ဟဏဳ၊ ဂျာန္နဝါရဳ (၂၀)
သမ္မတဝေဒ်နာမ် Nguyen Xuan Phuc (ၚုယေန်သန်ဖု) ဝွံ ကြဴနူသၞာဲဒဴသၟဝ်တဲညးဂမၠိုၚ် ဒဒှ်ရကလိလောန်လဝ် အရာမဗၠေတ်မှာတံ ကေုာံ ပွမဖံက်ပ္ကဝ်ဥပဒေတံဂှ် ဂွံဆဵုကေတ်တုဲ နုက်တိတ်လဝ် နူကဵုကဆံၚ်ဌာနန္တရညးရ။
ပရူဒဒှ်ညးပ္တိုန်လဝ်လိက်နုက်တိတ်ဂှ် နိဿဲကေတ် ဂလာန်လဟီု ကမ္မတဳဗဟဵု ဗော်ကောန်မျူနေတ်ဂှ်တုဲ အေဂျေန်ဇြဳပရိုၚ်ဝေဒ်နာမ်တံ ထ္မံက်ထ္ၜးလဝ်ရ။
“ ဂတမုက်ညးဍုၚ်ကွာန် ကေုာံ ဗော်ဂှ် တီကေတ်တာလျိုၚ်ဝတ်ညး ဍိုက်က်ပေၚ်ၚ်တုဲ သွက်ဂွံနုက်တိတ်နူဌာနန္တရ၊ တိတ်နူကလောန်တုဲ သွက်ဂွံဒေါအ်ဇူဂှ် ပ္တိုန်လဝ်လိက်ရ” သာ်ဝွံ သ္ဂးရ။
သ္ကိုပ်ဝန်ဇၞော်တြေံ အာယုက်မၞုံ ၆၈ သၞာံဂှ်ဝွံ ယိုက်ဂၠေၚ်လဝ်တာလျိုၚ် ကဆံၚ်သမ္မတ ပွိုၚ်ၜါသၞာံရ။ ပ္ဍဲဂိတုဏံ သ္ကုတ်ပြဟ်ဟ်ဂှ် ကြဴနူပ္တိတ်ထောံ ဒုသ္ကိုပ်ဝန်ဇၞော်ၜါတၠတုဲဂှ် ဒဒှ်ရညးနုက်တိတ်ဏောၚ် အရာမခယျဒၟံၚ်တံ သၠုၚ်တိုန်ကၠုၚ်လဝ်ရ။
ဝန်ဇၞော်တၞဟ်သ္အာၚ်ၜါတၠကဵု သၞာဲဒဴၜါတၠတံဝွံ ဒဒှ်ရဒးဆေၚ်ဒၟံၚ်မုက်ကဵု တၚ်စောဲစပ် စပ်ကဵုအမှုရာဇာဝတ်တံဂှ် ဂွံတီကေတ် အတိုၚ်ဌာန်ပရိုၚ် BBC ရ။ ကောန်ဗော်ကောန်မျူနေတ်တၞဟ်သ္အာၚ် ဂၠိုၚ်ကဵုကၠံတံလေဝ် ဒးဒုၚ်ဂၠိုက်ဂၠါဲစၟဳစၟတ်ဒၟံၚ်ဂှ် သ္ဂးရ။
ဒဒှ်မပ္တိတ်ထောံ သၞာဲဒဴတံဂှ်ဝွံ သွက်ဂွံပကောံ အဝဵုအခေါၚ်ကၠောန် ညးအုပ်ကာနာနာ ၚုယေန်ဖူထရောန်ကီု၊ ဒဒှ်မပလှ်ဖျေံ သၞာဲဒဴကဆံၚ်လ္တူဂမၠိုၚ် မညာတ်ဒၟံၚ် နဒဒှ်မၞိဟ်နွံပၟိက်ကဵု ဍုၚ်ရးပလိုတ်တံ ကေုာံ မၞိဟ်နွံပၟိက်ကဵု ပရေၚ်ပိုန်ဒြပ်တံ ဒှ်မာန်ရောၚ်ဂှ် ပရိုၚ်တံ ထ္မံက်ထ္ၜးလဝ်ရ။
ထရောန်ဝွံ ပ္ဍဲကောံဓရီုဗော် သၞာံတုဲကၠုၚ်တေံဂှ် ဟွံကေၚ်ဂဗမွဲလှ်ေ နဒဒှ်အလန်တတိယ ဂွံဒုၚ်ပအပ်ကဵုလဝ်ကဆံၚ်ဌာနန္တရ ရ။ ညးဂမၠိုၚ်ဂှ် သ္ၚဳညာတ်ကေတ်ဒၟံၚ် နဒဒှ်ပရေၚ်တံၚ်ဂြဲအဝဵု နူကဵုဗော်လ္ပာ်လ္တူ မဟွံကဵုအခေါၚ် အရာမကော်ဆဴ သွက်ဂွံအုပ်ဓလီုကၠေံအဝဵုတံရောၚ် မဒှ်ရ။
ဒဒှ်မနုက်တိတ်သမ္မတဂှ်ဝွံ နွံပၟိက်ကဵု တၚ်သ္ပဒတန် ကၠတ်ထဝ်ကောန်ဂကူတုဲ အတိုၚ်ဂလာန်ဌာန်ပရိုၚ် Reuters မ္ဂး ကၠတ်ထဝ်ခၞံသၞောဝ်ဝွံ အပ္ဍဲသတ္တာဟဏံ ကၠောန်ဗဒှ်ဒၟံၚ် ကောံဓရီု လအ်ဂွံဒှ်တံ တၟေၚ်ၚ်တၟဟ်ဟ်ရောၚ်ဂှ် ဂွံတီကေတ်ရ။
ယဝ်ရကဵုအခေါၚ်သမ္မတ နုက်တိတ်အာ နူကဆံၚ်ဌာနန္တရသမ္မတမ္ဂး ညးလဵုမွဲ ကေတ်တာလျိုၚ် နဒဒှ်သမ္မတရောဟီုဂှ် ဟွံဂွံတီကေတ် ကၠးကၠးဖ္ဍးဖ္ဍးဏီရ။ ပ္ဍဲဝေဒ်နာမ်ဂှ် ဗွဲအဓိကမ္ဂး မဏ္ဍိုၚ်ပန်သာ် မတီညာတ်လဝ် ညးအုပ်ကာဗော်၊ သမ္မတ၊ သ္ကိုပ်ဝန်ဇၞော် ကေုာံ ဥက္ကဌကၠတ်ထဝ်တံ က္ဍိုက်ဒၟံၚ်က္ဍိုပ်ရ။
Ref; The Thaiger