ပဠဝ်၊ အဝ်ဂတ် ၅
ပ္ဍဲရးတနင်သဳ လ္တူဍုင်ပဠဂှ် ဟိုတ်ဖဵုဟၟဲမွဲသာ် ဒပ်ပၞာန်ဗၟာ ပန်ဂစိုတ်ထောံ ကောန်ဍုင် ၄ တၠရဂှ် ညးဒေသတံ ဟီုလဴကဵု ဌာန်ပရိုင်သြင်လောန်တိုင်(မ်)ရ။ လောန်ကၠုင် အဝ်ဂတ် ၃ တေံ ဟိုတ်နူပေါဲဗတိုက် ဒှ်ကၠုင်လဝ်လ္တူဍုင်ပဠဂှ်တုဲ ရဲမင်သ္ရိ သှ်ေမံင် ၄ တၠဂှ် ဒပ်ပၞာန်ဗၟာ ပန်ဂစိုတ်ထောံ မုလေဝ်ဟိုတ်ဖဵုဟၟဲ လးလးရ။ ရဲသှ်ေမံင်ဂတာဍုင် ဥူအံင်ဥူ၊ ဥူမေဝ်ပျာ၊ ဥူသဵုလောန်ကဵု ဒဝ်တဳဝေန်တံဂှ် ဟိုတ်နူဒပ်ပၞာန်ဗၟာ ပန်ဂစိုတ်တုဲ ချိုတ်အာဒၞာဲသ္ရိဌာန်ညးတံ နွံမံင်ပ္ဍဲအရာပ် မျေနဳကုင် ဂးရ။
ရုပ်ဇွညးမချိုတ်အာလဝ်တံဂှ် ပ္ဍဲကဵုအဝ်ဂတ် ၄ ဂှ်မှ ကပှ်ဂွံလဝ် ဇွ ၂ တၠရဂှ် ရဲဒေသတံ ဟီုရ။
လောန်ကၠုင် အဝ်ဂတ် (၁) တေံဂှ်လေဝ် ပ္ဍဲပေါဲဗတိုက် ဗဒိုပ်ဗၠာဲသၟိင်ပဠဂှ်တှ်ေ ဒၟာနူကဵု ဒးအာဘဲလွဟ်ဇၞော် ဒပ်ပၞာန်ဗၟာတုဲ လကျာ်ပဝ်အာ ၂ ကုကီု သီုကဵု သ္ရိ ၅ မလေဝ် လီုလာ်စာ်ထောင်အာ နွံရ။
အပ္ဍဲပေါဲဗတိုက်ပဠဏံဂှ် ဟိုတ်နူကဵု လွဟ်ဇၞော်ကဵု ၜင်ကျာပၞာန်ဗၟာတံ ပန်စုတ်ဂှ်ရ ကောန်ညးဍုင်ကွာန် ဟွံအောန်နူကဵု ၂၀ တၠ ဒးဘဲဝပ်ချိုတ်အာလဝ်တုဲ ကောန်ညးဍုင်ကွာန် ကဝက်ဍုင်ပြင်င် ဒးပါဲဒဴဂြိပ်တိတ်အာ ကုဒၞာဲဌာန်တၞဟ်သအာင်တံရ။
ပရိုင်-သြင်လောန်တိုင်(မ်)
photo – Social Media