က္ဍိုပ်သ္ကိုပ်ဒပ်ရာမညနာဲဆာန် ဒးဒုၚ်ကၠတ်ဂစိုတ်လဝ်

ဍာ်ဗု၊ သေပ်တေမ်ဗာ(၂၆)

က္ဍိုပ်သ္ကိုပ်ဒပ်ရပ်လွဟ်မန်ရာမည နာဲဆာန်ဂှ် တ္ၚဲဏံ ဂိတုသေပ်တေမ်ဗာ စၟတ်တ္ၚဲ (၂၄) ပ္ဍဲအခိၚ်နူဂယး ၜိုတ်၉ နာဍဳ ဒးဒုၚ်ပန်လဝ်ကဵုလွဟ်တုဲ ဒးချိုတ်လဝ်ရဂှ် ညးဒေသတအ် ဟီုလဝ်ရ။

နာဲဆာန်ဂှ် နူကဵုကွာန်ဌာန်ဇၞူ ပွိုၚ်ဍုၚ်ဍာ်ဗု ဃောက္လေၚ်စဴကၠုၚ် လ္ပာ်ကွာန်မြဟ်ဆာဲ ကဵုကွဳလိုန်ဓာတ်ဂှ် သၟာကွဳလိုန်ဓာတ် ဟွံတီယၟုတအ် ကၠတ်ဂစိုတ်လဝ်ရ။

အခိၚ်လၟုဟ်ဏံ ဇွနာဲဆာန်ဂှ် ဒဒှ်ရတိုပ်လဝ် ပ္ဍဲသုဿာန် ကွာန်တၟိ ညးဒေသမွဲတၠဂှ် ဟီုလဝ်ရ။

စပ်ကဵုနာဲဆာန်ဒးချိုတ်လဝ်တုဲ နူကဵုဂကောံလဵု ညးလဵု ဂစိုတ်လဝ်ရောဂှ် နကဵုသြၚ်လောန်တိုၚ်(မ်) ဃောဆက်လ္ၚတ်ဂၠိုက်ဂၠာဲဒၟံၚ်ဖိုဟ်ရ။

ပ္ဍဲဂိတုမေ စၟတ်တ္ၚဲ (၃၁)တုဲကၠုၚ်တေံလေဝ် ပ္ဍဲဗ္ဒာဲကွာန်မာန်အံၚ်၊ ပွိုၚ်ဍုၚ်ရေဝ်သၠုၚ်ကျာဂှ် ဒဒှ်ရဒးဒုၚ်ကၠတ်ပန်လဝ်ဂှ် နာဲဆာန် ကေၚ်လလောၚ်တြးလဝ် ပ္ဍဲဇာနှိက်ပရေၚ်မၞိဟ်ညးရ။

ဒပ်ရာမည နာဲဆာန်က္ဍိုက်လဝ်က္ဍိုပ်ဂှ် နုက်တိတ်လဝ် နူကဵုပၞာန်ညးဍုၚ်ကွာန် ကဆံၚ်ကွာန်တုဲ ဒက်ပ္တန်လဝ် နဒဒှ်ဒပ်ရာမည ဒပ်ချဳဒရာဒရာၚ်ဒၟံၚ် ပ္ဍဲရးဒေသတၞၚ်သြဳ အကြာဗွိုၚ် ဍုၚ်ဍာ်ဗုမွဲဒပ်လေဝ် ဒှ်ရ။

ပရိုၚ် – သြၚ်လောန်တိုၚ်(မ်)

Photo – Social Media