ဝါယှေန်တာန်၊ ဂျူလာၚ် ၂
တၚ်သ္ဂုတ်သွာတ် ရုၚ်ဂအုပ်သၞောဝ်ဓဝ် ဟွံဖျေံစၟတ် ဒုဟ်ဒဏ်စပ်ကဵုအမှုရာဇဝတ် ကုသမ္မတတြေံ ဒဝ်နေဝ်ထြာပ်ဂှ်မွဲသာ် ကဵုထောံအခေါၚ်ဗၠးနူဒုဟ်ဒဏ်ဂှ်ဝွံ ဒှ်သာဓက အန္တရာယ်နွံမွဲရောၚ် သမ္မတအမေရိကာန် ဂျဵုဗိုၚ်ဒေန် ဟီုလဝ်ရ။
တၚ်သ္ဂုတ်သွာတ်ဏံဝွံ ကဵုသၞောဝ်ဥပဒေအုပ်ဓလီု ဇြဟတ်ဍိုန်လျစှ်ေတုဲ သွက်ညးဍုၚ်ကွာန်အမေရိကာန်တံဂှ် ဒှ်ပြဝဖဵုဟွံမွဲ ပရေံပရေံမွဲရောၚ် သမ္မတ ဗိုၚ်ဒေန် သ္ဂးရ။
အခိၚ်ပြဟ်ဟ်တေံဂှ်တှ်ေ သမ္မတတြေံ ထြာပ် ဒုၚ်လဝ်တၠုၚ် တၚ်သ္ဂုတ်သွာတ် ရုၚ်သၞောဝ်ဓဝ်ဂှ်တုဲ သွက်ဒဳမဝ်ကရေဇြဳဂှ် ဒှ်ပေါဲအံၚ်ဇၞးဇၞော်ဇၞော်မွဲရောၚ် ဟီုလဝ်ရ။
နဒဒှ်သမ္မတမွဲ သွက်ပြဝမလုပ်သၞောဝ်တံဂှ် ဒဒှ်ရအခေါၚ်ဗၠးနူဒုဟ်ဒဏ်နွံ ပ္ဍဲဂိတုဂျူလာၚ် ၁ တေံ နာဲဗ္စာရုၚ်ဂအုပ်သၞောဝ်ဓဝ်တံ စၟဳတ်ဂွံဆဵုကေတ်လဝ်တုဲ သွက်ပြဝဗွဲမလုပ်သၞောဝ်ဟွံသေၚ်တံဂှ် အခေါၚ်ဗၠးနူဒုဟ်ဒဏ်ဟွံမွဲပုဟ်ဂးတုဲ ကလေၚ်လှဲကဵုလဝ်ဂဗုတ်ဂှ် ဇရေၚ်နာဲဗ္စာ စၟဳတ်ဂဗုတ်ဏံ ဂမၠိုၚ်ရ။
ဟိုတ်နူပ္တိတ်လဝ်ဇြဟတ် သ္ဂောံပြံၚ်လှာဲ သွဟ်ပေါဲရုဲမာဲ ၂၀၂၀ သမ္မတဗိုၚ်ဒေန် ဂွံလဝ်ဇၞးဂှ်တုဲ ဂဗုတ်ရာဇဝတ် စောဲစပ်လဝ်လ္တူထြာပ်တံဂှ် ရုၚ်သၞောဝ်ဓဝ် သ္ဂောံသ္ဂုတ်သွာတ်ဂှ် ထပ်လအ်ဒၟံၚ်ဏီဏောၚ် မဒှ်ရ။
အခိၚ်ထြာပ် ဂွံအခေါၚ်ကၠောန် နဒဒှ်သမ္မတမွဲဂှ် မုကၠောန်လဝ်ရောဟီုဂှ် နာဲဗ္စာဒုၚ်လဝ်တဲဂဗုတ်ဂမၠိုၚ် ဒးလ္ၚတ်ဒၟံၚ်ဏီဂှ်ရ လအ်အာကဵုဂိတုမာန်ဒၟံၚ်ဏီ မဒှ်ရ။
ကၠာပေါဲရုဲမာဲသမ္မတ ဂိတုနဝ်ဝေမ်ဗာကၠုၚ်စိုပ်ဏံဂှ် မုဂဗုတ်မွဲမှ စၟဳတ်ကလၚ်ဒဒၚ်အာ ဟွံသေၚ်ဂှ်ရ နကဵုထြာပ် လုပ်ပြိုၚ်အာပေါဲရုဲမာဲဂွံဒၟံၚ်ဏီ မဒှ်ရ။
ပ္ဍဲအမေရိကာန် ဒုၚ်သ္ဇိုၚ်ကဵုမူ ဨကရာဇ်ဟွံမွဲတုဲ ဒဒှ်ရဒက်ပ္တန်လဝ်ဂှ် သမ္မတ ဗိုၚ်ဒေန် ဟီုလဝ် ပ္ဍဲတၚ်လလောၚ်တြး မဗလးပ္တိတ်လဝ် နူကဵုရုပ်ရမျာၚ်မွဲရ။
ညးတံသီုဖအိုတ် စိုပ်ဂတမုက်သၞောဝ်ဥပဒေမ္ဂး ဒဒှ်ရ ဒှ်တုပ်ပ်ဂှ်ကီု ညးလဵုမွဲမှ ဟွံမွဲမံၚ် လ္တူသၞောဝ်ပုဟ်ဂှ်လေဝ် သမ္မတဗိုၚ်ဒေန် ဟီုရ။
ၜိုန်ဒှ်သမ္မတ ကၟိန်ဍုၚ်အမေရိကာန်ရဂှ် ဟွံမွဲလ္တူသၞောဝ်ပုဟ်ဂှ် ဗိုၚ်ဒေန် ဟီုလဝ်ရ။
တၚ်သ္ဂုတ်သွာတ် ရုၚ်သၞောဝ်ဓဝ်လၟုဟ်ဂှ်ဝွံ သမ္မတမွဲမွဲ စပ်ကဵုပြဝညးတုဲ ဒဒှ်ရဟွံမွဲကဵုတၚ်သၞောတ်ဗ္ၜတ် ဒှ်သဘဴသ္ဂးထောံသာ်ဏံရောၚ်ဂှ်လေဝ် ညးသ္ဂးရ။
Ref: BBC