ဟိုတ်နူဗြဲဇၞော် တြိုပ်ဂူတုဲ ပ္ဍဲဒေသဟၚ်ဂါမ် ပွိုၚ်ဍုၚ်ရေဝ် ဍာ်ဇၞော်ဒၟံၚ်

ရေဝ် – ဂျူလာၚ်(၁၉)

ဗြဲဇၞော်တြိုပ်ဂူ ဟိုတ်နူဍာ်ဒဵုစှ်ေတုဲ ပ္ဍဲကွာန်ဟၚ်ဂါမ် ပွိုၚ်ဍုၚ်ရေဝ် ဍာ်ဇၞော်ဒၟံၚ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

ဟိုတ်နူဗြဲဇၞော်တြိုပ်ဂူတုဲ တ္ၚဲဏံ ဂိတုဂျူလာၚ် စၟတ်တ္ၚဲ (၁၈) အခိၚ်နူဂယး သ္ပတံနူ အခိၚ် (၃)နာဍဳတုဲ ဍာ်စလပ်ကၠုၚ် ပ္ဍဲကွာန်ဟံၚ်ဂါမ်တုဲ ပ္ဍဲအရာပ်သဝ်ဒၟံၚ်ဂှ် ဍာ်ကၟိုဟ် ဍာ်လောန်ၜက်ဂၠံၚ် က္တဵုဒှ်ဒၟံၚ်ရ။

ဟိုတ်နူဇၞော်တုဲ ညးမံၚ်ဒၟံၚ် ပ္ဍဲအရာပ်ကွာန်ဟၚ်ဂါမ် ဒၞာဲသဝ်ဒၟံၚ်လ္ၚဵုတအ်ဂှ် ဒးပြံၚ်မံၚ်ဒၟံၚ် ပ္ဍဲဒၞာဲဗၠးဘဲဍာ်တုဲ ဗွဲမဂၠိုၚ် မၚ်ရံၚ်ဒၟံၚ်အကာဲအရာရဂှ် ဂွံတီကေတ်ရ။

ဒေသဟၚ်ဂါမ်ဂှ် စိုပ်အခိၚ်ကသီုမ္ဂး ဟိုတ်နူဍာ်ဒဵုစှ်ေတုဲ ပရေၚ်ဍာ်ဇၞော် ဍာ်ကၟိုဟ် က္တဵုဒှ်ဒၟံၚ် ဇၟာပ်ပ်သၞာံရ။

တ္ၚဲဏံ အခိၚ်နူဂယးဂှ်လေဝ် ဟိုတ်နူဗြဲဇၞော်တြိုပ်ဂူစှ်ေတုဲ ပ္ဍဲဗ္ဒာဲကွာန်သၞေဟ်ဗ္ဒဝ် ပွိုၚ်ဍုၚ်မုဟ်ဍုၚ် ပ္ဍဲဂၠံၚ်ကွဳစက် မုဟ်ဍုၚ်-ဇြပ်ဗုဂှ် ဍာ်လောန်ၜက်ဂၠံၚ် က္တဵုဒှ်ဒၟံၚ်တုဲ အခိၚ်ၜိုတ်(၈)နာဍဳ နူဂယးဂှ်မ္ဂး ကွဳစက်လ္ၚဵု တတ်ကၠောံအာကၠုၚ်ဒၟံၚ်ရဂှ် ဂွံတီကေတ် နူညးအာတရဴတအ်ရ။

ပရိုၚ်-သြၚ်လောန်တိုၚ်(မ်)

ဗီုရုပ် – Banyar Aung Myat Thu, Kyaw Win