သီဂွံလဝ်လွဟ်လက်နက်မကမ် နူဗဒိုပ်ထံၚ်စာတ်ကံၚ်ဇြဳပၞာန် တွဵုရးသေံသၟဝ်ကျာ

နံၚ်ၛော – နဝ်ဝေမ်ဗာ(၂၁)

နူကဵုဗဒိုပ်က္ဍိုက်က္ဍိုပ်ထံၚ်စာတ် လွေန်ကျဳ၊ ဗဒိုပ်က္ဍိုက်က္ဍိုပ်ထံၚ်စာတ် ကျုအေန်၊ ဗဒိုပ်က္ဍိုက်က္ဍိုပ်ထံၚ်စာတ် ဟိုဝ်ခိုဝ်ကဵု ဗဒိုပ်က္ဍိုက်က္ဍိုပ်ထံၚ်စာတ် ကုမ်သာန် မၞုံပွိုၚ်ဍုၚ်နံၚ်ၛော၊ တွဵုရးသေံ(သၟဝ်ကျာ) ပန်ဗဒိုပ်တအ်ဂှ် သီဂွံလဝ် လွဟ်လက်နက်မကမ် ဗွဲမဂၠိုၚ်ဂၠေၚ်ရဂှ် ဌာနဝန်ဇၞော်ပရေၚ်စဵုဒၞာ NUG လလောၚ်ပ္တိတ်လဝ် ပရိုၚ်ရ။

ပ္ဍဲဂိတုနဝ်ဝေမ်ဗာ စၟတ်တ္ၚဲ (၁၉) တုဲကၠုၚ်တေံဂှ် ဒပ်ပၞာန်ဗၠးၜးကောန်ဂကူတအာၚ် (PSLF/ TNLA) ကေုာံ ဒပ်ပၞာန်စဵုဒၞာညးဍုၚ်ကွာန်(မာန္တလေဝ်) ဌာနဝန်ဇၞော်ပရေၚ်စဵုဒၞာ၊ အလဵုအသဳညဳသၟဟ်ကောန်ဂကူတအ် ပံၚ်တောဲ ဗတိုက်သီကေတ်လဝ်ရ။

ပ္ဍဲပေါဲဗတိုက်ဏံ သီဂွံလဝ်ကပေါတ်အရပ်စပ်ပၞာန် ပါလုပ် သီု MA-11 (၅၀) ဒကိုအ်၊ MA-12 (၉) ဒကိုအ်၊ MA-5 (၁၃) ဒကိုအ်၊ Shot Gun (၃၂) ဒကိုအ်၊ မကမ် 5.56 (၈၂၄၅၈) မ၊ 9 MM (၅၁၁) မ၊ မကမ် 12 Bolt (၁၅၉၂) မ ရဂှ် လလောၚ်ပ္တိတ်လဝ်ပရိုၚ်ရ။

ဗီုရုပ် – MOD