ကြဴနူသီကေတ် ဗဒိုပ်ကုန်ဗျူဟာဇၞော် ထရွောန်အိုၚ်တုဲ AA ဆက်ထ္ပက်ပၞာန်ဗတိုက်ဒၟံၚ် ကုန်ဗျူဟာနှုံဗူ သှ်ေမံၚ်ဂှ်

ပလေတ်ဝ၊ ဒဳဇြေမ်ဗာ (၇)

ကြဴနူ AA သီကေတ်လဝ် ဗဒိုပ်ကုန်ဗျူဟာ တရောန်အိုၚ် မၞုံဍုၚ်ပလေတ်ဝ၊ တွဵုရးချေၚ်ဂှ်တုဲဂှ် ကုန်ဗျူဟာနှုံဗူ သှ်ေဒၟံၚ်ဏီဂှ်လေဝ် ဆက်ထ္ပက်ပၞာန် ဗတိုက်ဒၟံၚ်ရဂှ် AA လလောၚ်တြးလဝ်ပရိုၚ် တ္ၚဲဏံ အခိၚ်ဒေါဝ်တ္ၚဲဂှ်ရ။

ပ္ဍဲကဵုဂိတုဒဳဇြေမ်ဗာ စၟတ်တ္ၚဲ (၄) တုဲကၠုၚ်တေံ ကြဴနူသီကေတ်လဝ် ဗဒိုပ်ကုန်ဗျူဟာတရောန်အိုန်တုဲ မွဲအဆက်ဂှ် ကုန်ဗျူဟာနှုံဗူ သှ်ေဒၟံၚ်ဂှ် တ္ၚဲဏံ ပ္ဍဲဂိတုဒဳဇြေမ်ဗာ စၟတ်တ္ၚဲ (၆) ဂှ် ထ္ပက်ပၞာန် ဗတိုက်လဝ် မရနုက်ကဵု (၂၃) ဝါ ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးရ။

နူလ္ပာ်ကံၚ်ဇြဳပၞာန်လေဝ် ဗဒိုပ်ကုန်သှ်ေဒၟံၚ်မွဲ ညံၚ်ဟွံဂွံဒးဗလးထောံတဲဂှ် တ္ၚဲဏံ သ္ပတံနူ အခိၚ် (၈) နာဍဳကဝက် နူဂယးတုဲ ပါဲနူဒုၚ်ပန်ဒၟံၚ်ကဵု အရီုဗၚ်ပန်လွဟ်ဇၞော် နကဵုက္ၜၚ်ကျာဂျေတ်ဂှ် ဒပ်ပၞာန်ရခေၚ် AA လေဝ် သွက်ဂွံသီကေတ် ကုန်ဗျူဟာမာန် ထ္ပက်ပၞာန် သၠုၚ်ပ္တိုန်ဒၟံၚ်အသိၚ် ဗတိုက်ဒၟံၚ်ရဂှ် လလောၚ်တြးလဝ်ရ။

ပရိုၚ် – သြၚ်လောန်တိုၚ်မ်

ဗီု – AA Info Desk