ကျောက်ဂျဳ၊ အဝ်ဂေတ်(၁၇)
ပ္ဍဲပွိုၚ်ဍုၚ်ကျောက်ဂျဳ၊ ရးဒေသဇၞော်ဗဂေါ ပဋိပက္ခပရေၚ်ပၞာန်သ္ကာတ်မြဟ်ဒၟံၚ်ဂှ် ပ္ဍဲပွိုၚ် ၁၀၀ တ္ၚဲ ဒပ်ကံၚ်ဇြဳပၞာန် ဗတိုက်လဝ်ကဵုက္ၜၚ်ကျာ ဗၞတ် (၃၃) ဝါ ကေုာံ ပန်ဖျေံလဝ်လွဟ်ဇၞော် (၄၀၀)ဝါ ကၠောန်သ္ပလဝ်ရဂှ် ကဝ်မတဳရီုဗၚ်ဟံၚ်ပြာ်ကာတၟေၚ်ကရေၚ် လလောၚ်တြးလဝ်ရ။
ဒပ်ကံၚ်ဇြဳပၞာန် ထ္ပက်လုပ်ကၠုၚ်ကရောၚ်ပၞာန် ပ္ဍဲပွိုၚ်ဍုၚ်ကျောက်ဂျဳ KNU ဂှ် နူကဵုဂိတုမေ စၟတ်တ္ၚဲ (၁) တုဲကၠုၚ်တေံ စဵုကဵုဂိတုအဝ်ဂေတ် စၟတ်တ္ၚဲ (၁၅) ပ္ဍဲပွိုၚ် (၁၀၀)တ္ၚဲပြၚ်ဏံ က္လိလောန်လဝ် ပရေၚ်ဗတိုက်ပန်ကဵုက္ၜၚ်ကျာ ကေုာံ ပန်ဖျေံလွဟ်ဇၞော် ပ္တဝ်လဝ်ကဵု ကောန်အရာပ်ညးဍုၚ်ကွာန်တအ်ရ။
ဟိုတ်နူကံၚ်ဇြဳပၞာန် ဗတိုက်ပန်ပှော်လဝ် မၞိဟ် (၆)တၠ ပါလုပ်သီုကွးဘာတြုံ၊ ဗြဴ (၄) တၠ ဒးချိုတ်လဝ်တုဲ ကောန်အရာပ်ညးဍုၚ်ကွာန် ဒးလဝ်ဘဲဝပ်သ္ကာတ်မြဟ် (၁၃)တၠနွံတုဲ သ္ၚိဒၟံၚ် (၂၀)မ ဇီုကပိုက်လီုလာ်အာလဝ်ရ။
သ္အာၚ်နူဂှ်ပၠန် ကံၚ်ဇြဳပၞာန် ရပ်ဖျေံလဝ်ထံၚ် ညးဍုၚ်ကွာန် (၁၈)တၠ၊ ပျဲပျာံပြိုက်ဂစိုတ်လဝ် (၂) တၠ၊ စံၚ်ဂစိုတ်လဝ်ဂျိုၚ်ၚ် (၃) မ္ၚးနူဂှ် သ္ၚိဒၟံၚ်ဗ္ဒာဲ (၂၀) မ စံၚ်ပလီုလဝ်ရဂှ် ဓမံက်လဝ် ပ္ဍဲတၚ်လလောၚ်တြးရ။
ပ္ဍဲကဵုပေါဲဗတိုက်ဂမၠိုၚ်တအ်ဂှ် ဟိုတ်နူဒပ်ကံၚ်ဇြဳပၞာန် ပန်ပှော်ဗတိုက်ဒၟံၚ် ကဵုက္ၜၚ်ကျာ သီုလွဟ်ဇၞော်တုဲ ညးဒေသနူကွာန် (၁၀) ကွာန် ပါလုပ်သီုကွာန်အေန်ပရိ၊ ကျောက်ကုမ်၊ ယျေတွောန်ကုမ်၊ ကာန်ကလေဝ်၊ ပေါက်ကုမ်၊ နွာယျေချောၚ် ညးဍုၚ်ကွာန် (၈၀၀၀) ပြၚ် ထောံသ္ၚိဌာန်တုဲ ဒးဂြိပ်ဒဴပါဲဓလေတ်ဒၟံၚ်ရ။
ဟိုတ်နူဘဲဒဏ်သဘာဝလေဝ် ညးဍုၚ်ကွာန် နူကွာန် (၈)ကွာန် (၂၀၀၀)တၠပြၚ်တအ်ဂှ် ဒးဒုၚ်လဝ်ဘဲဒဏ်ဍာ်တုဲ ဟိုတ်နူအခက်ခုဲ ပရေၚ်အာကၠုၚ်ကီု၊ ၚုဟ်ဗၞိက်ဗွဝ်ဖျာ က္ဍၚ်တိုန်ကၠုၚ်ဒၟံၚ်ကီု၊ ဟိုတ်နူကမၠောန်ကၟိတ်ဟၟဲတုဲ ဒးဆဵုဒၟံၚ်အခက်ခုဲ ပရေၚ်စသုၚ်မံၚ်စံၚ်တုဲ ဟိုတ်နူယဲဇွဟ်အိက်ဂစေံ၊ ယဲဇွဟ်ရာသဳတအ် က္တဵုဒှ်နွံဒၟံၚ်တုဲ တၚ်နွံပၟိက်ဂဥုဲဇဗ နဒဒှ်ကာတၟေၚ်လေဝ် နွံဒၟံၚ်ရဂှ် ဟီုသ္ဂးလဝ်ရ။
သွက်အခက်ခုဲ ပရေၚ်ထတ်ယိုတ်၊ ပရေၚ်ပညာ ကေုာံ ပရေၚ်မံၚ်စံၚ်စသုၚ် ညးဍုၚ်ကွာန်ဒးဆေၚ်ဒၟံၚ်မုက်ကဵု ဘဲဒဏ်ပၞာန်၊ ဘဲဒဏ်သဘာဝတအ်ဂှ် ဒဒှ်ရနွံဒၟံၚ်ပၟိက် အရီုဗၚ်ဏီဖိုဟ်ရဂှ် ကဝ်မတဳရီုဗၚ်ဟံၚ်ပြာ်ကာတၟေၚ်ကရေၚ် ကဵုလဝ်သမ္တီရ။
မ္ၚးနူဒပ်ကံၚ်ဇြဳပၞာန် က္လိလောန်ဒၟံၚ် ဒုဟ်ရာဇဝတ်ပၞာန် ပ္တဝ်လဝ်လ္တူကောန်အရာပ်ညးဍုၚ်ကွာန်တအ်တုဲ သွက်ပရေၚ်ဖံက်ပ္ကဝ်အခေါၚ်အရာမၞိဟ်တအ်ဂှ် ဂကောံ၊ ပူဂဵု မၞုံပ္ဍဲဍုၚ်၊ မ္ၚးဍုၚ်တအ် နူသွာၚ်နာနာ သုၚ်စောဲနဲကဲစုၚ်တုဲ ညံၚ်ဂွံကဵုအာဇြဟတ်ဓရိုဟ်ဂှ် ဗတိုက်ဖ္အောဝ်လဝ်ရ။
သတင်း – သံလွင်တိုင်းမ်
ဓာတ်ပုံ – KNU
sanlontai