ကျာ်မြဟ်၊ သေပ်တေမ်ဗာ(၂၉)
တွဵုရးဍုၚ်မန်၊ ပွိုၚ်ဍုၚ်ကျာ်မြဟ်၊ ပ္ဍဲကွာန်ကၞာလဵုဂှ် သီုပေါဲဗတိုက်ဟၟဲမွဲသာ် ဟိုတ်နူလွဟ်ဇၞော်စှ်ေ ပါ်ခတိုဟ်လဝ်တုဲ ပါလုပ်သီုကောန်ၚာ်မွဲတၠ ကောန်အရာပ် (၆)တၠ ဇီုကပိုက်ဒးလဝ်ဘဲဝပ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပ္ဍဲကွာန်ကၞာလဵု ကောန်ဂကူမန်ဗွဲမဂၠိုၚ် မံၚ်တန်တဴဒၟံၚ်ဂှ် ပ္ဍဲဂိတုသေပ်တေမ်ဗာ စၟတ်တ္ၚဲ (၂၇) အခိၚ်ဇိုၚ်သဝ်တ္ၚဲ ၜိုတ် (၁၀) နာဍဳ လွဟ်ဇၞော် (၂) မ ဒတုံံစှ်ေ ပါ်ခတိုဟ်လဝ်ရ။
ဟိုတ်နူလွဟ်ဇၞော် ဒတုံစှ်ေပါ်ခတိုဟ်လဝ်တုဲ ပါလုပ်သီုကောန်ၚာ် အာယုက် (၉)သၞာံ မောၚ်မေန်ကိုဝ် ကောန်အရာပ် (၆)တၠတအ်ဂှ် ဒးကဝေက်လွဟ်ဇၞော်တုဲ ဂွံလဝ်ဘဲဝပ်ညးသ္ကအ်ရ။
ပ္ဍဲကဵုပရေၚ်ပရောဏံ ကောန်ၚာ်သၟတ် ဂွံလဝ်ဘဲဝပ်သ္ကာတ်မြဟ်ဂှ်မ္ဂး နူကဵုရုၚ်ဂဥုဲညးဍုၚ်ကွာန် ကျာ်မြဟ် ပလံၚ်ဗစိုပ်လဝ် ရုၚ်ဂဥုဲညးဍုၚ်ကွာန် မတ်မလီုတုဲ လွဳလွတ်ကဵုဒၟံၚ်ရဂှ် ဂွံတီကေတ်ရ။
ဟိုတ်နူလွဟ်ဇၞော်ဒတုံစှ်ေပါ်ခတိုဟ်လဝ်တုဲ သ္ၚိဒၟံၚ် (၂)မ ဒးခရိုဟ်လီုစှ်ေလဝ်တုဲ သ္ၚိဒၟံၚ် (၈) မ သီုကဵုကွဳစက် မွဲဖ္ဍိုက်လေဝ် ဒးလဝ်ကဝေက်လွဟ်ဇၞော်တုဲ ဒးလီုလာ်လဝ် နွံရ။
ပရေၚ်လွဟ်ဇၞော်ဒတုံစှ်ေပါခတိုဟ်လဝ် ပ္ဍဲကွာန်ကၞာလဵုဂှ် ပ္ဍဲမွဲကာလဒပ်ပၞာန်သီအဝဵုဏံ ဒှ်အလန်ပထမကိုပ်ကၠာအိုတ်တုဲ ပရေၚ်ပန်ပှော် နူဂကောံလဵုရောဂှ် နကဵုသြၚ်လောန်တိုၚ်(မ်) သ္ပဒ္တန်တၞဟ်ခြာဟွံမာန်ရ။
ပရိုၚ် – သြၚ်လောန်တိုၚ်(မ်)
ဗီု – CJ
sanlontai