ရေဝ်၊ ဂျူလာၚ် ၉
ဒပ်အမၠံက်ကံၚ်ဇြဳပၞာန် စၟတ် ၃၁၆ မၞုံဇိုၚ်ကွာန်ကလအ် ပွိုၚ်ဍုၚ်ရေဝ် တွဵုရးဍုၚ်မန်ဂှ် အာဗတိုက်ထောံလဝ်မခတိုဟ် နကဵုဒရုၚ်ရောၚ် ဒပ်ပၠန်ဂတးဍုၚ်မန် MSRF လလောၚ်ပ္တိတ်လဝ်ပရိုၚ်ရ။
ပ္ဍဲဂိတုဂျူလာၚ် စၟတ်တ္ၚဲ ၇ အခိၚ်လဒေါဝ်တ္ၚဲ ၜိုတ် ၁၂ နာဍဳဝိုက်ဂှ် ဒပ်ပံၚ်ကောံမဟာမိတ်ပၠန်ဂတးဂမၠိုၚ် အာစိုပ်ဗ္တိုက်လဝ် ဒပ်အမၠံက်ဏံ နကဵုဒရုၚ်ရ။
အပ္ဍဲပရေၚ်ဗတိုက်ဏံ လ္ပာ်ကံၚ်ဇြဳပၞာန် လီုလာ်ဇီုကပိုက်ဒးဂှ် ဟွံဂွံတီကေတ် ဗၞတ်ဗ္ၜတ်ကီုလေဝ် လ္ပာ်ဒပ်ပၠန်ဂတးတအ် ဇီုကပိုက်ဒးဟွံမွဲမွဲသာ် ဗွဲမအံၚ်ဇၞး ဆုတ်ကလေၚ်လဝ်မာန်ရောၚ် ကဵုလဝ်သမ္တီရ။
ဒပ်ပၠန်ဂတးဍုၚ်မန် MSRF ကေုာံ ဒပ်ပၞာန်စဵုဒၞါညးဍုၚ်ကွာန် PDF တမ်ဒပ်ဒဝ်ဏတအ် ပံၚ်တောဲကၠောန်ကၠုၚ်လဝ် ပရေၚ်ပၞာန်ဏံရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
စပ်ကဵုအကာဲအရာ ဒပ်အမၠံက်ဖျေံသ္ဇိုၚ်ရေဝ် ဒးဒုၚ်ဗတိုက်လဝ်နကဵုဒရုၚ်ဂှ်တုဲ လ္ပာ်ကံၚ်ဇြဳပၞာန် လလောၚ်ပ္တိတ်လဝ်ပရိုၚ်ဂှ် ဟွံဂွံဆဵုကေတ်ဏီရ။
ပရိုၚ်−သြၚ်လောန်တိုၚ်(မ်)
ဗီုရုပ်−MSRF