ပံၚ်တေဝ် – အံက်တဝ်ဗာ(၁၀)
က္ဍိုပ်ပျူသဝ်ထဳ သၟဝ်တဲဒပ်ပၞာန် ဒၟံၚ်ကွာန်အံၚ်တပျေ ပွိုၚ်ဍုၚ်ပံၚ်တေဝ်၊ ရးဒေသဗဂေါဂှ် (ပ.က.ဖ) ပွိုၚ်ဍုၚ်ပံၚ်တေဝ် ပန်ပသောၚ်လဝ်ရဂှ် လလောၚ်တြးပ္တိတ်လဝ် ပရိုၚ်ရ။
ပ္ဍဲဂိတုအံက်တဝ်ဗာ စၟတ်တ္ၚဲ (၇)တုဲကၠုၚ်တေံ အခိၚ်ဒေါဝ်တ္ၚဲ (၁၂)နာဍဳဂှ် ဒပ်လ္ပာ် (ပ.က.ဖ) (၅) ဂကောံနွေဥူ ပန်လဝ်ကဵုလွဟ် (၄)လစုတ်တုဲ ပသောၚ်သ္အးလဝ်ရ။
က္ဍိုပ်ပျူသဝ်ထဳ ဒးဒုၚ်ပန်ပသောၚ်လဝ်ဂှ် ဒှ်ညးတိုန်လဝ်ဘာပၞာန် ပ္ဍဲဒပ်ကံၚ်ဇြဳပၞာန်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
သ္အာၚ်နူဂှ်ပၠန် စကာကဵုဒပ်ကံၚ်ဇြဳပၞာန်ဖျေံဗဒိုပ် ပ္ဍဲပွိုၚ်ဍုၚ်ကီု၊ ထံၚ်ဒၟံၚ်ပရိုၚ် ဒၞာဲဒပ်စဵုဒၞာညးဍုၚ်ကွာန်တအ်တုဲ ဒှ်မၞိဟ်ကၠောန်ရေၚ်တၠုၚ်ထ္ၜးဒၟံၚ်ဂၠံၚ် ကုဒပ်ကံၚ်ဇြဳပၞာန်ရဂှ် ဟီုလဝ်ရ။
ဟိုတ်နူကၠောန်သ္ပဒၟံၚ် ပွဗီုဏံတုဲ ၜိုန်ရလ္ပာ်ဒပ်စဵုဒၞာညးဍုၚ်ကွာန်တအ် ကဵုလဝ်သတိကီုလေဝ် ဟွံဒ္ဂေတ်သ္ပဗက်တုဲ ဟိုတ်နူအကာဲအရာ ပရေံဂၠိုၚ်တိုန်ကၠုၚ်ခ္ဍၚ်ရဂှ်ရ ဒးပသောၚ်သ္အးလဝ်ရဂှ် ရဂွံတီကေတ်ရ။
သွက်ဂွံကေတ်အာအရေဝ် သ္ကိုပ်အုပ်ဓုပ် ကေုာံပျူသဝ်ထဳ သၟဝ်တဲကံၚ်ဇြဳပၞာန် မၞုံပ္ဍဲရးဒေသဗဂေါတအ် ပိုတ်တ်သ္ကုတ်တ် နွံရဂှ် PDF – ဗဂေါ ကဵုလဝ်သတိရ။
ပရိုၚ် – သြၚ်လောန်တိုၚ်(မ်)
ဗီု – Bago-PDF
sanlontai