ပံၚ်၊ ဂျူလာၚ်(၁၉)
တွဵုရးဍုၚ်မန်၊ ပွိုၚ်ဍုၚ်ပံၚ်၊ ပ္ဍဲကွာန်ဥတ္တံတာဂှ် ပ္ဍဲဂိတုဂျူလာၚ် စၟတ်တ္ၚဲ (၁၈) အခိၚ်ဒေါဝ်တ္ၚဲဂှ် မၞိဟ်တြုံဟဳပါဗက်အာဍာ်ဒဵုမွဲတၠ ဒးကၠေံဒၟံၚ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
တ္ၚဲဏံ အခိၚ်ဒေါဝ်တ္ၚဲ ၜိုတ် (၁)နာဍဳဂှ် ဗြဲတြိုပ်ဂူစှ်ေ ဇၞော်ကဵုဇြဟတ်တုဲ အခိၚ်ဇြဟတ်ဍာ်ဒဵုစှ်ေဇြဟတ် ဇၞော်ဒၟံၚ်ဂှ် ညးမၞုံယၟု ကိုဝ်ဇြဝ်လေတ် ဗက်ကပှ်ဒၟံၚ်အှ်ော ပ္ဍဲကြုၚ် ဗ္ဒာဲဘာဗဳလူမ ကွာန်ဥတ္တံတာဂှ် ဟဳပါဗက်အာဍာ်ရ။
“အခိၚ်ဍာ်ကြုၚ်စှ်ေ အှော်ဒကုတ်လတူဒဵုတအ် ပါစကၠုၚ်လေပ်ဒၟံၚ်ဂှ်ရ ညးဒေသတအ် ဗက်ဟံၚ်ကေတ် ဒၟံၚ်အှော် ဗီုဏံရ၊ လၟုဟ်ညးလေဝ် ဃောဟံၚ်ဒၟံၚ်အှော်ဂှ် ဇြဟတ်ဍာ်ဟဳထတ်ဒၟံၚ်ဂှ်ရ ဟဳပါဗက်အာ သီုမၞိဟ်ရ” ဂှ်ညးဒေသမွဲတၠ ဟီုသ္ဂးလဝ်ရ။
သွက်ဂွံကလေၚ်ဂၠာဲ ကိုဝ်ဇြဝ်လေတ် ဟဳအာဍာ်ဂှ် ညးဒေသတအ် ၜိုန်ရဗက်ဂၠာဲဒၟံၚ် အကြာကြုၚ်ကီုလေဝ် စဵုကဵုအခိၚ် (၇) နာဍဳသဝ်တ္ၚဲပြၚ်ဏံ ဂၠာဲဟွံညာတ်ဏီရဂှ် ဂွံတီကေတ်ရ။
အလုံမွဲတွဵုရးဍုၚ်မန်ဂှ် နူကဵုဂိတုဂျူလာၚ် စၟတ်တ္ၚဲ (၁၇)အခိၚ်ဗတံတုဲ ဟိုတ်နူဗြဲဇၞော်ဂူတြိုပ်စှ်ေဒၟံၚ် အဆက်ဟွံပိုတ်သ္ကုတ်တုဲ ပ္ဍဲပွိုၚ်ဍုၚ်ဗွဲမဂၠိုၚ် ဍာ်ဇၞော် ဍာ်လောန်ၜက်ဂၠံၚ်တအ် က္တဵုဒှ်ဒၟံၚ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – CJ
sanlontai