မတ်မလီု၊ ဒဳဇြေမ်ဗာ (၂၉)
အသေအဟာန် တ္ၚဲသၟတ်မန် အလန်ဨကဒဿမ ပ္ဍဲဂိတုဒဳဇြေမ်ဗာ (၂၈) ဂှ် ကၠောန်ဗဒှ်လဝ် ပ္ဍဲဒေသဝါဇြေန် ခရိုၚ်ထဝါဲ တိဍာ်ထိၚ်ဒဝ် ဗော်ဍုၚ်မန်တၟိ (NMSP) ရ။
တ္ၚဲသၟတ်မန် မစကၠောန်ဗဒှ် နူသၞာံ ၂၀၁၂ တေံဂှ် ဒၟါနူအကာဲအရာပရေၚ်ဍုၚ်ကွာန်တုဲ သၞာံဏံ ကၠောန်ဗဒှ်လဝ် ပ္ဍဲတိဍာ်ထိၚ်ဒဝ် ဗော်ဍုၚ်မန်တၟိတုဲ သ္ဂံၚ်တြုံ၊ သ္ဂံၚ်ဗြဴ လ္ပာ်ဗော်ဍုၚ်မန်တၟိ (NMSP) ကေတ်လဝ်ကဵု ပရေၚ်ဂီုကၠီုဂှ် ဂွံဆဵုကေတ်ရ။
အသေအဟာန်တ္ၚဲသၟတ်မန်ဂှ် သီုကဵုပါလုပ် ဥက္ကဌဗော်ဍုၚ်မန်တၟိ နာဲဟံသာကီု၊ ဂကောံဗွိုၚ်မှာဇန်မန်ဂမၠိုၚ်ကီု၊ သၟတ်မန်နူဒေသနာနာ ကေုာံ သၚ်မန်တံလေဝ် တိုန်စိုပ်လဝ်ရ။
ဆ္ဂး စပ်ကဵုအသေအဟာန် တ္ၚဲသၟတ်မန် သၞာံဏံဂှ်တုဲ ဗော်ဍုၚ်မန်တၟိကီု ဌာန်ကောံသၟတ်မန် (MYF) တံကီု လလောၚ်ပ္တိတ်လဝ် မွဲမွဲသာ်ဂှ် ဟွံဂွံဆဵုကေတ်ဏီရ။
သွက်ဂွံသ္ပဂါရဝ ကုက္ဍိုပ်သ္ကိုပ် မလုပ်လဝ်ပေါဲဗ္တိုက် သွက်အခေါၚ်အရာဂကူမန်၊ သွက်သ္ဂောံဒက်ပ္တန်အာ ဓဝ်ညဳသာ အကြာသၟတ်မန်တံမာန် နကဵုတၚ်ရန်တၟံသာ်ဏံတုဲ ကၠောန်ဗဒှ်ကၠုၚ်လဝ် တ္ၚဲသၟတ်မန်ဝွံရ။
ပရိုၚ်−သြၚ်လောန်တိုၚ်(မ်)