ရပ်စိုတ်လဝ်ဓာတ် ဒ္စာံပန်မတုဲ ဒးလုပ်ပေါဲဗတိုက်ဏောၚ် သမ္မတ NUG ယာယဳဟီု

မတ်မလီု – အဝ်ဂေတ်(၉)

သွက်ဂွံဗတိုက်သရိုဟ် ကုတ်ရိုဟ်ကၞက် သၞောတ်တၠအဝဵုပၞာန်မာန် ကလေၚ်ဂိုၚ်ရပ်ကေတ်စိုတ်ဓာတ် ဒ္စာံပန်မတုဲ ဒးဆက်လုပ်ပေါဲဗတိုက်ရောၚ်ဂှ် သမ္မတ NUG ယာယဳ ဒူဝါလယှဳလ ဟီုသ္ဂးလဝ်ရ။

ပ္ဍဲအခန်ကၞာ စၟတ်သမ္တီ တ္ၚဲပၠန်ဂတးဒ္စာံပန်မ ကၠောန်ဗဒှ်လဝ် ပ္ဍဲဂိတုအဝ်ဂေတ် စၟတ်တ္ၚဲ (၈) တ္ၚဲဏံဂှ် သမ္မတ NUG ယာယဳ ဟီုသ္ဂးလဝ် သာ်ဏံရ။

“သၞာံ ၁၉၈၈ ဂှ် ပၠန်ဂတးညးဍုၚ်ကွာန် ဂၠံဂဝ်တန် ၜံၚ်သၠးလဝ်တုဲ ပၠန်ဂတးက္ညၚ် စဒှ်လဝ် ပ္ဍဲသၞာံ ၂၀၂၁ ဏံ ဂှ် ပၠန်ဂတးညးဍုၚ်ကွာန်/ စိုပ်ကၠုၚ်ကဆံၚ် ဇၞော်ဂေါဝ်ကြံၚ်ဍုၚ်ရဂှ် ဟီုဂးစမာန်ရ။ ဟိုတ်ဂှ်ရ သွက်ပိုဲ ဂွံဗတိုက်သရိုဟ် ကုတ်ဗပိုတ်ရိုဟ်ကၞက် သၞောဝ်တၠအဝဵုပၞာန်ဂှ် ကလေၚ်ယိုက်ကေတ်နၚ် စိုတ်ဓာတ်ဒ္စာံပန်မတုဲ ဒးဆက်လုပ်အာပေါဲဗတိုက်ဏောၚ်” ဂှ် သမ္မတယာယဳ ဒူဝါလယှဳလ ဟီုလဝ်ရ။

သ္အာၚ်နူဂှ်ပၠန် ဝိဉာဏ်ပၠန်ဂတးဒ္စာံပန်မဂှ် စွံၚုဟ်မး ပၠုပ်စွံဂၠံစိုတ်တုဲ ဒဵုကဵုကၟိန်ဍုၚ်ဖေတ်ဒရေဝ် ဒဳမဝ်ကရေဇြဳအနာဂတ်တေံ မံက်တိုန်ကၠုၚ် သွက်ဂွံဆက်ဇက်ဂၠောဲတိုန်အာဂှ်လေဝ် ဗတိုက်ဖ္အောဝ်လဝ် ညးလုပ်ဂကောံအလဵုအသဳတအ်ဏီရ။

ညးလုပ်ကၠုၚ်လဝ်ပေါဲဗတိုက် သွက်ဒဳမဝ်ကရေဇြဳ ခေတ်အဆက်က် နွံဗွဲမဂၠိုၚ်တုဲ ပ္ဍဲကဵုဂှ် လ္ၚဵုတအ် ဒးသၠးပူဇဴလဝ် လမျီုခန္ဓ ပါလုပ်ဒၟံၚ်တုဲ လ္ၚဵုဂှ် ဒးပ္အပ်ဘဝညးတအ်တုဲ ညးသၠးထောံလဝ် ဂြောဝ်ဂတာ၊ ကဆံၚ်ဌာနန္တရ ပိုန်ဟာန်ဒြပ်ရတ်တအ်လေဝ် နွံဒၟံၚ်ရဂှ် ဟီုသ္ဂးလဝ်ရ။

ထံက်ရံၚ်ကဵုမုက် ညးရုန်ဂစာန်ပ္တိတ်လဝ်ဇြဟတ် သွက်ဒဳမဝ်ကရေဇြဳဗီုဏံတုဲ ပ္ဍဲပရေၚ်ဗတိုက်သရိုဟ် ကုတ်ဗပိုတ် ရိုဟ်ကၞက်သၞောတ်တၠအဝဵုပၞာန်ဂှ် ဟွံဖံက်ပၠန်တုဲ ဒးဆက်တိုန်အာဂတတေံ နကဵုသစ္စာခိုၚ်ဗိုန်ရောၚ်ဂှ် သမ္မတယာယဳ ဗတိုက်ဖ္အောဝ်လဝ်ရ။

“ဆာပ်ပရေရော်ဂုဏ် ညးသၠးပူဇဴဏာလမျီု ပ္ဍဲပၠန်ဂတးညးဍုၚ်ကွာန် ပရေၚ်ဒဳမဝ်ကရေဇြဳ ခိုဟ်အိုတ်ဟီုဂှ် ဒှ်ကၠောန်သ္ပ ညံၚ်ပၠန်ဂတးက္ညၚ် ဂွံအာစိုပ်ဒတုဲ သီုဖအိုတ် ဂွံအံၚ်ဇၞးရဏောၚ်ကဵု ဒဵုကဵုက္လိဂွံပေါဲအံၚ်ဇၞးပၠန်ဂတးက္ညၚ်ပေၚ်ၚ်ဟေၚ် ဂွံဒှ်ဆာပ်ပရေရော်ဂုဏ် ညးဍုၚ်ကွာန်တအ်ရောၚ်” ဂှ် သမ္မတ NUG ယာယဳ ဟီုသ္ဂးလဝ်ရ။

ပ္ဍဲအခန်ကၞာတ္ၚဲပၠန်ဂတးဒ္စာံပန်မ ကၠောန်ဗဒှ်လဝ်တ္ၚဲဏံဂှ် ဗှ်ဗၞုဟ်ဂွံသတိ ညးအပ်ပြာပ်သၠးလဝ်လမျီု ခန္ဓ သွက်ညးဍုၚ်ကွာန် ပ္ဍဲပၠန်ဂတးသီုဖအိုတ်တုဲ သ္ပဏာရှ်ေသှ်ေ ဇြိုဟ်ဟ်နက်က်ရဂှ် ဟီုသ္ဂးလဝ်ရ။

ပရိုၚ် – သြၚ်လောန်တိုၚ်(မ်)

ဗီုရုပ် – NUG