ကျံက်ကျဳ၊ ဂျောန် ၁၈
ပ္ဍဲရးဗဂေါ ပွိုၚ်ဍုၚ်ကျံက်ကျဳ ကွာန်(နွားရေချောင်း)ဂှ် ဟိုတ်နူဒပ်ကံၚ်ဇြဳပၞာန် ပန်ကၠုၚ်ကဵုလွဟ်ဇၞော်တုဲ မၞိဟ်တြုံဒေသမွဲတၠ ချိုတ်တုဲ မွဲတၠ ဇီုကပိုက်ကလိဂွံလဝ်ဝပ်ရောၚ် KNU ဗဟဵု လလောၚ်ပ္တိတ်လဝ်ရ။
တုဲကၠုၚ်ဂိတုဂျောန် စၟတ်တ္ၚဲ ၁၄ တေံ နူကဵုတမ်ဒပ်ကံၚ်ဇြဳပၞာန် ခလရ စၟတ် ၂၆၄ ဖျေံသ္ဇိုၚ်ကွာန် (ပိန်းဇလုပ်) ဂှ် ပန်နၚ်လွဟ်ဇၞော်ၜါမ ပ္ဍဲကွာန် (နွားရေချောင်း)ရ။
မကမ်လွဟ်ဇၞော် နူဒပ်ကံၚ်ဇြဳပၞာန် မပန်နၚ်ဂှ် ဒတုံဗ္တိုဟ်ထ္ကးအာလဝ်တုဲ သဝ်သဵုဒူ အာယုက် ၃၅ သၞာံ ဒၟံၚ်ကွာန် (နွားရေချောင်း) ချိုတ်အာတုဲ နဝ်မျခေန် အာယုက် ၆၅ သၞာံ ဇီုကပိုက်ကလိဂွံလဝ်ဝပ်ရ။
လအာတုပ်သာ်ဂှ်ကီု တုဲကၠုၚ်ဂိတုဂျောန် ၉ တေံဂှ်လေဝ် ဟိုတ်နူဒပ်ကံၚ်ဇြဳပၞာန် ဖျေံသ္ဇိုၚ်(နတ်သံကွင်း) ပန်ပှော်ကၠုၚ်ကဵုလွဟ်ဇၞော်တုဲ ကောန်ကွာန်(ရေလဲကရင်) မၞုံယၟုသဝ်ထူတာ အာယုက် ၂၄ သၞာံ ကလိဂွံအာလဝ်ဝပ်ရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြး KNU ဗဟဵုရ။
အပ္ဍဲဂိတုဏံ ဒပ်ကံၚ်ဇြဳပၞာန် ပန်ကၠုၚ်လွဟ်ဇၞော် ပ္ဍဲကွာန်ညးဍုၚ်ကွာန်ဂမၠိုၚ် မံၚ်တန်တဴဒၟံၚ် မၞုံပ္ဍဲတိဍာ် KNU ခရိုၚ်သဓီုဂှ် လွဟ်ဇၞော်ဟွံအောန်နူကဵု ၇၀ မ နွံရောၚ် KNU ကဵုလဝ်သမ္တီ လလောၚ်ပ္တိတ်လဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−KNU