ပ္ဍဲအုပ်ဖိုဝ် က္ဍိုပ်ပျူသဝ်ထဳ သ္ကိုပ်သ္ၚိကၠံကံၚ်ဇြဳပၞာန် တိတ်ကၠုၚ်သွက်ဂွံတိုန်ဘာပၞာန် ဒးဒုၚ်ပန်ပသောၚ်လဝ်

အုပ်ဖိုဝ် – အံက်တဝ်ဗာ (၃)

သ္ကိုပ်သ္ၚိကၠံ အထံက်တိုၚ်ကံၚ်ဇြဳပၞာန် ဥူအောၚ်ဝေန်လေဝ် နူကွာန်ထာန်ပေန်ကုမ် ပွိုၚ်ဍုၚ်အုပ်ဖိုဝ် ခရိုၚ်သာယာဝတဳ၊ ရးဒေသဗဂေါဂှ် ဃောတိတ်ကၠုၚ် သွက်ဂွံတိုန်ဘာပၞာန် ပ္ဍဲဒပ်တုၚ်မျုပ် (ခ.မ.ရ-၆) ဂှ် PDF ခရိုၚ်သာယာဝတဳ ပန်ပသောၚ်လဝ်ရဂှ် လလောၚ်တြး ပ္တိတ်လဝ်ပရိုၚ်ရ။

တ္ၚဲဏံ ဂိတုအံက်တဝ်ဗာ စၟတ်တ္ၚဲ (၂) အခိၚ်နူဂယးပြဟ်ဂှ် PDF ခရိုၚ်သာယာဝတဳ တံဒပ် ၃၈၀၂၊ ဒပ်လ္ပာ် – ၄ (ဒပ်ဒမၠုက်သၟဝ်တိ-အုပ်ဖိုဝ်) ပန်ပသောၚ်လဝ်ရ။

ဥူအံၚ်ဝေန်လေဝ် သ္ကိုပ်သ္ၚိကၠံ အထံက်တိုၚ်ကံၚ်ဇြဳပၞာန်ဂှ် ဒှ်က္ဍိုပ်ပျူသဝ်ထဳတုဲ ပကောံကဵုဒၟံၚ်မၞိဟ် သွက်ဒပ်ပၞာန်တုဲ ကဵုဒၟံၚ်ဘာပၞာန် ပ္ဍဲဒပ်တုၚ်မျုပ် (ခ.မ.ရ -၆)ကီု၊ သီုဒှ်ညးဗက်ကဵုဒၟံၚ်သတိ ဗက်ထ္ၜးကဵုဒၟံၚ် ဒၞာဲဗဒိုပ်ပၠန်ဂတးတအ် မွဲတၠရဂှ် ဟီုလဝ်ရ။

သ္အာၚ်နူဂှ်ပၠန် ဟိုတ်နူထံၚ်ဒၟံၚ် ပရိုၚ်သ္ဂံၚ်ပၠန်ဂတးတုဲ ပလံၚ်ပဗစိုပ်ဒၟံၚ်ကီု၊ ဟိုတ်နူသ္ပမာန်ဍဵုဍိုက်ဒၟံၚ်ကောန်ဒေသ ညးဍုၚ်ကွာန်တအ်တုဲ ၜိုန်ရဒပ် PDF ကဵုလဝ်သတိ ဂၠိုၚ်ၚ်ကဵုဝါကီုလေဝ် ဟွံဒ္ဂေတ်သ္ပဗက်တုဲ ပါဲနူဂှ် သာတုဲ ဟိုတ်နူပရေံကၠုၚ်ဂှ်ရ စၟဳစၟတ်သ္ပဒ္တန်တုဲ ပန်ပသောၚ်လဝ်ရဂှ် ဂွံတီကေတ်ရ။

ဟိုတ်နူပန်ပှော်လဝ်တုဲ အထံက်တိုၚ်ကံၚ်ဇြဳပၞာန် သ္ကိုပ်သ္ၚိကၠံ ဥူအောၚ်ဝေန်ဂှ် ဒးချိုတ်လဝ် ပ္ဍဲဒၞာဲဂှ်တုဲ သီဂွံလဝ် နူညး ဖုၚ်ဆက်စၠောံလဝ်ကဵု ကံၚ်ဇြဳပၞာန် (၁)မ၊ လိက်ပ္တိုန်လဝ် စၟတ်သမ္တီပရေၚ် သ္ဂံၚ်ပၠန်ဂတးတအ် ချဳဒရာၚ်အာကၠုၚ်လဝ် (၁)အုပ်၊ သြန် (၃၁၁၅၀) ဒ္ကေဝ်၊ တၞးကာဒ်ကောန်ဍုၚ်၊ လိက်ထံက်ဂလာန်ယဲကိုဝ်ဝေတ် (၁)တၞးရဂှ် ဓမံက်လဝ် ပ္ဍဲတၚ်လလောၚ်တြးရ။

ပရေၚ်ချဳဒရာၚ်ပၞာန်ဏံ လ္ပာ်သ္ဂံၚ်ပၠန်ဂတးတအ် ပရေၚ်ဇီုကပိုက်ဒးလဝ်ဟၟဲ ရေၚ်တၠုၚ်လဝ် ဗွဲမအံၚ်ဇၞးမာန်ရဂှ် ကဵုလဝ်သမ္တီရ။

ပရိုၚ် – သြၚ်လောန်တိုၚ်(မ်)

ဗီု – Bago – PDF