လံၚ်လုၚ်၊ ဒဳဇြမ်ပါ ၁၂
ရးတနၚ်သဳ ကရပ်ဍုၚ်လံၚ်လုၚ် ပ္ဍဲကွာန်ညှေန်မဝ် ပေါဲဗတိုက်ဒှ် သ္ကာတ်မြဟ်မံၚ်တုဲ နူကဵုလပါ်ဒပ်ကဝ်မယှေန်ပၞာန် ကၠုၚ်ကြဳဖျေံလဝ်ဗုမ်ရဂှ် ဂကောံပၠန်ဂတးတံ ဟီုကဵုဌာန်ပရိုၚ်သြင်လောန်တိုင်မ်ရ။
ဒဳဇြမ်ပါ ၁၁ အခိၚ်နူဂယးၜိုတ် ၉ နာဍဳ ကရောၚ်ပၞာန် ဒပ်ကဝ်မယှေန် ပၞာန် နကဵု ဇြဟတ်ပေၚ်ၚ်ထပက်ကၠုၚ် နူဍုၚ်လံၚ်လုၚ်ဂှ် ၜါ်လပါ်ပေါဲဗတိုက်သ္ကာတ်မြဟ် ဒှ်လဝ်ကဵု ဒပ်မဟာမိတ်ဂကောံပၠန်ဂတးတံ တံရ။
ပ္ဍဲကဵုပေါဲဗတိုက်ဏံ အခိၚ်ဒေါဝ်တ္ၚဲ ၜိုတ်မွဲနာဍဳဂှ် နူကဵုဒပ်ပၞာန်ကျာ ကဝ်မယှေန်ပၞာန် ကၠုၚ်ကြဳဖျေံဏာဗုၚ်ၜါမ မဒှ်ရ။
အခိၚ်ဒှ်မံၚ်ပေါဲဗတိုက် နူကဵုဒပ်ကံၚ်သဳပၞာန်ဖျေံလဝ်ဒပ် ပ္ဍဲရုၚ်ကာတ်သတာန် ဍုၚ်ထဝါဲ ပန်ပလံၚ်မံၚ်ကဵု လွဟ်ဇၞော် အဆက်က်ကီုတုဲ ပေါဲဗတိုက်ၜါလပါ် ဒဵုကဵုသဝ်တ္ၚဲ ၄ နာဍဳ ဆက်ဒှ်မံၚ်ဖိုအ်ရောၚ်။
ပ္ဍဲကဵုပေါဲဗတိုက် ရဲလပါ်ဒပ်ပံၚ်တောဲ ဒပ်ပၞာန်စဵုဒၞာညးဍုၚ်ကွာန် PDF ညးဒးဝပ်ဟွံမွဲတုဲ လပါ်ကဝ်မယှေန်ပၞာန်တံ ဟွံအောန်နူကဵု ၅ တၠ ဒးဝပ်ချိုတ်အာလဝ်နွံမံၚ် သ္ဂးရ။
သီုကဵုပေါဲဗတိုက်ကီု ဟိုတ်နူဒပ်ကဝ်မယှေန်ပၞာန် ပန်မံၚ်ကဵု လွဟ်ဇၞော်တုဲ ညးဒေသကွာန်ညှေန်မဝ် အလုံမွဲကွာန်တံ ဒးဂြိပ်ပါဲအာအိုတ်ရဂှ် ဂွံတီနူကဵု ညးဒေသတံရ။
လောန်ကၠုၚ်နိုဝမ်ပါ ၁၀ တေံလေဝ် ကရောၚ်ပၞာန် ဒပ်ကဝ်မယှေန်ပၞာန် လုပ်ကၠုၚ်လဝ် ကွာန်ညှေန်မဝ်ဂှ် ရပ်ဂွံ PDF ၂ တၠကဵု ညးဒေသ ၂ တၠတုဲ ဂစိုတ်ထောံလဝ်ရဂှ် ဂွံတီရ။
ပရိုၚ်-သြင်လောန်တိုင်မ်
Photo – Social Media