မတ်မလီု၊ အံက်တဝ်ဗာ ၄
ပ္ဍဲတွဵုရးဍုၚ်မန် သွက်စရၚ်လၟိဟ်မၞိဟ် သၞာံ ၂၀၂၄ ဂှ် ကံၚ်ဒၟံၚ်စရၚ် ပ္ဍဲကဵုဒၞါဲ ၃၆၀၀ ပြၚ် နကဵုဇြဟတ်မၞိဟ် ၁၂၀၀ ပြၚ်ဂှ် ဂွံတီကေတ် အတိုၚ်တၚ်လလောၚ်တြး ကံၚ်ဇြဳပၞာန်တံရ။
စနူဂိတုအံက်တဝ်ဗာ ၁ တုဲ ပ္ဍဲကဵုအရာပ်လ္တူဍုၚ် ဍေံတံထိၚ်ဒက်လဝ်တံကဵု ပ္ဍဲကဵုကွာန်ရးလ္ၚဵုတံဂှ် ကံက်ဒၟံၚ်စရၚ်လၟိဟ်မၞိဟ် မွဲအခိၚ်ဓဝ်ရ။
ဂီုကၠီုဂကောံကံက်စရၚ်လၟိဟ်မၞိဟ်ဂှ် ဒပ်ကံၚ်ဇြဳပၞာန်၊ ဒပ်ဗၠာဲသၟိၚ်၊ ဂကောံပၞာန်ညးဍုၚ်ကွာန် ကေုာံ ဂကောံပျူသဝ်ထဳတံ ကေတ်ဒၟံၚ်ကဵုဂီုကၠီု နကဵုလွဟ်လက်နက်ပေၚ်ၚ်ရောၚ်ဂှ် ညးဒေသတံ ဟီုရ။
ပ္ဍဲအရာကံက်စရၚ်လၟိဟ်မၞိဟ်ဂှ် သၟာန်အာဂြောဝ်ဂတာတံ နကဵုဗီုပြၚ်တၚ်သၟာန် မစၟတ်လဝ် ၆၈ ဂှ်ဏောၚ်တုဲ သ္ၚိကံက်တုဲဒှ်တံဂှ် ဒဒှ်ရကံက်တုဲ ဗာန်အာတၞးလိက်ဏောၚ်ဂှ် ဂွံတီကေတ်ရ။
ပ္ဍဲအရာပ်လ္ၚဵုတံဂှ်တှ်ေ ပ္ဍဲတ္ၚဲကံက်စရၚ်လၟိဟ်မၞိဟ်ဂှ် တၠသ္ၚိကဵုဒှ် ဟွံသေၚ်မ္ဂး ရဲသ္ၚိသှ်ကဵုပရူပရာသ္ၚိမာန် မွဲတၠ သွက်ဂွံမၚ်မံၚ်ကဵုဂှ်လေဝ် ဗက်ပရအ်လဝ်လိက် နွံဒၟံၚ်ရ။
ကံၚ်ဇြဳပၞာန်ဝွံ နူဂိတုအံက်တဝ်ဗာ ၁ စဵုကဵုဂိတုအံက်တဝ်ဗာ ၁၅ ဂှ် ကံက်အာစရၚ်လၟိဟ်မၞိဟ်သ္ဂာဗ္တံဏောၚ်တုဲ ကၠုၚ်စိုပ် ဂိတုဒဳဇြေမ်ဗာဏံမ္ဂး လလောၚ်ပ္တိတ်အာ စရၚ်လၟိဟ်မၞိဟ် ကလိဂွံလဝ်ဂှ်ဏောၚ် ဟီုလဝ်ရ။
ဂကောံဇြဟတ်ပၠန်ဂတး ဖျေံသ္ဇိုၚ်တွဵုရးဍုၚ်မန်တံဂှ်တှ်ေ စပ်ကဵုကံၚ်ဇြဳပၞာန် ကံက်ဒၟံၚ်စရၚ်လၟိဟ်မၞိဟ်ဂှ်တုဲ နကဵုညးဍုၚ်ကွာန်တံ လ္ပပံၚ်တောဲပါလုပ်အိုတ်ဂှ်ကီု လ္ပာ်သ္ပမာန် သွက်ဂွံဒစဵုဒစးကဵုအိုတ်ဂှ် ဖ္တိုက်ဖ္အောဝ်လဝ်ရ။
ပရိုၚ်−သြၚ်လောန်တိုၚ်(မ်)
ဗီု−MOI