သေန်ကာပေါဝ်၊ နဝ်ဝေမ်ဗာ ၂၂
ပြဝကံၚ်ဇြဳပၞာန်ဝွံ ဗဒှ်ဒၟံၚ်ညံၚ်မူသ္ဇိုၚ် ဂကောံအာဇြဳယာန် ဇြဟတ်ဂွံဍိုန်လျဏောၚ်ဂှ် ဝန်ဇၞော်ကာစဵုဒၞါသေန်ကာပေါဝ် ဟီုလဝ်တုဲ နကဵုကံၚ်ဇြဳပၞာန် လ္ပရပ်စပ်ကၠုၚ်အာဇြဳယာန် သွက်ဒတုဲဖဵုဇကုညးဂှ် ဖ္တိုက်ဖ္အောဝ်ဟီုလဝ်ရ။
ပြဝဒပ်ပၞာန်ဗၟာတံဂှ်ဝွံ စပ်ကဵုပရေၚ်ပံၚ်တောဲရေၚ်တၠုၚ် ပရေၚ်စဵုဒၞါတံတုဲ က္တဵုဗဒှ်ကဵုဘဲအန္တရာယ် လ္တူပၞေဟ်အာဇြဳယာန် ညးတံ မဂ္စါန်ဒက်ပ္တန်လဝ် အပ္ဍဲပွိုၚ်ၜါစှော်သၞာံပြၚ်တုဲကၠုၚ်တေံ ညံၚ်ဇြဟတ်ဂွံဍိုန်လျစှ်ေအာဂှ် ဝန်ဇၞော်ကာစဵုဒၞါသေန်ကာပေါဝ် ဒံက်တာ အာမ် အာန်ဟာန် ဒဒှ်ရဟီုလဝ်ဂှ် ပ္ဍဲဂိတုနဝ်ဝေမ်ဗာ ၂၀ တေံ ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
ပ္ဍဲကဵုကောံဓရီုဝန်ဇၞော်ကာစဵုဒၞါအာဇြဳယာန် ADMM မရနုက်ကဵု ၁၈ ဝါ မကၠောန်ဗဒှ်လဝ် ပ္ဍဲလာအိုဝ်ဂှ် ဝန်ဇၞော်ဒံက်တာ အာန်ဂှ်တှ်ေ နဒဒှ်သွဟ်မွဲ စက်ယန်သၠုၚ်အိုတ် ပရေၚ်ပံၚ်တောဲရေၚ်တၠုၚ် ကေုာံ ပရေၚ်သဳကၠဳကဵုကသပ် စပ်ကဵုကာစဵုဒၞါ အပ္ဍဲဒေသဂှ်ဝွံ ဒးဆောံလေၚ်အာ ပွမပတှ်ေစဂွံတံမာန်ဂှ် ဟီုလဝ်ရ။
ပၞေဟ်အာဇြဳယာန်ဟီုဂှ်ဝွံ ရန်တၟံကဵု မူသ္ဇိုၚ် ဒဒှ်မအာဇြဳယာန် မ္ဒးဂပ်ဝ်မၚ်မွဲအာ အခန်ကဏ္ဍက္ဍိုက်ပ် ပ္ဍဲကဵုပရေၚ်ပံၚ်တောဲရေၚ်တၠုၚ် ကေုာံ ပရေၚ်ကလုတ်တမာန် အပ္ဍဲကဵုဒေသတံဂှ် မဒှ်ရ။
ပြဝကံၚ်ဇြဳပၞာန်ဂှ်ဝွံ ဟွံကိတ်ညဳကဵု တၚ်သ္ဂုတ်သွာတ်က္ဍိုပ်သ္ကိုပ်အာဇြဳယာန်တံ သ္ဂောံထ္မံက်ရုပ်ရဴ တၚ်တုပ်စိုတ် ၅ သာ် မလလောၚ်ပ္တိတ်လဝ် ပ္ဍဲသၞာံ ၂၀၂၄ ဂိတုအံက်တဝ်ဗာဂှ်ပုဟ်ဂှ် ဝန်ဇၞော် အာန် ဟီုရ။
ဟိုတ်နူပြဒ္ဒညာ မက္တဵုဒှ်ဒၟံၚ် ပ္ဍဲဍုၚ်ဗၟာတံဂှ်တုဲ ကဵုဇီုကပိုက်အာ ပ္ဍဲအရာအာဇြဳယာန်တံ ဖျေံသ္ဂုတ်သွာတ် ဟွံထေက်ပုဟ်ဂှ် ညးဟီုဗပေၚ်လဝ်ကီုလေဝ် ဟီုလဝ် ဗွဲလစှ်ေ ဂှ် ဟွံဆဵုကေတ်ရ။
ညံၚ်ပၞာန်အပ္ဍဲဍုၚ် ပ္ဍဲဍုၚ်ဗၟာ ဂွံတုဲဒှ်အာဂှ် စၟဳဒၟံၚ်အိုတ်ကီုလေဝ် တၚ်တုပ်စိုတ် ၅ သာ် အာဇြဳယာန် ၁၀ ဍုၚ်တံ တုပ်လဝ်စိုတ်တံဂှ် ကံၚ်ဇြဳပၞာန် သ္ပလဝ်မၛ္ဇဟ်ရ။
နကဵုကံၚ်ဇြဳပၞာန် ပ္ဍဲကဵုပရေၚ်ညးတံ ပၠန်တဲဂှ် လ္ပရပ်စပ်အာ အာဇြဳယာန်ဂှ်ကီု၊ သွက်တၚ်ရန်တၟံညးတံဂှ် လ္ပာ်ရပ်စပ်စကာအာ ADMM ဂှ်လေဝ် ဝန်ဇၞော် ဒံက်တာအာန် ဟီုလဝ်ရ။
Ref: CNA