ထဝါဲ၊ အံက်တဝ်ပါ ၉
ပ္ဍဲရးတနၚ်သဳ ဒေသထဳခဳ ပွိုၚ်ဍုၚ်ထဝါဲ နူကဵုဒပ်ကဝ်မယှေန်ပၞာန် ပ္ဍဲမွဲတ္ၚဲဓဝ် ကြဳဖျေံဗုမ် ၄၀ မပြၚ်ရဂှ် ခရိုင်ဗိက်-ထဝါဲ ဗော်သွးကောန်ဂကူကရေၚ် KNU ပတိတ်လဝ်ပရိုၚ်ရ။
ဒပ်ကဝ်မယှေန်ပၞာန်ဗမာဝွံ ပ္ဍဲဂိတုအံက်တဝ်ပါ ၈ အခိၚ်နူဂယး ၉ နာဍဳကဵု ပယျာံတ္ၚဲစေၚ် ၂ နာဍဳဂှ် ပေါဲဗတိုက်ဟၟဲမွဲသာ် နကဵုၜၚ်ကျာ Y-12 ကြဳဖျေံဏာဗုမ် ကွာန်ထဳခဳကဵု ကွာန်ဗ္ဒာဲဗ္ဒာဲတံ မဒှ်ရ။
ဟိုတ်နူဒပ်ကဝ်မယှေန်ပၞာန် ကြဳဖျေံဗုမ်ဂှ်ရ သ္ၚိဟွံအောန်နူကဵု ၅ မ လီုလာ်အာတုဲ ကွဳစက်ကဵုဒၞာဲစမြိုၚ်ဒၟံၚ်လ္ၚဵု လီုလာ်အာလဝ်နွံရဂှ် ညးတာလျိုၚ်လလောၚ်ပရိုၚ် ခရိုၚ်ဗိက်ထဝါဲ KNU ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဟိုတ်နူပရေၚ်ကြဳဖျေံဗုမ်ဂှ်ရ ညးဍုၚ်ကွာန် ၃၅၀ ပြၚ် ဂြိပ်ပါဲတိတ်အာဒၞာဲဗၠးဘဲဒဏ်တံနွံမံၚ်ရောၚ် သ္ဂးရ။
အခိၚ်ပေါဲရုဲမာဲကြပ်ကၠုၚ်ဏံဂှ် နူကဵုဒပ်ကဝ်မယှေန်ပၞာန် နကဵုပၞာန်ကျာဗတိုက်ကၠုၚ် ဒၞာဲတိဍာ် KNU ထိၚ်ချုက် ဒေသထဳခဳတံ ဂှ်ရ။
မွဲလပါ်ဂှ်ပၠန် ဒပ်ကဝ်မယှေန်ပၞာန်ဝွံ အပ္ဍဲဒေသဒးဗလးလဝ်တဲ အလုံမွဲဍုၚ်တံဂှ် ပရေၚ်ထပက်ပၞာန်ဗလးတိကီု ပေါဲဗတိုက်ပၞာန်ကျာ တံကီု ကၠောန်မံၚ်ဆက်က် မဒှ်ရ။
ပရိုၚ်-သြန်လောန်တိုၚ်မ်
Photo – KNU