ရပ်ဂွံလဝ်သ္ကိုပ်ဒဳက္ၜၚ်ကျာပၞာန် ဂျိုၚ်ဂျိုၚ် မွဲတၠ

မတ်မလီု – နဝ်ဝေမ်ဗာ (၂၁)

ဟိုတ်နူပရေၚ်ပန်ပှော် ဂကောံဇြဟတ်ပၠန်ဂတးကရေၚ်ဍာဲတအ်တုဲ ပ္ဍဲက္ၜၚ်ကျာပၞာန် ကံၚ်ဇြဳပၞာန်ဒးခရိုဟ်လီုစှ်ေလဝ်ဂှ် ပၞောဝ်ကဵု သ္ကိုပ်ဒဳက္ၜၚ်ကျာ ဆၚ်စှ်ေ ကဵုက္ဍိုၚ်ကျာဂြိပ်လဝ် ၜါတၠ ရပ်ဂွံလဝ်ဂျိုၚ်ၚ် မွဲတၠရဂှ် အလဵုအသဳညဳသၟဟ်ကောန်ဂကူ NUG လလောၚ်တြးလဝ် ပရိုၚ်ရ။

ပ္ဍဲဂိတုနဝ်ဝေမ်ဗာ တုဲကၠုၚ် စၟတ်တ္ၚဲ (၁၁) တေံ ဃောဂြာတ်ထောံဖျေံဗုမ် ဗတိုက်ဒၟံၚ်ဂကောံဇြဟတ်ပၠန်ဂတးတအ်ဂှ် ဟိုတ်နူပရေၚ်ပန်ပှော် ပွေက် 5 ဒပ်စဵုဒၞာန်ကောန်ဂကူကရေၚ်ဍာဲ KNDF တုဲ က္ၜၚ်ကျာပၞာန်ကံၚ်ဇြဳပၞာန် ဂကူ K-8 ဒးလီုခရိုဟ်စှ်ေလဝ်ရ။

ကြဴနူဒးက္ၜၚ်ကျာတုဲ သ္ကိုပ်ဗိုလ်ခိုၚ်တာန်မိုဝ် မဒှ်သ္ကိုပ်ဒဳက္ၜၚ်ကျာပၞာန် ဆၚ်စှ်ေကဵုက္ဍိုၚ်ကျာဂှ် ဒပ်ပၞာန်စဵုဒၞာညးဍုၚ်ကွာန် PDF၊ တံဒပ် ဒပ်ပၞာန် သၟဝ်တဲဌာနပၞာန် ရးနေပျဳဒဝ်၊ ဒပ်ပၞာန် KNDF ကဵု KA တအ် ဘိုၚ်ဂၠိုက်ဂၠာဲရပ်ဂွံလဝ်ရဂှ် ဂွံတီကေတ်ရ။

အတိုၚ်သ္ဂံၚ်ပၠန်ဂတး ပ္ဍဲဗလးမုက်တိမွဲတၠ ဟီုလဝ်မ္ဂး သ္ကိုပ်ဒဳက္ၜၚ်ကျာပၞာန် ကံၚ်ဇြဳပၞာန် သ္ကိုပ်ဗိုလ်ခိုၚ်တာန်မိုဝ်ဂှ်မ္ဂး ရပ်ဂွံလဝ် ပ္ဍဲဂိတုနဝ်ဝေမ်ဗာ စၟတ်တ္ၚဲ (၁၉) အခိၚ်ဗ္တံ ပ္ဍဲလ္ပာ်ဖရူဇြောရဂှ် ဂွံတီကေတ်ရ။

အခိၚ်လၟုဟ်ဏံမ္ဂး ကြဴနူရပ်ဂွံလဝ် သ္ကိုပ်ဒဳက္ၜၚ်ကျာပၞာန် ကံၚ်ဇြဳပၞာန်တုဲ ဗီုပြၚ်လဵု ကေတ်အာအရေဝ် ဆက်ရေၚ်တၠုၚ်အာရောဟီုဂှ် နကဵုသြၚ်လောန်တိုၚ်မ် သ္ပဒ္တန်တၞဟ်ခြာ ဟွံမာန်ဏီရ။

ပရိုၚ် – သြၚ်လောန်တိုၚ်မ်

ဗီု – NUG