂွံလဝ်ဘဲဝပ် ဗွဲမဂၠိုၚ်ရဂှ် YRA(ထဳလေန်) လလောၚ်တြး ပ္တိတ်လဝ်ပရိုၚ်ရ။
တုဲကၠုၚ် ဂိတုဒဳဇြေန်ဗာ စၟတ်တ္ၚဲ (၁၄) ပ္ဍဲအခိၚ်ဇိုၚ်သဝ်တ္ၚဲဂှ် ကရောၚ်ပၞာန်ပံၚ်ကောံလဝ် ဒပ်ဂဇအ်ထဳလေန်ကဵု ဒပ်ဂဇအ်ယှိုဲအံၚ်တာဂှ် ဂကောံဒပ်ပရေၚ်စဵုတအ် ကြတ်ဗတိုက်လဝ် ပ္ဍဲကရပ်ကွာန်ညံၚ်ဟံၚ်ရ။
ကြဴနူ ပရေၚ်ပန်ပှော် က္တဵုဒှ်လဝ်တုဲဂှ် ပ္ဍဲကဵုဘာလကျာ် ဇိုၚ်ကရပ်ကွာန်ဂှ် ဂွံမိၚ်ကေတ်ဒၟံၚ် ရမျှာၚ်ကညာၚ်ကရေဲ အလုံမွဲဗ္တမ်ကီု ဟိုတ်နူဒပ်ကံၚ်ဇြဳပၞာန် ဒးဂိလဝ်ကီုဂှ်ရ ကရောၚ်ပၞာန်ဂှ် ဟွံဆက်တိုန်အာဂတတေံတုဲ ကလေၚ်ဆုတ်ကလေၚ်အာရဂှ် ညးဒေသမွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
သ္အာၚ်နူဂှ်ပၠန် ကောန်ကွာန် ကရောၚ်ပၞာန် ရပ်ကော်ဏာလဝ် ပိတၠဂှ်လေဝ် ကလေၚ်ဗလးကဵုလဝ်ရဂှ် ညးဟီုလဝ်ဏီရ။
ကောန်ဒပ်ကံၚ်ဇြဳပၞာန်က္လိဂွံလဝ်ဝပ် (၁၀)တၠနွံလဝ်ရဂှ် ညးဆဵုညာတ်တအ် ဟီုသ္ဂးလဝ်တုဲ ဍေံတအ်ဂှ် ကလေၚ်လုပ်အာ ပ္ဍဲဍုၚ်ထဳလေန်ပၠန်ရဂှ် ဂွံတီကေတ်ရ။
ပ္ဍဲကဵုပေါဲဗတိုက်ဂှ် နူလ္ပာ်ဒပ်ကံၚ်ဇြဳပၞာန် ဒးချိုတ်အာလဝ် နွံမွဲတၠတုဲ ဇီုကပိုက်က္လိဂွံလဝ်ဝပ် ဟွံအောန်နူ စှ်တၠရဂှ် ဂွံတီကေတ်တုဲ လပါ်ဒပ်စဵုဒၞာတအ်ဂှ် ပရေၚ်ဇီုကပိုက်ဒးလဝ်ဟၟဲ ဆုတ်ကလေၚ် တိတ်အာမာန်ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်(မ်)