မတ်မလီု- ၁၉
ကဝ်မယှေန်ပၞာန်သီလဝ်အဝဵုတံ ထ္ၜးဟိုတ် ပရေင်ကူသာန်သွံရာန်ကပေါတ်ဗၞိက်သေံ ဟွံလုပ်ဗဗွဲသၞောဝ်ဂးတုဲ ဗက်ဂၠာဲရပ်မံင်ဂှ်ရ ဒၞာဲဖျာဂမၠိုင် ကပေါတ်ဗၞိဟ်သေံနာနာတံ ပိုတ်မံင်အိုတ်ရ သာ်ဝွံ သၟာဗၞိက်တံ ဟီုကဵုဌာန်ပရိုင်သြင်လောန်မ်ရ။
နူကဵုပယျိုသေံဗမာမွဲအဆံင် ကပေါတ်ဗၞိက်ဍုင်သေံ လုပ်ကၠုင်လဝ်ဗွဲမဂၠိုင် ဒးဒုင်ရပ်မံင်ဆက်က်ဒှ်မံင်တုဲ ဂအာင်ဖျာတွဵုရးမန်ကီု သွက်ဂွံပလံင်ဗစိုပ်ကဵုဂအာင်ဖျာ ဒေသတၞဟ်ဟ်တံဂှ်ကီု ကပေါတ်နူဍုင်သေံတံဟၟဲတုဲ ဂၠာဲဝါတ်မံင်ကွေံကွေံရ။
ကပေါတ်ဗၞိက်သေံနာနာ နနဲလုပ်သၞောဝ်ဟွံသေင် ဟပၠုပ်နင်လဝ်ဂမၠိုင် ထ္ၜးဟိုတ်ရပ်သီကေတ်မံင်ဂှ်ရ ပရေင်ပလံင်ဗစိုပ်ကပေါတ်သေံနာနာတံဂှ် သၟာဗၞိက်ဂမၠိုင်တံ ဒေါအ်ဇူလဝ်ကီု အခိင်ဒေါအ်ဇူလံတိုန်ဟဍင် ကပေါတ်သေံတံဂှ်လေဝ် ပိုတ်အာ ဒှ်ကၠုင်ရ။
ဟိုတ်နူဒပ်ကဝ်မယှေန်ပၞာန်တံ မာတ်ဆိုအ်ဗက်ဂၠာဲရပ်မံင်ဂှ်ရ အပ္ဍဲဂအာင်ဖျာဂမၠိုင် ကပေါတ်ဗၞိက်သေံတံဟၟဲတုဲ ဂၠာဲရာန်ဝါတ်အာကီု ညိညိညညလေဝ် ရာန်ဟွံဂွံ စိုပ်ကၠုင်အကာဲအရာဗီုဏံယျ သၟာဗၞိက်မွဲတၠ ဟီုရ။
“ပ္ဍဲဂအာင်ဖျာတံ မုကပေါတ်လေဝ် ဟၟဲပုဟ်၊ ကပေါတ်ဗၞိက်သေံတံ သီုဖအိုတ် ပိုတ်အာယျ၊ ပ္ဍဲဖျာဇၞော် သူပါမာကိတ်တံလေဝ် မွဲသာ်ဟၟဲရပုဟ်၊ ပ္ဍဲဆေင်သတိုဝ်ဂှ်လေဝ် မုဟၟဲ၊ ဍာ်ကဝ်ဟရံက်ၜဲလေဝ် ဗက်ဂၠာဲရာန်ဟွံဂွံ၊ ကပေါတ်ပတိတ်နူဍုင်ဗၟာတံရ နွံမံင်” သာ်ဝွံသ္ဂးရ။
ကမၠောန်ဗက်ရပ်မံင် ကပေါတ်ဗၞိက်သေံတံ သာ်ဏံဂှ် ဒှ်မံင်ကမၠောန် ပွခေတ်လဇုဲဂလုဲလောန်တုဲ ညံင်ညးဍုင်ကွာန်တံ ဂွံကြေပ်ဂၠိုင်တိုန်ဂၠိုင် ဍေံတံဗက်ဖန်မံင်ရောင် ပါ်ပါဲဟီုဂးမံင်အိုတ်ရ။
မွဲလပါ်ဂှ်ပၠန် ဒၞာဲကၠောန်မံင် ပရေင်ကူသာန်သွံရာန် လုပ်သၞောဝ် ဒဒန်ပရေင်ဆာန်ကၟိန် လၟိဟ်(၂) ဂှ် စနူကဵု အဝ်ဂတ် ၁၈ အခိင်နူဂယးဂှ် ကဝ်မယှေန်ပၞာန်တံ ဗွဲယာယဳ ဟိုတ်နူကၟာတ်ထောံဂှ် သွက်ဂွံပလံင်နင်လပါ်ဗြဝတဳ ကွဳစက်ဖဍိုက်လဝ်ကပေါတ်ဗၞိက် ၅၀၀ မပြင်င် မ္ဒးခက်ဆိုအ်ဗမံင် လပါ်မေဝ်ဆံက်တေံရဂှ် ညးဒေသတံ ဟီုရ။
စနူကဵုလပါ်ဂၠံင်ဍာန် လုပ်သၞောဝ်တံ ပလံင်ဗစိုပ်ကဵုမံင် ကပေါတ်ဗၞိက်သေံနာနာတံကီုလဝ် ဒၟာနူကဝ်မယှေန်ပၞာန် ကၟာတ်ဆိုအ်လဝ် ဗီုဏံတုဲ ကပေါတ်ဗၞိက်သေံနာနာသာ် ပိုတ်အာသၟးဟွံက အနှုန်ၚုဟ်မးကပေါတ်နာနာ ဂၠိုင်ကဵုအဆ ၚုဟ်မးဘိုအ်ဂွံလှုင်အာရနွံ သၟာဗၞိဟ်တံ ဟီုဂးထံက်ထၜးလဝ်ရ။
ဍုင်ဗမာဝွံ နူကဵုဍုင်ဇိုင်ဝုတ်ဒိုဟ် သေံတံဂှ် ကပေါတ်သ္ဇိုင်သွက်ဂွံစကာသုင်စောဲ မပ္တံကဵု ကပေါတ်သ္ဇိုင်ပရေင်စသုင်နာနာ၊ ကပေါတ်မၞိဟ်ဂမၠိုင် စကာသုင်စောဲ၊ ဂဥုဲဇဗ၊ ကပေါတ်ကျိုင်ကျဝ်နာနာ၊ သီုကဵုကပေါတ်သိုင်ခၞံနာနာကီု သီုကဵုကပေါတ်စကာသုင်စောဲနာနာသာ်တံ မ္ဒးစကာရပ်စပ်မံင်ရောင် ဂွံတီရ။
ပရိုင်-သြင်လောန်တိုင်မ်
ဗီုရုပ် – Social Media