မတ်မလီု အဝ်ဂတ် ၉
ပ္ဍဲကာလပၞာန်သီအဝဵုဏံ ရဲတက်မံင်ကျာကု ဂကောံတၠအဝဵု နကဵုဗော်ဍုင်မန်တၟိ ထပက်လဝ်လိက်ကသုက် NCA ဝွံ တံင်တဲမွဲစွံတုဲ သွက်ဂွံလုပ်အာပေါဲဗတိုက်ဂှ် ဗော်ဍုင်မန်တၟိ AD ဒပ်ပၞာန်မန်ရာမည , ဥက္ကဌ ကမ်မတဳက္ဍိုက်ပ်ပရေင်ဍုင်ကွာန်ကေုာံပရေင်ပၞာန် နဲဇဲယ ဖတိုက်ဖအောဝ်ဏာရ။
သ္ဇိုင်ဥပဒေ ၂၀၀၈ သၞောဝ်တၠအဝဵုပၞာန်ကဵု ပရေင်ၜိုဟ်လလမ် မဒုင်လဝ်သ္ဇိုင် လ္တူ NCA တံဂှ် သွက်ဂွံထမံက်ကဵု အခေါင်အရာကောန်ဂကူမန်တံ ဟွံသေင်တုဲ ညံင်ဂွံလုပ်အာပေါဲဗတိုက်မွဲစွံမာန် ပ္ဍဲအဝ်ဂတ် ၈ ပ္ဍဲကဵုလိက်သဝဏ်စၟတ်သမ္တီ ပလံင်ဗစိုပ်ကု တ္ရဲပၠန်ဂတးဂှ် ချူလဝ်ရ။
ဗီုဂှ်ကီု လ္တူဗော်ပရေင်ဍုင်ကွာန်မန်တံဂှ်လေဝ် ပံင်တောဲအာကဵု ဗော်ဍုင်မန်တၟိ AD/ ဒပ်ပၞာန်မန်ရာမညတုဲ ညံင်ဂွံ လုပ်အာပေါဲဗတိုက်မွဲကရောံမွဲစွံဂှ်လေဝ် ဖတိုက်ဖအောဝ်လဝ်နွံရ။
တုဲပၠန် တၠအဝဵုပၞာန်ရန်လဝ် မကၠောန်ကဵု ပေါဲရုဲမာဲပတောအ်ဂှ် တင်စၟဳစ လ္ပစွံတုဲ မွဲကရောံကဵု ညးဍုင်ကွာန်မန်တံကီု ဘိုင်ဗတိုက်သရိုဟ်အာ တၠအဝဵုပၞာန်ညိဂှ် ထပ်တုဲ ကလေင်ဖတိုက်ဖအောဝ်လဝ်ပၠန်ရ။
နကဵုဒပ်ပၞာန်ပၠန်ဂတးမန် နွံပ္ဍဲတွဵုရးမန်တံဂှ် နဒဒှ်ဒပ်ပၞာန်မန်မွဲ ပံင်ပကောံအာတုဲ ဗတိုက်အာတၠအဝဵုပၞာန်မွဲစွံညိဂှ် နာဲဇဲယ ကော်ဘိက်လဝ် ဂွံဆဵုရ။
မွဲလပါ်ဂှ်ပၠန် အလုံကောန်ဂကူမန်ကဵု ကောန်တွဵုရးမန်တံ သီုဖအိုတ်ဂှ် ညံင်ဂွံတိတ်ဗၠး နူဘဝဒးဒုင်ပ္ဍဵုပ္ဍိုက်လဝ်ကီု သွက်ဂွံဒက်ပတန်အာ ပရေင်ဗၠးၜး ကၟိန်ဍုင်ဖိတ်ဒရေဝ်ဇေတ်တ်ကီု မွဲကရောံကဵု ဒပ်ပၞာန်မန်ရာမညမွဲစွံ လပါ်ညးတံၜိုတ်ကၠောန်သ္ပကဵုမာန် မွဲကရောံမွဲစွံ ညံင်လုပ်အာပေါဲဗတိုက်ဂှ် ပ္ဍဲလိက်သဝဏ်ဏံ ဖတိုက်ဖအောဝ်လဝ်ရ။
ပရိုင်- သြင်လောန်တိုင်မ်
Photo – NMSP-AD