ပ္ဍဲတ္ကအ်ကိုဝ်ရဳယျာ ကြဴနူလဗိုတ်ကျာဒေသသ္ကုတ်ဂမ္တဴ က္တဵုဒှ်တုဲဂှ် သွက်ဂွံရပ်စပ် အရာမ္ဒးလီုလာ်အာပ္ဍဲကဵုဍာ်ဇၞော်ဍာ်ကလိုပ်တံဂှ် အလဵုအသဳကိုဝ်ရဳယျာသၠုၚ်ကျာ ကဵု သၟဝ်ကျာတံ ဒးရုန်ဂ္စါန်ဒၟံၚ်အိုတ်

သဵု(လ်) ၊ အဝ်ဂါတ် (၁၃)

ဟိုတ်နူလဗိုတ်ကျာဒေသသ္ကုတ်ဂမ္တဴ ခါနန် မပိုက်ဒၟံၚ် ပ္ဍဲကဵုတ္ကအ်ကိုဝ်ရဳယျာဂှ်တုဲ ပ္ဍဲကဵုကိုဝ်ရဳယျာသၠုၚ်ကျာကဵု သၟဝ်ကျာတံဂှ် ဗြဲရိုပ်ဂူ ဆက်က္တဵုဒှ်ဒၟံၚ်တုဲ နကဵုအလဵုအသဳပျုၚ်ယာန် ဟိုတ်နူဍာ်ဇၞော်ဍာ်ကလိုပ်ဂှ်တုဲ လလောၚ်တြးလဝ် အရာမလီုလာ်ဂမၠိုၚ် နဒဒှ်တၚ်ကဵုသတိရ။

လဗိုတ်ကျာဏံဝွံ ကြဴနူလုပ်စိုပ်တတ်ကၠောံအာ ကိုဝ်ရဳယျာသၟဝ်ကျာတုဲဂှ် ပြံၚ်လှာဲအာ နဒဒှ်လဗိုတ်ကျာဒေသသ္ကုတ်ဂမ္တဴသွတ်မွဲရ။ စပ်ကဵုလဗိုတ်ကျာဂှ်တုဲ ဒပ်ပၞာန်ကိုဝ်ရဳယျာသၟဝ်ကျာကဵု ဗော်ဂွံအဝဵုတံလေဝ် သဳကၠဳလဝ် ပရေၚ်ဖဵုအဆက်လက္ကရဴ မက္တဵုဒှ်နူလဗိုတ်ကျာတံနွံဂှ် ဂွံတီကေတ်ရ။

ဟိုတ်နူလဗိုတ်ကျာတုဲ ပ္ဍဲဍုၚ်ကိုဝ်ရဳယျာသၠုၚ်ကျာဂှ်လေဝ် ပ္ဍဲကဵုဒၞါဲလ္ၚဵုတံဂှ် ဗြဲဂူလဝ် နကဵုဗ္ၜတ်ဍာ်ဗြဲသၠုၚ်အိုတ် ၄၀၀ မဳလဳမဳတာတုဲ ပ္ဍဲကဵုကွာန်၊ ဘာ ကေုာံ ဂၠံၚ်တံဂှ် ဍာ်ကၠောံအာလဝ်ရ။ အပံၚ်မၞိဟ်ဗ္ဒါဲ ၁၆၀၀၀ ဒးဂြိပ်ဒဴပါဲဒလေတ်လဝ်ဒၞါဲဗၠးဘဲတံတုဲ လၟေၚ်တရဴကျာ ၄၅၀ ပြၚ်ကဵု လၟေၚ်တရဴကွဳပၟတ် ၄၅၀ ပြၚ်ဂှ်လေဝ် ဒးရုပ်သီလဝ်ရ။

သ္အာၚ်နူဂှ်ပၠန် ပရေၚ်ချဳဒရာၚ်ကောံကလောံ ညးသၟတ်အပံၚ် ၃၇၀၀၀ ပြၚ်ပါ မကၠောန်ဗဒှ်အာ ပ္ဍဲကိုဝ်ရဳယျာသၠုၚ်ကျာဂှ်လေဝ် ဒးပဆုဲလဝ်ဂှ် ဂွံတီကေတ်ရ။

ညံၚ်ရဴအလဵုအသဳကိုဝ်ရဳယျာသၟဝ်ကျာတံ သဳကၠဳလဝ် အန္တရာယ်ဘဲရာသဳဥတုတံဂှ်ကီု နကဵုသမ္မတကိုဝ်ရဳယျာသၠုၚ်ကျာဂှ်လေဝ် ဟိုတ်နူလဗိုတ်ကျာတုဲ မၞိဟ်မ္ဒးဇီုကပိုက်လဝ်တံဂှ် ဗွဲမပြဟ် ညံၚ်ဂွံထံက်ပၚ်ကဵု ရုမ်မ်ဂပ်ပ်ဂှ်ကီု၊ သွက်ညးဆုဲပြံၚ်မံၚ် ဒၞါဲဗၠးဘဲတံ အရာဟွံပြေပြံၚ်တံ ဂွံအောန်စှ်ေအာ သွက်ဂွံစဳဇန်ရေၚ်တၠုၚ်ကဵုဂှ် ကၠောန်လဝ်ပေါဲသဳကၠဳတံရ။

ပ္ဍဲကဵုဍုၚ်ကိုဝ်ရဳယျာသၟဝ်ကျာဂှ် ဟိုတ်နူစမြိုၚ်သ္ဇိုၚ်ဟွံခိုၚ် ကေုာံ ဟိုတ်နူဂြိုပ်ဆုလီုလာ်အိုတ်တံတုဲ အန္တရာယ်ဍာ်ဇၞော်ဍာ်ကလိုပ်တံဂှ် သာပရေံဒၟံၚ်တုဲ ဒုၚ်အာဘဲဒဏ်လဗိုတ်ကျာတံ တန်န်ကြန်န်ခိုၚ်ၚ်ကၠိုက်က်တုဲ သြောံသ္ၚုမလီုလာ်အာတံဂှ် သွက်ဂွံရတ်သီမာန်ဂှ်လေဝ် ဒးဂ္စါန်ဒၟံၚ်အိုတ်ရ။

ညးတာလျိုၚ် ကိုဝ်ရဳယျာသၟဝ်ကျာတံဝွံ မွဲဒမြိပ်အခိၚ် သွက်ဂွံထ္မံက်ရုပ်ရဴ သၞောတ်ခၠေဝ်ပလန်ကာတၟေၚ် ဘဲအန္တရာယ်သဘာဝတံဂှ်ကဵု သွက်ဂွံဆုဲပြံၚ် ဒၞါဲဗၠးဘဲ သွက်ဂွံဖျေံကဵုအစဳဇန်တံမာန်ဂှ်လေဝ် ညးတာလျိုၚ်တံ ကဵုလဝ်အမိၚ်ရောၚ် ညးတာလျိုၚ် ဗော်ဂွံအဝဵုမွဲတၠ ဟီုဂးလဝ်ရ။

Source: Reuters/ga