မတ်မလီု၊ အဝ်ဂတ် ၉
ပ္ဍဲကဵုတွဵုရးမန် ပွိုင်ဍုင်လ္ရဵုတံမ္ဂး ပရေင်ဂစိုတ်မၞိဟ် တၠတဲဟွံမံက်တံ ဗွဲကြဴဏံလၟေင်င် ဒှ်ကၠုင်လဝ်စေအ်အ်တုဲ အပ္ဍဲကဵုပွိုင်မွဲဂိတုဏံ မၞိဟ်ဒးဒုင်ဂစိုတ် ၅ တၠ နွံကၠုင်ရ။
အတိုင်သြင်လောန်တိုင်မ် ပကောံဂွံလဝ်တင်နင်တံမ္ဂး စနူလောန်ကၠုင် ဂျူလာင် ၃၁ စိုပ်အဝ်ဂတ် ၆ တုဲကၠုင်ဏံ အပ္ဍဲပွိုင်မွဲသတ္တဟဓဝ်ဂှ် ကောန်ညးဍုင်ကွာန် ၅ တၠ ဒးဒုင်ဂစိုတ်လဝ်ရ။
တုဲကၠုင်ဂျူလိုင် ၃၁ ဂှ် လ္တူဍုင်မတ်မလီု ကရပ်ဗဒါဲ ဌာန်ဂအုပ်ပၞာန်ရးအဂၞဲဂှ် ညးတြုံမွဲတၠ ဒးဒုင်ဂစိုတ်လဝ်ကီုလေဝ် ဒဵုကဵုလၟုဟ် တၠတဲဟွံမံက်ဏီ။
တုဲပၠန် ပ္ဍဲပွိုင်ဍုင်မုဟ်ဍုင် ကွာန်ကၠအ်သတ်ဂှ် ညးဒေသ မကၠေံမံင် ဦးထက်အာကာ ကဵု ကိုညီညီလွင် တံ သီးညးၜါ ပ္ဍဲအဝ်ဂတ် ၆ ဂှ် ဒၞာဲကၠအ်ရာဘာ ကရပ်ဗ္ဒာဲကွာန် ကုတ်လဝ်ကအ်တုဲ ဒးဒုင်ဂစိုတ်လဝ် ဆၜိုတ်ဇွချိုတ်လဝ်ဂှ်ဟေင် ညးဒေသတံ ကလေင်ဆဵုညာတ်ရ။
ပရူတုပ်ကဵုဗီုဏံကီု ဂိတုအဝ်ဂတ် ၆ ပၠန် ပ္ဍဲပွိုင်ဍုင်ဇြပ်ဗု ကွာန်ပြဳဂှ် ကိုထိုက်နီကဵု မိဉာဏ် တံ တြုံကဵုဗြဴသီုၜါတၠ ဒၞာဲလ္တူဂၠံင်ဍာန်ဇၞော် ဇိုင်လုပ်ကွာန်ဂှ် ဒးဒုင်ပန်ဂစိုတ်လဝ်ကဵုလွတ် ချိုတ်အာလဝ်ဂှ်လေဝ် ကောန်ကွာန်တံ ကလေင်ဂွံဆဵုညာတ် ဇွညးတံရ။
စပ်ကဵုအကာဲအရာ ကောန်အရပ်ညးဍုင်ကွာန်တံ ဒးဒုင်သ္ပမံင်ကာဂစိုတ်သာ်ဂှ်ဏံတုဲ ဒပ်ကဝ်မယှေန်ပၞာန်ကဵု ဒပ်ဂကောံရပ်လွဟ်ပၠန်ဂတးတံ မုသာ်လေဝ် ပတိတ်လဝ်ပရိုင်ဟၟဲကီု လ္တူပရူဒဒှ်တံဏံဂှ်လေဝ် ပရေင်ဖန်ဖက် ဗက်ဂၠိုက်ဂၠာဲ ပရူပရာ ဟွံမွဲလးလးကီု ဂွံတီရ။
ပရိုင်- သြင်လောန်တိုင်မ်
Photo – Social Media