ဖျူ – အဝ်ဂေတ်(၁၂)
ယိုဝ်မ (၁) ဒပ်လ္ပာ်(၃) ကရောၚ်ပၞာန်အာဠာဝကကဵု (ပ.က.ဖ) ပွိုၚ်ဍုၚ်ဖျူတအ် လုပ်စိုပ်ဗတိုက်လဝ် ဗဒိုပ်ဗၠာဲသၟိၚ် ညံၚ်ပေန်တာ ပွိုၚ်ဍုၚ်ဖျူ ရးဒေသဗဂေါတုဲ ကောန်ဒပ်ဗၠာဲသၟိၚ်ကံၚ်ဇြဳပၞာန် (၂)တၠ ဒးချိုတ်လဝ်လွာဲဂှ်တုဲ ဒးလဝ်ဘဲဝပ် (၄)တၠရဂှ် NUG လလောၚ်တြးလဝ် ပရိုၚ်ရ။
အာစိုပ်ဗတိုက်လဝ် ပ္ဍဲဂိတုအဝ်ဂေတ် စၟတ်တ္ၚဲ (၉) တုဲကၠုၚ်တေံ အခိၚ်ဒေါဝ်တ္ၚဲတုဲ လ္ပာ်ဒပ်ပံၚ်ကောံ ဒပ်စဵုဒၞာညးဍုၚ်ကွာန်တအ် ဇီုကပိုက်ဒးလဝ်ဟၟဲတုဲ ဆုတ်က္လေၚ်တိတ်မာန်လဝ်ရဂှ် ဓမံက်လဝ် ပ္ဍဲတၚ်လလောၚ်တြးရ။
ပ္ဍဲရးဒေသဗဂေါ ဒပ်စဵုဒၞာဒေသတအ်ဗတိုက်ဒၟံၚ် ကောန်ဒပ်ကံၚ်ဇြဳပၞာန်တအ်ကဵု ပျူသဝ်ထဳ ညးကဵုပရိုၚ်ကံၚ်ဇြဳပၞာန်တအ် ခြာဟွံလအ်ဟွံလအ် ကၠောန်သ္ပရေၚ်တၠုၚ်ဒၟံၚ်ရ။
နကဵုညးဍုၚ်ကွာန်တအ် ညံၚ်ဟွံဂွံမံၚ် ဗ္ဒာဲကောန်ဒပ်ကံၚ်ဇြဳပၞာန် ညံၚ်ဟွံဂွံပံၚ်တောဲကၠောန်ရေၚ်တၠုၚ်ကဵု ကံၚ်ဇြဳပၞာန်ဂှ် PDF ဗဂေါလေဝ် ကဵုလဝ်သမ္တီရ။
ပရိုၚ် – သြၚလောန်တိုၚ်(မ်)
ဗီုရုပ် – MOD
sanlontai