ဍာ်ဗု၊ အံက်တဝ်ပါ ၉
ရးတနၚ်သဳ ပ္ဍဲပွိုၚ်ဍုၚ်ဍာ်ဗု အကြာကွာန်ရတ်တၟးကဵု လအ်ဇြိုၚ်တံ ပေါဲဗတိုက်ၜါလပါ် ကလေၚ်ဒှ်မံၚ်ရောၚ် ဂွံတီကေတ် နူကဵုတမ်ဒပ် ၂၇ ဒပ်ပၞာန်ဗၠးၜးကောန်ဂကူကရေၚ် KNLA ရ။
ပ္ဍဲကဵု အံက်တဝ်ပါ ၈ ၜိုတ်အခိၚ်နူဂယး ၇ နာဍဳ ကရောၚ်ပၞာန်ဒပ်ကဝ်မယှေန်ပၞာန် ထပက်ကၠုၚ် နူကဵုကွာန်ဍာ်တူဂှ် ဒပ်မဟာမိတ် ဂကောံဇြဟတ်ပၠန်ဂတးတံ တတ်ဗတိုက်ဏာတုဲ ပေါဲဗတိုက်အကြာၜါ်လပါ် ဒှ်ကၠုၚ်ရ။
ပေါဲဗတိုက်အကြာၜါ်လပါ် ဒှ်ကၠုၚ်ပွိုၚ်ၜိုတ်ကဝက်နာဍဳပြၚ်အာဂှ် ရဲလပါ်ဒပ်ကဝ်မယှေန်ပၞာန် ဟွံအောန်နူ ၅ တၠချိုတ်အာတုဲ ကလေၚ်ဆုတ်အာ လပါ်ကွာန်ဍာ်တူပၠန်ရဂှ် ညးတာလျိုၚ် တမ်ဒပ် ၂၇ KNLA မွဲတၠ ဟီုကဵုဌာန်ပရိုၚ်သြၚ်လောန်တိုၚ်မ်ရ။
လောန်ကၠုၚ် ဂိတသိပ်တမ်ပါ သတ္တဟလက်ကရဴအိုတ်ဂှ်လေဝ် ကရေၚ်ပၞာန်ထပက်လုပ်ကၠုၚ် ဒၞာဲဇုမ်ထဝါဲ ပရေၚ်ပိုန်ဒြပ်တၟေၚ်ဂှ် ဟိုတ်နူဒပ်ကဝ်မယှေန်ပၞာန် ဒးဒုၚ်မာတ်ဆိုအ်ဗတိုက်တုဲ ကောန်ဒပ်ကဝ်မယှေန်ပၞာန် ၁၃ တၠ ချိုတ်အာလဝ်နွံ ဒပ်ပၠန်ဂတးတံ ပတိတ်လဝ်ပရိုၚ်ရ။
ဒပ်ကဝ်မယှေန်ပၞာန် ကၠာဟွံစိုပ်ပေါဲရုဲမာဲဏံ နကဵုက္ဍိုပ်လိက် ပသောၚ်သ္အးတိဍာ်ဂှ်ရ ပ္ဍဲကဵုပွိုၚ်ဍုၚ်ဍာ်ဗု ကရောၚ်ပၞာန် လုပ်မွဲကွာန်တိတ်မွဲကွာန် ထပက်မံၚ်ပၞာန်ရ။
ကရောၚ်ပၞာန်ကဝ်မယှေန်ပၞာန် လုပ်မွဲကွာန် တိတ်မွဲကွာန် ထပက်မံၚ်ပၞာန်တံဏံ ဂိတုသိပ်တမ်ပါ ၃၀ တေံဂှ် ပ္ဍဲကဵုကွာန်ဧကနိ လုပ်စံၚ်ပလီုထောံလဝ် သ္ၚိ ၁၀ မ ရဂှ်လေဝ် ညးဒေသတံဟီုတုဲ ဂွံတီကေတ်ရ။
ပရိုၚ်-သြန်လောန်တိုၚ်မ်
Photo – PDF